2013/07/15

[港劇]《師父明白了》、《衝上雲霄II》

估你唔到,原來這套是關於梁祝這個傳奇喎﹗而更估你唔到的係,我睇完一集,完全get唔到劇情簡介內講既野…我…好似睇緊劉華啲「盜地」綠茶廣告怒加長版,seriously,首主題曲應該俾劉華唱才是啊﹗
  • 無記用人真係一條龍的,有17哥的劇就有麥包,跟住麥包跟翠如BB就有套《心路GPS》,然後我又諗起《情越海岸線》的二少和樂瞳,啲人可唔可以唔好咁重覆呀﹗
  • 一嚟係咁講甚麼人生八苦,當我以為這是講佛理的劇既時候,突然又PAN了去甚麼馬鄉鎮,據說是梁祝的故鄉,咁三個主角二少、翠如bb和麥包都對蝴蝶有某種聯結,好詭異﹗
  • 原來二少(好了,佢叫一箭)小時被收留的(佛堂?)地方解散了於是當上了捕快,跟住翠如bb係文雀,而麥包係個見到蝴蝶就預見天機的人(咦,同《聽見你的聲音》李鍾碩聽到人家心裡聲音的奇技有得揮﹗)
  • 咦,古代有文雀呢個TERM架咩?
  • 好啦,當第一集仲舖緊故事所以我未GET到啦,咁我想知啲一時講普通話一時講廣東話又想點呢?我完全跟唔到﹗不過令仔令女都可以出現在古裝劇裡,我也不好意思要求太多了…
  • 又有聖羅蘭,不過我鐘意佢上一套Lady Lauren多啲啫…
  • 呢套劇果然很奇情,手法很新啊﹗
看了一半頂唔順去沖個涼,等看930的那套了…
********************************************
雖然我是前年才看《衝上雲霄》,說不上很喜愛,但不也賴既(講得幾勉強,哈哈哈﹗)咁啲感情線有啲煩既時候有令景睇都係賞心樂事嚟既(而我懷疑我無睇到尾…馬德Bell既Vincent都仲未死﹗)。any肥,可能樓上的830太得我驚了,於是這一部續集第一集雖然都有啲奇怪的位,但整體都仲ok既

  • (還是忍不住要point form一吓…)
  • Uncle George首歌…又真係幾奇怪。呃,據說啲歌詞係鄭國江老師填的…呃,係白咗啲既,但重點是…做乜Uncle唱得咁用力呢?想當年佢唱熱血到爆的《緝私群英》(我最愛的王喜劇﹗哈哈哈)或《大家族》的主題曲《改變常改變》都唔係一開始就落力熱血地唱架﹗點解呀﹗
  • 我諗最OK的地方係…胡囧未出現呀﹗(Sorry,我針對佢了﹗哈哈哈哈﹗)
  • 好耐無見唔唱K,見佢重演番十年前的Issac,而佢當年未經歷白雪公主事件,未唱《別怪他》又未有賣飛佛,呀…Good old days呀﹗
  • 佢阿哥阿Sam0靚坤去了整餅﹗據說之後張智霖會無啦啦請番佢出山加盟天頌,唔知點解第一輯做緊Solar Airline的人全部轉晒去天頌,最爆既係連十郎都係…好攪笑…(無計啦…國泰唔Sponsor啦嘛…)
  • 我好掛住大小吳生既阿爸…石修叔叔呀﹗佢好型咁出嚟叫「Sam~」(玩手勢)真係好型架嘛﹗
  • 講起上嚟,《學警》到最後阿文都升唔到職,而柏翹就成功成為督察(如果我無記錯的話),而家呢套劇唔唱K好似醒過馬明咁…是補番了…呀﹗好懷念S4另外的陳鍵窿(好想叫佢Bobo…哈)和巴士高呢…
  • 一嚟就係唔唱K、張智霖和馬明(跟一個…而我不知是誰﹗)一齊楂飛機,我仲京京細吳生要不停秀英語的時候,呢個重任去了張生度喎﹗(自從睇完《名媛望族》後,無記既人可唔可以唔好再講英文呀﹗)
  • 講起馬明和《名媛》,佢竟然同江美儀一pair,我唔係介意佢地既年紀,係介意佢地一個係阿仔,一個係三媽呀﹗自從三媽的絲襪誘惑之後,江美儀一出嚟我都覺得佢好重口味…XD
  • 至於張智霖,其實我好like佢的,佢同0靚坤鬥型應該很有看頭,但自從佢加入了Facial House同深牛bb一齊「我要健康我要燒脂」後我對Chilam哥哥隱隱有一點不安…還好,佢同胡囧係兄妹,無感情線的…係呀,我諗起熟男版《魚躍在花見》呀﹗
  • Chilam哥哥有名叫Cool魔,呃,我想話喺被我捧為神作的《飛虎雄心之傲氣比天高》度佢係叫Coolman架,唔怪得聽到Cool魔呢個名時覺得咁熟啦﹗雖然Chilam哥哥係巧令仔…
  • 但可唔可以唔好揸揸吓飛機唱《Fly me to the moon》呢?
  • 呀,繼《情越海岸線》有鄧Honey和李詩韻後,今回有馬明跟胡定欣,無記咁鐘意玩舊情人大配對既…
  • 胡定欣呢,佢既演出是沒問題既,我係在意那個港女唔想坐喺阿伯隔離,胡就話可以掉位,幫個阿伯掉…﹗咦,今次無記強喎﹗將有名的黑人被白人歧視於是個空姐同個黑人掉位唔掉俾個白人轉成港女阿伯版﹗強﹗
  • Sorry,我係咁講啲唔關故事的事,即係呢,可以講故事…又可以斟咖啡,又可以落地後玩蛋糕,之後靠三個機師吹吹吓就話穿越雷雨唔轉落地地點…巧京京呀﹗唔知會唔會有人覺得Sponsor的這條Airline跟劇中的天頌航空linkup了呢?
  • 即係呢,雖然穿越了雷雨唔使delay或轉landing場地係可喜可賀既,但啲客人即刻起晒身影相又盛好危險架喎﹗特別係就land時啲空姐先衝晒出嚟叫我地扣安全帶,廁所又唔去得架嘛﹗
  • 我最京京的胡囧仲未出場,法拉又未做機師…女角好似無男角咁好睇喎…
  • 據說豹哥繼《熟男有惑》後會再喺呢套劇度登場,又係會無啦啦拎個結他出嚟唱歌…想點呢…囧﹗雖然睇完JAZZ係LIKE咗豹哥的…

感覺上,呢套第二部(見TBB主頁)無《金枝II》咁驚,不過會唔會破壞上一輯的美好回憶都仲言之尚早啦﹗囧

[港劇] 《衝上雲霄II》之唔知衝咗去邊度
[港劇]《情逆三世緣》同又講《《衝上雲霄II》
[港劇]《衝上雲霄II》…哈哈哈…第二篇呀﹗

12 則留言:

  1. 你好快!

    胡囧未出現成個感覺都好清新,佢今次個頭真係omg...馬明果對真係重口味到呢。。。點解唔俾佢配胡定欣?!暫時女角好似胡定欣果個最討好。。。

    再觀望下!

    回覆刪除
    回覆
    1. RE:鈴

      因為睇完第一集太激動了,於是啦啦聲狂寫…
      胡囧呢…可能我真係頂佢唔順到盡了,就算佢行出嚟乜都唔做我都覺得佢好囧…哈哈哈…
      胡定欣好似係配羅仲謙喎…呃,如果唔係三媽的破格演出,佢配馬明大家都未必會咁大反應…囧

      刪除
  2. 你說的飛虎雄心之傲氣比天高我也看過,雖然張智霖我也喜歡,不過當時看這電影是衝著張耀揚而看的。兩人還有另一套電影困獸,看過嗎?

    侯賽因會不會在公海劫機,只有飛機注冊國家先可以拉佢。
    會不會寫寫好心作怪跟熟男的大結局?

    回覆刪除
    回覆
    1. RE:WINSON

      《困獸》沒有看呀,其實呢啲戲都係有線電影台睇番嚟的,而家莫講話電影台啦,連坐低睇吓電視都少,好少會睇到舊戲了…
      哈,我都想寫結局…但兩部的結局我都無睇啊﹗哈哈哈

      刪除
  3. 見到法拉跑到蹦蹦跳,我額頭即時出現了三間…

    回覆刪除
    回覆
    1. RE:brownie

      我都有三間呀﹗﹗﹗﹗﹗

      刪除
  4. 你睇左一集咁快寫到咁多野?
    by無敵

    回覆刪除
    回覆
    1. RE:無敵

      因為真係太滴汗囉﹗

      刪除
  5. 點解梁嘉琪要配音?
    BY無敵

    回覆刪除
    回覆
    1. RE:無敵

      咦?我唔知呀呢個就…

      刪除
  6. 先唔講你既文筆
    領悟力低之餘仲要睇完第一集就開始批評
    咁既質素都可以寫blog寫影評
    真係令人配服
    算啦有深度既劇集真係唔適合你:)

    回覆刪除
    回覆
    1. RE:匿名

      人各有喜好啫,如果我寫的係咁低質素你可以唔睇架喎,多晒﹗

      刪除

要講幾句嗎?﹗XD