2013/04/20

一個人出走

大謝某剛到泡菜國朝聖完的貴婦送上某人花容月貌美顏套裝(<--這個名是我作的﹗XD)哈哈哈哈哈﹗

有一刻…我在諗…那個印有某人的小袋子可以用來放100ml以下的液狀東東放hand carry…XDDDDDDD

ANY肥,正題是《一個人出走的樂趣》。
(個題目好係會考((好啦,是gen gap的顯露))中文作文feel…哈)

除了來回澳門外,逢要出境不論是返強大祖國定係遠門旅行,小的都係同家人朋友同行,小的容易成為迷子嘛,最多都係亂咁搭架車去新界或搭船去離島亂咁行,um,咁樣亂咁行都有其樂趣,往往有奇怪發現嘛,但咁樣無plan亂咁行又未必有人會鐘意,好多時,小的都係一個人去的…

其實行街都係,小的鐘意貢書店但朋友又好似無興趣咁,到朋友入啲佢地想去的店又到小的無興趣,於是同朋友家人行街小的通常都會成功無使費齋行,因為無心機睇嘛,又唔想自己一味巡視業務(um,最近小的業務越來越多,好忙﹗),攪到人地沒精打彩一臉悶樣。齋行都有好處既,通常就係搜集情報之後自己再出動…

行街事少,去完可以再去啫。旅行事大,你知啦,朋友親戚相見好同住難(呢個喺來訪的親戚身上見證過無數次),不過酒店既野都係但求有個地方瞓,爭廁所開/熄燈瞓呢啲minor野都唔太計較,除非對方攪呢攪路攪到我無得好瞓啫…而touchwood,經過一整天的勞動,入到酒店通常小的都能極速呼呼入睡的…

Um,重點就係一整天的活動了,雖然之前的旅行都係跟團多,總有一天半天自由活動,其實小的唔算好鐘意planning的人,但求行吓食吓睇吓都ok,但當尤得人家發板,而人家行的東東是小的覺得無聊的時候,覺得時間浪費了可惜但又怪不得人…誰叫你唔出聲啫…呃,咁無計啦,唯有將覺得有趣的地方記在心中…第時有機會再嚟啦﹗

Um,就係咁,促使小的出走半日弘大,原來,雖然小的怕迷路(而確係迷了﹗),又怕人生路不熟(但我無問過人路喎﹗勁﹗),平日倚仗的網路又用不了,靠自己感覺亂咁行亂咁估,沿途睇吓人家平常生活(見到好多垃圾站…哈哈哈哈﹗),望吓這望吓路是別有一番樂趣的,行到攰就搵家咖啡店坐吓,整理吓思緒後再出發,成功到達目的地時發現,都唔係咁難啫…

有同學仔問過:一個人唔驚咩?驚架,很多都是第一次到的地方,不過準備充足拎晒地圖又有網路十卜,又真係無野好驚喎,路是有行錯不過so far都成功到達晒想去的地方呀,呀,唯一一個搵唔到的是某人在新大久保的專門店﹗哈哈哈﹗不過都唔係非常想去…證明…um,小的真係移情別戀了…XD

跟住同學仔又問:你唔悶咩?又唔悶喎﹗就說有網路於是KEEP住跟各界Whatsapp,而個好玩位是,我擺到明係因為身處海外鐘意就覆唔鐘意就唔覆,唔似平時咁奉旨收到要覆,有番個自主權鐘意就現身鐘意就潛水。而,小的從小學起就慣了聽歌上路,一路聽住歌(有時仲會忍唔住跟住唱兩咀…XD)一路行,其實又ok喎…

又說,有旅伴有有旅伴的好處,獨自一人也不見得差,各有各好啫,而且小的都一把年紀,仲驚乜特,雖然,見到人家三五成群都會懷念跟朋友一齊嘻嘻哈哈的日子…呀,看旅人書說一個人在路上會思考好多野,又係喎﹗當乜都要靠自己,過程中奇難雜症都要自己諗辦法時,呀…都唔係咁難handle啫,人生既野既來之則安之就係咁,又化多一層了。

呀,雖然我係咁話一個人出走好,不過一班人出走都好玩架,朋友…快約我﹗嘻嘻﹗

6 則留言:

  1. 我都覺得一個人出走,大家唔洗互相遷就好好多,假期來得不易,又唔係唔洗錢!但有時見到朋友幾個一齊去旅行又會驚人地覺得我難相處無朋友(好矛盾囉!)

    回覆刪除
    回覆
    1. RE:鈴

      哈哈,我都驚人地覺得我難相處先成日一個人出走,不過我又真係好ENJOY時間完全自己掌控,有時星期日無野做我都鐘意一個人亂咁搭車亂咁去,坐車或去杯咖啡時邊嘆邊諗吓野…好爽…
      不過人又真係好衰,自由得耐就會掛住同朋友嘻嘻哈哈的時光,間住間住就最好,試吓自己一個人之餘又試吓同人一齊去,各有各好處既…

      刪除
  2. 我同D唔熟韓國野既朋友去韓國,去nature republic,佢地唔知邊個係張美人(嘩!堂堂鼎鼎大名的南韓第一美人張根碩你都唔識,梗係要介紹你地識啦),自此行到去nature republic,我D朋友就話:「嘩,張根碩啊,我要買張根碩面膜。」好好笑XDDDD

    其實是講返一個人旅行,是好的。我一個人去得多就覺得幾條友去好煩,唔想夾,你又想去呢度我想去果度,今次去韓國都係朋友咩都唔知,先比我(老點)帶住黎行咋,要是佢地知道想去邊就多意見超大鑊啦。

    回覆刪除
    回覆
    1. RE:caroline

      哈哈哈﹗我阿娘都係因為我發癲熱愛張美人先知邊個係張美人,不過從前我迷的多數都係唇紅齒白的小白臉,佢都睇慣了…或許我迷個肌肉又黑實的佢先驚呀﹗
      又說,NR有隻10蚊塊(澳門價)的蘆薈MASK幾好用的,而那盒蘆薈GEL我日日用嚟濕頭再夾直,又係一個好用…就算唔係為了張美人我都會KEEP住買的啦…又平又令呀﹗
      幾條友好難就,我覺得三四個係MAX…除非跟團…N年前大學時試過6個人,好在係跟團,得一日半日自由時間,去台北於是大家目標一致都係去食,又無乜爭議…但全TRIP自由行就好易為想去的地方而嘈…如果地方不是危險既,一個人去也無妨…

      刪除
  3. 其實去旅行,最好2個人就算,因為一個plan一個行,唔使煩。因為第一次出走,點都搵多位,但冇lala加多位同行者就真係煩....

    回覆刪除
    回覆
    1. RE:喂丁

      其實我之前未試過自由行架…次次出門都係跟團的…有朋友說我好勇…哈哈…
      但我覺得一個人出走係測試自己極限的機會,我個人好倚賴的,食飯去邊都唔想諗,好難得有個機會乜都要靠自己,點解唔試吓啫…就係咁囉…

      刪除

要講幾句嗎?﹗XD