2006/03/29

No Protection by 側先生

Volar 側田 (@No Protection 2006)
曲 : 雷頌德/側田(On Your Mark) 詞 : 林夕 編/監 : 雷頌德


Gal 在橫行無忌舞池內 令全場圍住也應該 巴不得挨埋身示愛
Gal 讓靈魂搖蕩太精彩 共連場旋律化不開 為何而來令我期待
要接近最愛陌路人 要接近也怕太親近
寂寞人每晚跳過過癮 便獨自遠飛就似風箏
Hey Mr DJ 要播爆這天地 欣賞她肢體 將水銀都瀉地
Hey Mr DJ 要靠你有品味 想跟她高飛 跟音樂賭我運氣
Gal 在徘徊巡視你存在 但行離行近再分開 仿佛身影全都是愛
Gal 沒攜來同伴太悲哀 令途人呆望太不該 願全場唯獨我期待
Hey Mr DJ 到了這個境地 假使她消失 怎保存這勝地
Hey Mr DJ 看透我意思未 請揀些戀歌 使她無可退避
---------------------------------------------------------------------
上年在巨基concert初現光芒,今次就到自己《One Good Show》,側先生你係得嘅﹗當人人都趕喺開show前出碟谷隻勁主題曲配合強勁舞步做opening時,側先生開show先打歌,仲要唔係佢招牌慘歌,側先生,你又得了﹗

上次debut大碟側田sell慘情,《好人》完又《我不是好人》,慘咗個新人王稱號,亦慘出一堆緋聞,好人變好慘。不過慘歌唔係本人杯茶,side cut先係本人最終熱愛。說實在,那些慘歌同出一徹(eee...幾首一齊聽就分唔到邊首打邊首),係靠側先生有別港式k腔嘅洋式唱腔帶起首歌(情況如Janice)。老實說,比同公司嘅巨基、方力金甚至鄭中袖唱都得,個人風格?慘情好似係好多歌手嘅selling point呢架喎,有咩特別先?

封面的學生照味道很濃啊...

好在上張碟大收旺場,今次就放膽少少去試,曲風多樣化了,歌詞唔一味慘仲有啲如《霍元甲》咁玩自強。暫時只聽過一次,較深印象都係快歌,一來就係由側小朋友勁高音演譯《小生怕怕》,唔知係咪被緋聞攪到怕怕呢?(點解啲歌手咁鐘意播細個時唱嘅歌?又咁啱會錄低咗同時keep到而家?鄭天后演唱會又播過喎) 跟住有鬼馬醒神嘅《決戰二世祖》,今次又係同人爭女仔,不過就輕鬆跳脫,唔使等200年後先一起,進取地叫個女仔考慮自己唔好揀個痴呆二世祖﹗再呢有plug緊嘅《Voler》,蒲feel勁濃,聽得人un身un勢;中段那句「Hey Mr DJ」和電子mixing不其然令我諗起麥當娜大姐嘅...umum...。另一首《夢女》較迷幻又有點sexy,又令我不其然諗起人地嘅歌,今次係梅姐嘅《夢姬》...

慢歌方面,好鐘意《運》嘅正面歌詞,「怎麼叫運 視乎你心理 捱盡黑夜便可看得到晨曦」,直情可以做千Fa套《天生一對》OST收錄歌,唔好自怨自憐啦﹗《剛》自比King Kong,向世界所有反對佢嘅人自白,「不屑 不信 不怕 打擊更令我堅強」強過霍元甲呀﹗唔知有無興趣喺《King Kong》套戲出DVD時來個crossover呢~延續之前慘爆風格嘅就有《走音》, 「唱遍高低起跌 而情感偏偏走音」幾到肉呀啲歌詞(有啲商台slogan feel)。其他的《情永落》、《得來不易》、《美麗之最》都沒有太大印象,也許要聽多幾次先會記得。

可喜今次側先生無因為上次成功新碟照copy舊碟formula,驚喜不絕,佢嘅碟總有傳統K歌為一眾K迷止餓,同時有會有偏離大市嘅歌滿足吓自己。都說過,我愛side cut﹗side cut side cut唔怕多,哎吔哎吔唷...

(4/2/12後按:

1. 至今《Volar》還是小的飛佛之一,真係幾yo幾好un的…後期仲有首《紅地毯》…其實我鐘意側田唱呢啲多過吓吓慘情歌囉…

2. 其實側田唱歌真係O的,不過就係花邊新聞多過佢自己啲歌((至爆咪同曹格打交那單野…)),卒之退出香港市場北上發展,是有一點可惜的,不過人生在世三分人事七分天意,都唔可以全部怪人吧?)

沒有留言:

張貼留言

要講幾句嗎?﹗XD