今晚打老虎

原文是這句：Comment allez-vous?

登時諗起好耐以前睇《香港老花鏡》，說樂富之所以叫樂富，和這句「今晚打老虎」傳說有關係。話說當年有人在樂富一帶見到有老虎，人人之為驚慌，但當時樂富係無名的，咁叫人行過小心都要有地方名架，改個俾佢啦﹗就叫「老虎岩」啦。另一個傳說都係話有老虎，幾個local村民行行吓見到幾個紅鬍綠眼洋人唔驚之餘仲邊行邊談笑風生，洋人開口埋口「今晚打老虎」，不久之後老虎真係死掉被打低了，為紀念這單野，個地方名就叫做「老虎岩」…

咁到港府要起屋村，梗係要改個好聽既名啦，於是就將「老虎」改為「樂富」，和「吊頸嶺」改做調景嶺有異曲同工之妙。

即係呢，聽到老師講"Comment allez-vous?"，雲遊太虛的本人無啦啦諗起上述這個「今晚打老虎」傳說…囧…

「今晚打老虎」，你好嗎也。

原來除了"Bonjour"和"merci"之外，我仲識這句法粉的說﹗又原來，"merci"唔係如馬小生唱的廣告主題曲讀"mur c"，係讀"map c"的。

回家看到鄰居新文講到外文正音不正音，我諗喺超市買上述馬小生代過言的古古力，讀mur c會多人知過map c吧？﹗基本上，在可以得過且過的時間(如朋友聚會)，讀錯了但大家也明的話，錯也不要緊吧，反正我們又不是錯字特攻或正音大使。只是到正式場口(如公事)，還是正音好。這，也是本人無啦啦去讀法粉的原因。

上面喺度講樂富名字的由來，之後就講法粉筆記，我在呃文﹗哈哈。

cheap cheap的我，一如以往，也是在工聯會開始的。

聽過很多朋友說在工聯會遇到騎呢老師令佢地學習的熱情破滅了，我…可能算是好彩吧，從打年前的日文(那位阿sir在別家日文學校有教，仲要認得我﹗很強﹗)、之前的西粉，和現在的法粉，遇過的老師都不錯，短短個半鐘但勁informative，最起碼令我有繼續上的衝動。(諗起卡在樽頸的西粉…)

是因為大家也是拉丁系語文嗎？法粉好些生字和西粉很相像的，睇到就開心，唔使背得咁辛苦。再努力學下去，就可以研究究竟張敬hins首《Déjà Vu》發音準唔準啦﹗卡卡。

只是，若然工聯的朋友，或民x聯的人兄人姐不要在選舉季節打一萬九千幾個電話「催票」的話，我會更開心的說。

(20/1/12後按：只上過幾堂之後就沒上了…其實我都唔係好鐘意法粉…哈哈)