2017/02/25

[日劇]歷女是這樣煉成的:《平清盛》(2012)


睇完講源家的《義經》,直接睇講平家的《平清盛》,經歷咗差唔多百集劇…其實我都係攪唔清清盛啲仔乜盛打物盛,不過我大概諗到點解呢套劇會咁唔受歡迎。
講故事嚟講劇情流暢緊湊,洗白真係太勁…


當然曹操都有知心友(睇《義經》的時候每見到平清盛我都諗起曹操…),睇wiki或search番關於清盛的資料,大都係負面既奸雄一類,咁奸都可以愛家人和手下,唔係話佢唔可以正面,不過呢套戲真係洗得好勁,即係我等睇慣曹操係奸既,突然佢變到《愛回家》大sir(喂,《洛神》既曹操真係劉丹叔叔演架﹗…

《義經》的清盛樣不時令我諗起劉丹叔叔…哈)咁仁義禮智信,你驚唔驚先﹗我諗就係咁樣觀眾唔buy。

主角先天已經唔容易得人心,咁搵L松ken去演會唔會有神奇的化學作用呢?﹗呃,一開始清盛係熱血少年,不停的大呼大叫…配上冷靜的爸爸(中井貴一)和同佢時敵時友的源義朝(玉木宏),呃…其實都幾難頂…大呼大叫到中段先冷靜起來…然後清盛老了要遷都福原,又變成大呼大叫郁啲踢人的可怖版杰他他老伯(個郁勁似﹗)…呃…

最可怕都要數崇德上皇無啦啦成妖周身血…我係咪睇緊《貞子》…囧

然後為甚麼當清盛成為杰他他老伯時佢老婆時子(深田恭子)一啲都無老過…然後佢成日喺度講《源氏物語》又說邊個係佢光之君…真係萬年少女當之無愧

跟住最多人吐嘈的丐幫造型…um…我想問…大家一家人…點解清盛寧寧舍舍比阿爸污漕呢?然後佢頭髮又唔梳又旱又高額…明明年青都攪到阿叔咁…我明我明,平安末期動盪武士地位又唔高,咁爛身爛勢係好正常,然後屋企啲女子又令又乾淨又盛…好精神分裂喎﹗

呢套野的畫風跟其他大河劇確係好唔同,大量的和歌、跳舞場面,然後下層人士的郁真係好下層,貴族的郁又真係好貴族…藤原一家真係搽白塊面,中宮娘娘又真係無眉…大家都搽黑啲牙,我諗,造是寫實畫風吧﹗

石.田.三.成﹗幾《新選組》和《真田丸》後,山本老哥再演剛愎自用有你無我類的角色(時序是《新》-->《平》-->《真》),都係死於非命。不過佢個角色最爆唔係佢點弄權和整鬼清盛…係男色一幕…um…寫實風格…um…

跟劇中人污漕造型十分精神分裂是唱足全劇的(疑似)童謠「遊びをせんとや」,清脆俐落的童聲incorp咗喺開場op度,一開始清盛媽吹石一惠唱,之後到祇園女御聖子姨姨唱,到中間清盛哼幾句,最大推手係後白河法皇,佢唱既次數多到應該要出番隻ost紀念佢…佢自己喺劇中都說自己鐘意唱歌…笑咗。睇番維基…呃﹗初音未來唱既﹗嘩嘩嘩嘩嘩﹗

btw,個片頭畫風其實我幾鐘意,畫面電影感好重,「遊びをせんとや」作開首和結尾,中間梗係要高潮起伏,配上好多歌舞咁…呀,幾係有《女城主直虎》個隻feel…

呀,不能不提是個個都讚佢唱和歌唱得好聽的藤木直人叔叔,雖然我聽完都搵唔到個美麗位喺邊…平安時代除了要elephant地踢足球,仲有啲和歌造型我都唔係好能夠理解…哈

貼一貼聖子姨姨,佢真係不死身…當清盛都成為杰他他老伯時佢都仲可以又唱又跳…係多幾條白頭髮咋﹗




久不久就會有呢啲笑位…哈哈。

又嚟我最鐘意既認人遊戲。首先最正梗係演源家人既小日向叔叔(源為義),佢個仔係千秋王子啦(源義朝),then個孫係中川大志(源賴朝),小日向叔叔和中川didi喺《真田丸》就係秀吉同秀賴,爺孫變父子﹗然後深恭(時子,aka阿娘)和二階堂富美(德子,aka阿女)分別喺《天地人》和《軍師官兵衛》演過茶茶,真係一家三口樂也融融…

然後中井貴一喺《義經》係演賴朝,今次佢就掉轉做平家的爸爸平忠盛(成日令我諗起李宗盛)…十萬個精神分裂…then演賴朝的岡田將生,唔係話佢唔好…係唔似三十幾歲啫…同埋做乜搵佢做旁白?﹗佢把聲嚴重生不如死…

啲男角就會不停老(仲好認真化埋老人斑),但啲女角就唔會老咁…好可怕。於是有深恭係窪田正孝和二階堂富美阿媽,then武井咲(常盤御前)又會係神木dd個阿媽…

《義經》入面弁慶五条大橋戰義經一幕拍得好令…呢度就…無啦啦攝咗啲平家秘密警察紅劉海出嚟…完咗…吓?﹗點解呀﹗

其實畫風和造型都唔好理,怪異的劇情先想死…呀,點解我可以由頭追到尾…哈哈哈。

以上。

2 則留言:

  1. 你是不是想知道為什麼我要收集這些太刀?不,沒興趣 XDDDDD

    回覆刪除
    回覆
    1. 呢套成日有呢啲跳tone對白,唔cap對唔住自己

      刪除

要講幾句嗎?﹗XD