我等到poster也黃了

拭目以待…唔覺唔覺我都拭咗幾年…全新的poster係橙色的(左邊)，右邊那張，好話唔好聽貼咗兩年幾三年…究竟「領會」係咪要等所有租戶自然死亡再順手拆咗個商場再起過呢？

唔覺唔覺，CD舖執咗，文具舖執咗，玩具舖執咗，校服舖執咗，晒相店也執咗，今天病到五顏六色時想去看醫生，才驚覺自小睇開的醫生叔叔都摺咗(我諗…佢可能係退休…)。樓下的一層，前陣子還見大X麵包圍板裝修，今天驚見(又係驚﹗)原來上星期已光榮結業，請移玉步的店…要搭6個港鐵站喎﹗好近喎﹗

十室九空就係我樓下個商場啦，還好樓下有老M，人流還不算冷清…不過我真係諗極唔明，無人租咩？點解「領會」不停整死開業多年的老街坊老店，又唔搵過啲新店來開張呢？﹗

我真係「領會」唔到…唉…(好些店係個商場開幕到而家都無租過出去做生意的說…)

另一篇：我係屋邨大﹗
2nd Little Life - 店舖+又一堆恐怖舊物…

另外的：
聽得感動的香港之歌… (我很愛港吧？﹗XDDDD)
我是「香港」人
嬴在起跑線之馬路版
細個唔操將來怎辦？
香港人
看展覽：法國大革命&香港故事
*******************************************************

雖然本人縱橫老銅十幾年，卻係一次都未食過極出名的榮記﹗(囧…)…行過見無人排隊，心血來潮入去試一吓…

我知這家店很出名，也聽過很多人狂讚，不過從前南記喺榮記隔離時我總受不住南記的春卷誘惑，同埋…我唔鐘意食雞翼尖的…(我承認我是很勾的…)。現在南記春卷美味依然，可是湯底很淡，牛腩很un，總覺得美味不復往日的說…

坐低叫了上圖的車仔麵，嘩…一放低就嗅到好香﹗湯底超濃(店家係by default落腩汁的﹗我鐘意啊﹗)，魚蛋還好(食過西環的東興魚蛋，真係人間妙品﹗扯高晒個curve呀﹗)，牛腩很入味肉質很"淋"，入口即化的…感覺十分良好；豬紅十分軟滑…滑到好似食豆腐花咁﹗太美妙了~~~

我覺得下次應該搵人一齊去食，挑吓傳說中既雞翼尖先…

榮記粉麵@開飯