2011/02/08

一把年紀學琴記(六)~學琴之所為…

話說今日睇forum時不意睇到呢條thread「認真問﹕一個成年人學琴有無前途」,又碰巧最近在讀左圖的《Outliers》一書,又咁啱讀到一段講如何分別best、good同ordinary…咦…世事真係好玄妙呀呵?

forum入面個哥哥仔列出的目標如下(原文輯錄):

1個30歲既成人 想由0起步 以鋼琴為其中一樣終身事業 大家有何見解﹖
再假設要比李雲迪﹐朗郎等更出色 大家覺得有咩方法﹖要行咩路﹖
(我未睇晒廿幾頁的留言討論…)

讀過數學機會或言率都知,天份、努力、好老師、機遇等項條件如果唔需要共同出現,機會率係+既啫,但要一齊出現造就成功,機會率係x,個比率就細超多啦。前幾樣自己控制,但講到要有大師級水準咁出色,就得靠埋機遇…which係唔到自己控制的。所以forum裡很多人都回應機會不是無,係極細咁囉…

《Outliers》一書就提到,德國(希望我無記錯)有一音樂學院做個研究,最有potential演奏家的明日之星和只是good而已的學生小時候練習時間和開始學小提琴的年紀都差唔多,但隨住年紀增長,練習時間就越來越小,到了入大學後,未日之星練習時間不少反而多了,但good的人練習時間就更少…。另一個研究就話喺各範疇成功的人士,神奇地練習時間竟然都係10,000小時(myth﹗),所以有啲野遲起步唔係無得追,不過就唔及人家從小開始囉。不過上面位巴打都唔使灰心,書入面都提過勁如莫扎特,未到10歲就寫得出concerto,但水平都係初級而已,同埋當時由佢爸爸寫低,相信係經過修飾的。到佢寫得出傳世經典,講緊已經係21歲了(10,000小時之謎﹗)

小朋友不如大人要煩事業、家庭、經濟、愛情等等,讀書之外一就是吃喝終日,要不就是被父母安排學呢樣學那樣,呢種專注係大人尤有不及,慢慢長大吸收力隨之增加,10歲到20歲之間練10,000小時,和成人由30歲到40歲練10,000小時差幾遠…有得諗啦。(當然,由細被安操日日練,其枯燥無味可想而之,無玩過既童年…um,成功真係要苦幹…)

邊睇我就邊諗,學一樣野或做一件事,set個目標俾自己都係好合理既,總好過漫無目的地遊走。加之於如果呢個talent第時可以成為搵錢工具既話,考試亦都係好合理。只不過目標應該一步一步來,定係一嚟就set個終極目標,等自己有動力喺最短時間內完成呢?

這令我想到學日文那邊,曾經聽過友人說想幾年內由初學去到挑戰一級(註:日文和鋼琴相反,數字越大越初級,N5=最淺,N1=最深…話說去年去考一級時有朋友以為我去考一級琴試﹗),另外有些好心人就說以考試其實也沒甚麼大不了云云,而且才開始不是應著眼目前打好基本功嘛?有目標係有動力,但好大喜功反而易招反效果喎。最後那位友人有無考上去就不得而知了。這幾年小的挑吓挑吓,果然,考完一級(但未合格到…嗚﹗)真不代表甚麼,看是比較好,大概讀得明流行小說;寫就非要靠字典不可,自己的生字庫字太少…;講就…哈哈哈﹗只要不是正式面談,隨意閒談都可以既…篤。人家說「嘩﹗你考一級咁勁呀﹗」(連某一向曬命的親戚都由心地講呢對白…)…呃…咪玩啦…哈哈

其實我不能太理解這種「以最短時間做到最多」的思想,係咪快餐文化真係殖根我們腦袋裡呢?學語文和音樂不如去老m學炸薯條,不是跟足formula就可以整到合乎史單特的成品出嚟架喎﹗基礎打不穩,過了考試(除了sight-reading和aural係考臨場反應,考試歌是可以先準備的…),彈其他作品還不是露底了…定還是,學好基本功已經過時…無人諗住投資時間落去架啦…(難怪有人說老師們不喜教成人學生…因為佢地可能比較急功近利…)((又難怪,老師上堂要我彈Beyer時多次重覆其好處…其實彈呢啲不停重覆pattern唔使用腦既野我好enjoy架﹗))

啫係咁,大大聲宣示自己目標嚟激勵自己係好既,不過就要言出必行囉,試過之後(whatever原因都好啦)失敗都無野好怨,不過得個講字就…哈﹗哈﹗哈﹗言出必行吧﹗

一把年紀之:

一把年紀學琴記(上)
一把年紀學琴記(中)
一把年紀學琴記(下)

6 則留言:

  1. 我反而覺得老師有時比我還心急 :p

    基本功真係好重要, 除非學的人只是想彈到某幾首歌用來show off或是自我滿足, 否則長遠來說, 基本功是讓自己之後可以更容易上手...最近彈scale的時候就覺得, 如果早一點開始彈scale就好了...

    而且我覺得, 有些感覺是要浸出來的, 彈得多, 看得多, 讓自己去習慣, 短時間內是逼不出來的, 因為有些記憶是要經過時間沈澱...即使一天能練十小時, 也許不及分十天練十小時那麼有效...

    8th Feb 2011 11:43 AM

    回覆刪除
    回覆
    1. 老師跟我說原來琴行每年都會評審吓學生可唔可以升級同埋問學生會唔會考級(所以我就被問了…)…即係呢,老師覺得自己夠料去考時都有啲飄飄然的…呀…不枉這一年努力學習呢…
      最近都開始彈scaling,暫時只係記熟指法未加埋拍子機去練,淨係做到雙手齊整地彈已經好難了,4個scaling隨手彈一彈…唔覺唔覺都彈了幾個字囉…
      基本功真係好緊要(容我抄你呢句﹗),之前彈歌書miss無特別要求我開口數拍子,咁好多時我又聽完cd/睇youtube記咗首歌既旋律,跟住自己就彈,無錯係可以彈得似(係似啫),但拍子方面真係好差,成日就手指就顧唔到拍子…
      一到sight-reading時就企咗喺度了…而家唯有努力練番數拍子,同埋搵咗本初級琴書練睇譜,次次都唔聽和唔睇youtube,試吓自己讀譜上每個note…感覺真係完全唔同…umum
      只能說,速成係一定得,但那不代表你識呢樣野囉…

      8th Feb 2011 12:33 PM

      刪除
  2. 三十歲開始學琴, 奇怪, 為甚麽要跟事業掛勾? 向來, 以音樂為事業, 都很難, 跟年紀沒有必然關係. 但如果說的只是教琴, 那一定沒問題, 只要有cert 就可以了. 嗯... 一個三十歲的人, 無啦啦放棄一切, 學琴, 大概, 是腦袋有問題, 也大概, 家裏有錢, 沒負擔:P

    8th Feb 2011 16:53 PM

    回覆刪除
    回覆
    1. 或者佢之前做既野都算不上成功,所以先要盡地一煲掛?﹗雖然我還是不太能理解…
      同埋成人先嚟開始,點都唔夠小朋友開始既吸收得咁快…我覺得好難追到專業既程度…
      或者大家觀點與角度不一樣啦…我會視學琴為興趣,可以考到幾多級就幾多啦,我諗唔會短期內成為到我事業一部份囉…

      21st Feb 2011 22:26 PM

      刪除
  3. 最近開始學琴,看到你呢個post真有共鳴,因為我都一把年紀了 XD

    學了兩個月,已經打算要買部琴回家多練點,希望可以彈得流暢D。

    加油吧。
    18th Apr 2011 13:03 PM

    回覆刪除
    回覆
    1. 謝謝你啊﹗原來真係有好多大個先學琴的…~
      有個琴喺身邊真係好重要,特別係返緊工既人,放咗工都無精力去琴行練了…
      我初初學時就托了個電子琴回家,後來再換了個電鋼,so far都ok呀…
      加油加油﹗~~~

      20th Apr 2011 10:09 AM

      刪除

要講幾句嗎?﹗XD