快啲再快啲

黃昏都市人 草蜢 (草蜢@GRASSHOPPER III 1989)
曲：蔡一智　詞：向雪懷

鬧市中　如同森林　街頭人潮如湧 去來總欠些開心　寫照一日人生
像吊燈　無言一個人　依然獨個地去等愛人
他會無聲走近　跟我歡渡黃昏　慢慢地你漸行近
讓熱力暖在我心　撥弄亂髮極迷人　令視線拉近
落日像一顆愛心　讓魅力散落我身　恨路上寸步難行　望著如木偶
形麻木都市人　熱情熱誠未許過份　戀愛都要造作
熱愛急降低溫　冷淡冷落過份冷感　無情是都市人
未明白傳話的眼神　只要朝晚共處消耗光陰　卻未發現美麗黃昏
一些關心增添生活美感　一點真愛終於都有回音
情人陪同無論以後挽著兩手 這是最美麗時候

***
草蜢嘅歌我最有印象係n年前同梅姐合唱嘅《愛將》(我依然覺得好正...)...之後就係《lonely》(無疑真係好正)...直至05年《我們》單曲...我都沒留意他們的歌...只係好記得初中時一位其貌不揚(對不起...一場同學我咁樣話你...)嘅同學成日拎住隻《三人主義》cd走圍聽(居然唔怕被沒收)...還向我熱烈推介過...可恨當年我忙著迷郭富城和古巨基(後來佢仲介紹我聽so永康...又借咗《情來自有方》嘅結他譜俾我...縱然我除咗牧童笛外不諳其他樂器)...現在回頭看...原來呢位同學咁多年前年紀輕輕已係一個識貨之人(本人總係快人幾步or慢人幾世欣賞一個歌手or歌)...對不起...我遲了你足足十年才來迷上草蜢...

90年代草蜢蛻變成音樂昆蟲開始玩創作...這點我是知的...不過...我唔知原來佢地原來係80年代出的碟已開始有自己作品....這隻《黃昏都市人》....第一次聽時真係估唔到係咁早期嘅作品(出乎意料之作還有《歲月燃燒》...都係來自1989 年嘅《GRASSHOPPER III》 )...又會咁成熟咁世故嘅....

同學....如果我們有緣重聚我一定會盡情同你分享當年你已欣賞不已嘅Grasshopper囉...
----------------------------
發現自己越呢越香港人...咩都要快..除了錢...我的耐性也越來越少...

歌...聽唔夠30秒開始飛...飛去副歌...唔啱心水嘅就飛去下一首...如是者...一隻碟...我10分鐘都唔使就聽完

書...書名引得我有興趣就睇封面...有興趣就睇封底....仍然有興趣睇序...仲有興趣揭目錄...ok就飛去比錢...整個過程唔使半個鐘

字...一目十行...即係scan...無論係書、雜誌、網頁、醫貓...總之用最快嘅速度睇完...get咗個中心思想先算

講...開始迫自己講野開野見山了...說話的方式已不自覺由兜圈變成直接...總之要聽嘅人好快咁比到個ans/reply我

於是..我對customer hotline發脾四的次數多了...因為佢地對我嘅request總是say no的...

睇...好耐無追過無記劇(上一套係05年的《水滸》了)...意思係指每日睇一集...要是有有興趣的新劇...我會睇劇情簡要...真係有興趣先睇第一集...再用頭一集定生死...

還有那些vcd...縱是看得我如癡如醉的草蜢concert...我也分了三次睇(其實仲未睇完)...說到底...還是不能乖乖的坐下來慢慢看(我的手...不自覺就拿gameboy出來打)

搭車...我係唔捨得用呢啲時間呢瞓...一定要用呢scan書...就算無都拎份都市呢刨...同時...耳還要聽著我的mp3...

等...對不起...比我心中standard的時間多了我的abs(automatic black-faced system)就開動了...然而我的standard又比人少喎...都說了...我心急...

要是電腦hang了要boot機...ctrl&alt&delete總會比我禁爆的...所以keyboard這3個制的色都特別淺的...

個browser load得耐了我又不耐煩了....

醫貓了的同事唔該有咁快得咁快覆我...

食了的藥最好即時見效...............

病入膏肓...我都唔明我做咩咁心急...但我又唔捨得(確係唔捨得)將時間用來hae...尤其是星期日...真係唔捨得齋攤...就算唔出街都要搵啲野做...理得佢執屋又好打機又好睇vcd又好...悠閒...好似變咗罪過...

好似而家明明我眼瞓了...但見佢11點幾走去瞓又好似早得啲...係都要打篇野聽多兩首譚校長先肯去瞓...

究竟係點解呢...