2013/03/08

終身學習

前陣子看新聞知道僱員再培訓局主席伍達倫博士辭世,本來都不以為意,再看一吓,咦,原來伍博士本身專業資格,仲讀過很多不同課程,原來,以有涯追無涯的人大有人在…

就是說,我成日都被人問做乜你成日去上堂…而其實,如果可以俾我選個終身職業,我希望是學生…

呀仲有,親戚們仲會問我「你讀完日文未」囉﹗或者,「你唔係識啦咩,仲要讀」(每次跟日本人傾計時結結巴巴就知未夠啦﹗…嗚…)

um,跟住某日同同同傾開計,先知佢弟原來都係學習人(我用狂魔係咪太衰?哈哈),話說,佢本身已有一個degree啦,跟住從小學開琴以外另一種樂器,但佢覺得太偏門於是中學時轉另一樣,而家已經去到教人的級數。跟住degree以外讀了兩三(?)個master,一個跟工作有關一個無的,然後佢係有的士牌(﹗)和貨車牌(﹗),但呢啲牌和佢正職都是無關的…。

I'm not alone!

鬼咩,小的喜好好偏,歷史喎…一聽就覺悶啦。係,當年中四選科時有人覺得呢科無出路(但個組合其實算是半文半商既…),偏偏呢科就係會考和高考最高分的,入u都靠佢架﹗不過係到大學選科,真係怕出嚟只能教書,所以選BBA了。呢個都唔算係遺憾既,書總可以再讀,而且歷史related的書大把,睇完日本再睇英國(sorry,我真係唔愛國,呢幾年都好少睇國史,連一路好like的后妃傳都少睇了),呀﹗我要睇番肥彭同肥邱本書﹗買咗好多年了﹗

講開又講,原來肥彭係讀歷史,葉劉大學主修英國文學(<-這是很意外的發現﹗),突然覺得親切咗添…我啲喜好喎…

扯遠了,就是說總覺得齋返工搵錢個人好齋,當然返工都會學到野有input,但工事學到的又未必係我有興趣的(又說很好彩因為職能原因而要去學photoshop和影相,都是小的有興趣既),咁私人時間去學啲自己想學的就好合情合理啦﹗

好在,家父母對小的鐘意報吓呢樣報吓那樣係持開放態度既,底線是唔影響家用和自己使費cover到就ok。反而成日俾親戚問上面啲問題,好似拎晒啲錢讀無聊野而唔做正經野係有問題咁,即係呢,大話講一百次就會成真嘛(而perception is king囉),偶然小的都會動搖,夜深人靜時(小的都好感性架~哈哈哈)會諗如果拎讀書啲錢去買樓我係咪已經發咗達,然後又會諗,成屋都係書,究竟我使咗幾多錢?如果拎埋去買樓我又應該發咗達啦…或者去到好多次旅行了…

好在,我唔係好深旅行癮,之前為了讀書(+還grant loan)所以沒怎樣能夠出門又無乜特別感覺,雖然日文唔算好流利,但都叫學到certain level,都還是有某程度上的成就感既…錢是要儲既,但搵咗返嚟無得使,人生又太沒趣味吧﹗

至於那些半途而廢的,um,如果以伍博士的T形學習理念(T-model)來說,「橫的一劃代表不同範疇的知識,直的一筆代表深入鑽研一門專業學問」,放棄了沒深入研究既算係橫的一劃代表,唔專但叫有個認知,其實都唔係無佢價值,就如只讀了一年的西班牙粉,每次到馬交見到葡文,以我僅有的西粉認知估吓估吓大概linkup到,是很有滿足感的﹗哈哈。而雖然小的怕血,於是曾經好有熱誠的急救最後只讀了一個最入門的,而個牌過期後都無再續了,但到有人淥親小的會識叫佢即刻沖凍水,流鼻血唔係"昂"高頭,又有滿足感了…哈哈哈。

umum,話說,講咗好多年的進修計劃終於動工了,事前都驚媽媽會唔鐘意,因為諗爆頭後卒之選了科應該對升職加人工無用,純粹係圓小的多年願望的東東,點知娘又係無特別反應,淨係話唔好扣佢家用就得啦喎。或者真係家族遺傳,家父、吾兄和吾嫂(佢唔算吧﹗哈哈)都係學習怪,自學既和狂讀既都有(跟另一堆親戚啲風格完全唔同﹗佢地係怪我唔買樓架﹗),讀完再讀行禮完又行禮…勁﹗

um,其實發達我唔使既,夠食夠住就得,慳起上嚟我可以好慳的,咁除了物質上的滿足,精神上都要架嘛,人係要有夢想的…唔係就同鹹魚一樣囉﹗哈。

10 則留言:

  1. 讀書唔好咩?我覺得好好喎 (呢兩句係對你嗰堆親戚講嘅)。
    我而家日文、普通話、英文,每日每樣溫30-45分鐘,時間過得好充實。窮一生去追求學問,好過窮一生去供樓。

    black lab

    回覆刪除
    回覆
    1. re:black lab

      我好懶啦,平日就算唔溫日文都應該去練琴,但就因為呢水工作忙所以一日推一日,最後就得上堂前一天和後一天會練,都好驚追唔上進度,今年又考級了…
      平時唔忙的日子返屋企食完飯都會盡量一個鐘睇日文和韓文的書,但加埋上堂要做功課或溫test就唔得了…所以決定放棄上韓文堂,轉自修了…

      我鐘意你呢句「窮一生去追求學問,好過窮一生去供樓。」…物質重要,精神滿足都重要既…

      刪除
  2. 我都好希望終身職業係學生!

    其實只要自己有興趣,而屋企人又唔反對,讀書應該係一件好事。而且我覺得讀書唔駛下下同收入或者出路直接掛勾,興趣先係最重要。

    回覆刪除
    回覆
    1. re:匿名(?)

      嘩﹗give me 5﹗

      我本科無專業牌可考,而友儕同行都認為master無必要讀番同一個專門,於是大家都係搵吓其他野讀,咁我又覺得japus時已經因為出路而放棄了心底至愛,所以再讀希望以興趣行先,或者有一天會用得番喺工作上呢…

      刪除
  3. 那你是否進修歷史或文學之類的科目?沒有太大家庭負擔,不妨去追夢!

    另外,的士牌和貨車牌有用架,將來萬一失業,可轉行做的士士機或貨車司機嘛。

    回覆刪除
    回覆
    1. RE:五月

      唔係啦…諗住係語文類…歷史我一路有睇書,文學就唔會特別睇…其實係當年老師教得好我先有興趣,平時我好少睇小說詩集的…哈哈…

      我一路都無考車牌的…為了大眾路人著想…

      刪除
  4. 語文類?日文還是英文,應該唔會係中文呱。

    車牌--真的要和你握手呀,我曾向朋友提過去考車牌,但被朋友潑冷水,朋友說你都是為廣大路人著想,不要去考好了,就算去考,你應該都唔會Pass囉.

    不過使用信用咭的態度就和你是極端,我自制力較高,所以我擁有十張以上的信用咭(其實我都沒有數過我有幾張信用咭啦),哪張有優惠就用那張。

    回覆刪除
    回覆
    1. re:五月

      是日文啦,英文我有諗過去報啲關於寫copy的班,但見個speaker竟然係我工作上識的contractor…即刻唔想報了…XD…如果報了的進修東東收我,都會有英日的東東讀,都有幫助既…

      我呢,玩NEED FOR SPEED都玩到飛落山(遊戲機中心扮真係揸成座野那種呢),同埋一急我就亂,會亂嚟的,所以我唔學都係為大家安全著想咋…而且,香港養車貴,我住市區又唔係荒山野嶺,搭車咁方便,有錢買車不如買第二啲…

      說時遲那時快…我琴日收到張銀聯卡(大囧﹗)((應該是銀行之前PROMOTE的,我以為是UPGRADE本身已有那張卡,點知收到時是新卡…大囧))…聽完你講,遲吓出門會帶埋喺身…哈哈

      刪除
  5. 我人比較驚青,一驚就會雙手高舉(同事說的,這些自然反應我自己不大察覺),雙手不握方向盤應該很危險。話說當我看這集愛情雨時(http://www.youtube.com/watch?v=uj93l1kfpx4),男主角雙手沒有握方向盤,但車仍可以繼續安全行駛。

    世事真奇妙,想不到幾天之後會變出一張銀聯卡,帶啦帶啦,旅行用銀聯卡來傍身是OK的。

    回覆刪除
    回覆
    1. RE:五月

      我打機時比較多呢啲一亂就亂嚟的反應,特別係啲考反應的遊戲,所以我細個就覺得自己駕駛不能…
      你話的《愛情雨》那一幕我記得呀,俊俊和夏娜二人懶係開心在公路上玩唔拎方向盤,很爆…不過那段係難得開心的…
      係呀,喺我回完你個留言後返屋企就收到張銀聯卡之後(前日啦即係),琴日又得到一個痕身的來電說話要送張銀聯俾我…我巧京京囉…

      刪除

要講幾句嗎?﹗XD