2011/10/18

記演藝一夢.《賈寶玉》

事前在微博看到很多製作人和看畢同鞋的後感,越看就越不敢期待…um,昨天看過了,感覺很複雜(但總不會想哭就是了),高興原作沒有被弄到肢離破碎,但又失望他們對覺得的解讀就只有這麼少?吓,整晚就是在看一個濃縮舞台劇?呢吓我就有點想哭了。

全晚讓我是揮之不去的是,椅子很在舒服而行距很窄,坐著動不了,腰酸又痛,這也令我很想哭。

=================這是我的個人觀感分線==========================

看前看後感覺都很複雜,當年《梁祝》我沒看,但大家都說hocc是創造了一些新既野,是她事業的一個高峰云云。我驚我睇唔明佢想表達啲乜喎?今次故仔是《紅樓夢》…小的雖然多年沒掂過呢本書,但話晒會考時修中國文學,對了本書兩年,印象還是有的。就算林奕華和劇組等人將個故事點樣煎皮拆骨上天下地反轉再反轉,我有個background印有腦中,應該可以有多點空間去消化他們加落去的新點子吧?

Um,這是我聽完《拋磚引玉》的感覺,早就聽聞林生點樣「非常」地為故事賦予新生命(這個說法很好吧?﹗哈哈),聽完首歌…呃…悲劇嚟架喎﹗做乜攪到咁樂觀開心開晒party咁既feel…囧﹗連日來看著一堆看不明的解讀,同鞋們一篇又一篇洋洋灑灑的後感,一直都有點擔心…是真的這麼感動嗎?又說,我很怕原著被改掉的…改到9唔搭8咁真為原著傷心呢…

(對不起,我果然不是一個忠粉,我還是很沉醉在我心中的紅樓一夢,但轉過頭來說,粉絲也不是應該只照單全收丫,偶像會長大,粉絲也會長大啫,偶像既然放了這麼多訊息到作品中,總會希望粉絲多思考帶著得著離開吧?

終於都看完了,感覺真的很複雜(看我重覆了咁多次就知),如上面說,意外地是《紅樓》濃縮版,又或者說是寶玉自己穿越番去大觀園世界,再重新經歷一次才回到太虛幻境去。過程中他不可以改變任何人的命運,只得去經歷去記番起究竟發生過甚麼事。經過第一幕後寶玉遇番十二金釵就開始個故事…呃?怎麼就是《紅樓》濃縮版了?這時候小的又狐疑怎麼沒有加入太多解讀落去?反而加了很多攪gag的日文粗口容天后咁,呃?怎麼啦…

不過笑吓都好,因為個位真係坐得我好辛苦…笑吓可以郁吓嘛…

都說一路以來都有關注寶玉少爺的微博,看她分享同鞋的後感和自己的comment咁,um…他們咁忠於原著我應該很高興吧?但我又失望怎麼中間沒有太多creation?(咁十二金釵的走位、肢體動作和對白設計都可以係既…但都係base on個故事整啫…)…真的會感動到喊嗎?死囉,係咪我太抽離呢?或者,是帶不出故仔的悲劇意味吧,榮國府從盛入衰,主角們走的走死的死,個對比不深,(明既,再嚟的話演十個鐘都唔掂了…)…既然係想講寶玉悟的東東,支節上係咪應該選取多點關事的,對比多點在佢太處幻境之後以成長的眼光去睇番以前大觀園的點點滴滴會比較合理吧?(唔知呢,我唔係好感受到寶二爺有幾癡情喎﹗)

唔知呢,總之睇完硬係覺得有啲唔知點,如果是run一次《紅樓夢》又cut走太多重要情節,如果是一個新的creation又嫌有點蜻蜓點水…唔知呀,總之睇完就好多問號,在諗怎麼我的觀感會有咁大既落差既…篤手指…

另,如果去看的同鞋們強烈建議先去看一看十二金釵和大觀園眾人的性格特徵打個底,因為劇中人大部份講國語,字幕一時在側邊一時在頂頭,如果邊追對白邊看劇情真係睇到頸到斷的…(尤記得講「冷香丸」一段真係聽到暈咗…)

唔知呢(又嚟呢句了),可能因為十二金釵要交差走位,雖然佢地基本上有一個負責的角色,但又會就番情節去扮演其他角色,我又坐得高…經常睇唔到邊個打邊個,要望番字幕先知乜水打乜水,唔知呢(又再嚟呢句了),《紅樓》中除了人物性格、對白、樣貌留有特色,所住的庭園和服飾都大有文章嘛,一行出嚟就突顯晒人物角色的,我明,舞台劇嘛,總不能成個佈景set著晒古裝咁出嚟嘛,不過就好似喺帶出人物特色方面要花多啲時間囉…

呀,我喜歡演黛玉那位金釵,也喜歡對她的編排,在其他角色又跳又叫的時候,她總是企埋一邊靜靜的看書,um,同埋佢好多時梳馬尾,易認。(XDDDDD…)只是葬花一幕好像有點不到肉呢…後尾變成撕書…有啲唔知點。但我好喜歡黛玉死後播番佢跟寶玉談情啲對白…看得我好心酸呢…

呀呀,除了排台的兩首,碟內其他歌都是第一次聽。個人最喜歡《癡情司》,意境好靚。

(唔好意思,我承認我是based on原著的目光來出發的。咁個故仔真係based on 原著嘛…大佬﹗)

舊文:讀《紅樓夢》~擇日遊走大觀園

8 則留言:

  1. 賣下廣告先...大家一齊討論下...
    http://blog.yahoo.com/makotolifestyle/articles/103864

    我沒有看過原著, 所以跟個劇情跟得好辛苦, 而且因為每個演員交錯地飾演不同人物, 我無法投入每個人物的character...完場時出拋磚引玉, 真的有點O嘴, 破壞了最後心有戚戚然的感覺...

    網上在寶少FB留意見的, 都是fans, 難免有點護主情懷的主觀, 再說, 寶少在fans page裡面批評那些持負面意見的人係唔接受新事物, 就算我真係有意見, 我都唔會在那裡提出黎lor...

    18th Oct 2011 11:25 AM

    回覆刪除
    回覆
    1. 聽完《拋磚引玉》之後我仲以為佢會將個故仔改到九唔搭八,於是我就同表弟說唔鬼使睇原著啦…典知估佢唔到佢竟然將個故仔RERUN一次…
      因為人物太多,跟住個個著埋一樣既衫,我淨係對番邊個打邊個都已經頭暈,我又以為佢會喺場刊度寫吓…點知無喎﹗唔通佢地諗住所有嚟睇的人都會打定個底嘛?
      同感﹗首歌真係幾O咀的…其實看到寶玉回太虛仙境時說再下凡的話會努力甚麼時我已O咀…吓?又嚟?人家都話唔改得囉…咪喺度回帶啦…
      我諗我真係唔夠神心了作為一個粉…老實說呢個劇我唔BUY,可能我太沉迷喺原著,又或者俾HOCC和林奕華在微博上的文字嚇怕了…我完全FEEL唔到佢地所講既野喎﹗

      30th Oct 2011 23:06 PM

      刪除
  2. 葬花變成撕書...呢下真係 ....想問 知唔知何係淒美

    18th Oct 2011 16:41 PM

    回覆刪除
    回覆
    1. 好明顯係唔知囉﹗
      真係好邪惡﹗

      30th Oct 2011 23:08 PM

      刪除
  3. 我又黎講一下先, 其實主要我入場係為左林奕華個大名, 不過呢, 我睇完覺得套戲唔係好帶到佢想講既道理, 同埋係最後阿寶玉哥自己講哂套戲既意思出黎, 我覺得有d odd.....亦都感覺唔到寶玉既轉變.....

    而大家話好感動既位...我冇乜感覺, 同埋真係get唔到各演員做唔同既body language 係乜.....

    18th Oct 2011 23:38 PM

    回覆刪除
    回覆
    1. 林奕華我無睇過呀(我僅有的舞台劇經驗都係w的…哈)um,即係我覺得呢個劇有少少唔湯唔水,想帶出message又唔夠強,想大眾化又唔夠喎,我而家寧願佢拎個故事重心出嚟重玩過,放番多啲自己既野落去,而唔係頭尾先加野,中間純rerun囉…
      其實我都get唔到啲body language喎﹗可能我看得不投入了…

      2nd Nov 2011 10:09 AM

      刪除
  4. 我也看了, 是第二場.. 之前沒有看紅樓夢, 但大約知本書講咩.. 都叫有個底..
    但我無諗過是四個鐘頭的舞台劇, 又廣東話又英文又國語又日文.. 其實我覺得無需要.. 而且上半部太多資訊要交代, 下半部卻濃縮得很, 很快被安排結婚,跟住又番上天庭...變咗唔多平衡, 上半部花很多力氣去吸收, 看完真得很累...

    26th Oct 2011 00:38 AM

    回覆刪除
    回覆
    1. 據說襲人講日文係要透過日本女性的服從,再表達番個人物性格喎…
      其實我都覺佢放太多原著既情節,人物佢都cut咗好多,但淨係交代十二金釵的性格都花了很多時間,唔好話未睇過原著的人丫…,就算我叫做睇過都追得好辛苦…睇到有啲頭暈既感覺…
      不過佢地咁做一做,應該可以想新一輩小朋友介紹吓呢本書既…

      2nd Nov 2011 10:13 AM

      刪除

要講幾句嗎?﹗XD