我愛街邊檔

花街70號 林子祥 (@花街70號　1987)
填詞：林振強 作曲：R Collsins/B Bromberg/R Cray 
編曲/監製：Edward Chan/Charles Lee

近日在晚間打到清早　電話不通不對路

事實上你天黑到清早　和誰人展開新線路
睡了又醒人極為暴躁　獨駕車衝鋒黑馬路 

沒料在暗燈中見到你跟他步進花街七十號
怎麼我忽變第三者　被你拋低於窄路 

拳頭如握緊一柄尖刀　脈搏以青筋激憤做
獨坐在車我守到清早 但你與他卻不再出馬路

如狂風一般我將汽車撞向那花街七十號
飛車快闖進末路　撞向你跟他的腳步 

心裡忽然有一把聲音　喚醒我瘋癲的腦部
傻瓜方會因你心傷　現今知你骯髒似土 

連忙急轉彎覓新道路沒再管花街七十號
沒再管花街七十號　花街七十號

-------------------------------------------------------------

事緣今天報紙說衛生幫為交數出動便衣人捉小販，最後有小販被車撞傷收場。行經天橋回家時看到一眾電視/電話/上網檔攤萬國旗海安然無恙地兜生意時有點感慨，想影低呢個情景，不過out focus了。快手快腳就影完的相在芒中看還可以的；可是過到電腦時就矇得不得了，手機影相難度比用dc還高。

放工時行經的天橋連著地鐵站、商場和幾個附近主要屋村住宅。因為人流多而橋身頗闊關係，一直都是擺檔者必爭之地，搵到個好位就不愁無生意了。讀書時衛生幫還未大舉捉小販，下午放學真係人間天堂，魚蛋、雞蛋仔、生菜鯪魚肉、炭燒魷魚…應有盡有；想睇乾貨嘅亦有大量首飾、A貨手袋、A(都係A)貨名牌衫…，耐不耐仲會有伯伯婆婆出呢賣南洋神藥；同時又會有個彈住電子琴嘅婆婆non-stop表演，無論你比幾多蚊佢，佢都會好有禮貌咁講多謝。真係要咩有咩，返屋企前行一行滿足一下本人口腹之欲之餘又可以眼睛shopping一番，好滿足呀﹗

近年無呢支歌仔唱了，據說是為了行人安全起見，衛生幫、小販隊天天都"棟"在橋上，狠狠地拆散了我和我的魚蛋、雞蛋仔。當然，我明白，第一小販的食物不合衛生；第二他們確是阻街，影響了市容。當他們趕絕了無牌小販之後，隨之而來就係無數介紹計劃比你/小姐你上咗網未嘅上網/收費電視/信用卡/電話檔﹗天橋的路真的很迫，一路行過被幾百個人追住介紹他們的plan，好煩；幾十個這樣的流動檔口，他們霸住橋的兩邊令行人可行的路少得可憐，我不覺得這樣的市容比小販擺檔的好得多少喎﹗同時加送那些介紹plan比我們的那些哥哥姐姐噴出來的二手煙，唔使錢嘅﹗

小販出呢擺檔咁危險其實都係想搵餐飯食，其實除了一定要靠捉靠打壓之外，係咪有其他方法幫佢地自力更生又唔會影響公眾衛生呢？(報紙的記者訪問了一個小販，那位姐姐說擺檔總比拿綜緩好)例如劃個小販區整個領牌制度咁(恕我學識淺陋…其實我唔知咁work唔work)，總會有啲兩全其美嘅方法等呢班人可以做生意糊口吧；政府成日想攪特色野吸引遊客，其實這些街頭小吃(諗起啲腸粉/牛雜/糖水就流口水呢)不就是一大地道特色嗎？(可能呢個想法係我太天真的說…)

成街都係呢啲大公司檔口，每次都不停加快腳步盡快離開這個令人納悶的檔海。

15/01/16後按：時日如飛，而家室外地方好多禁咗煙(雖然呢條天橋係可以食既)，基本上空氣只要你唔企近被用嚟bbq的垃圾筒係ok的，但啲寬頻電視手提仍然如是…囉…