尖東

看到Y文篇《尖東》 提到「要花幾多能量，才能將荒土變成新興潮區？要花幾多能量，才能將新興潮區再次夷為平地？」…其實我都很想知啊…自我懂事會搵街行以來，尖東=娘=舊= 夜總會=唔高的大廈=十年如一日的聖誕燈飾，即係=/=潮=/=行街勝地…每每聽到人家說當年東尖如何勁如何威我都好好奇，究竟當年尖東係點既一回事？﹗

為此，我係特登搵左圖這套《明月照尖東》來看。不過套片係92年拍的，離尖東全盛既80年代(尾？)一段日子了…

奇怪的是本人80尾都有咁上下大，但對尖東真係一點印象也沒有(我沒有扮細啊﹗)，我懷疑是當年媽媽很少帶我們過海之故(鬼咩我地係島民…自給自足那隻 ﹗~) ，小時的行街印象都係太古城、老銅，大個一點就是MK，尖東係去到識搭過海巴過海行經紅磚大學才會行一行過，特登去的話…應該無乜幾可…

所以聽到人家說以前尖東點威…Y在文中說的noon d買衫喂威喂…小的係有點難以想像…難怪佢對尖東係「感概」啦…

嘗試去搵番全盛年代的樣子來看，1.是上面那套《明月照尖東》，2.是TBB劇集，咁啱又係黎老板(XDDDD)，記得佢老人家套《人在邊緣》阿龍哥好鐘意喺尖東同阿宜(羅慧娟)拍拖的說(這套劇…我睇咗一千九百幾次…哈)；一睇，囧﹗大廈都仲係那些大廈﹗完全無被市建局辣手摧樓啊﹗(我真係邊睇邊囧的﹗完全沒留意黎老板和張大使的演出…張大使做殺手又幾酷吓的說…)而家應該係多了個百周年紀念公園，樓底還是一樣的矮，裝修還是一貫的金燦燦(特別是外牆)， 原子lift還是要圍著很多燈泡(但有很多是唔著的…)，基本上變化不大啦。

說起上來，一條漆咸道以外的尖沙咀區天天在變，尖東卻好像原封不動的， 香港特式呀﹗唔好拆呀唔該﹗

說起來我真無印象去尖東行百貨公司，search一search曾幾何時應該有(過)伊勢丹、三越、妙麗百貨、東急(新世界…算係尖東嗎？這個名我有印象啊…許歌神的《日本娃娃》﹗江欣燕﹗)等，不過我諗我行得最多係UNY…誰叫我是島民…

奇怪的是我記得龍子行﹗點解呢？﹗同埋我記得小時最開心係媽媽帶我地行海運大廈，因為地庫有間好大的玩具反X城，啲架係高到擔埋梯都行唔到(完全係行家樂福的感覺)，想像吓通道兩旁都係玩具包圍你，個感覺幾壯觀呀﹗現在的反X城太蚊型了，完全唔興奮囉行入去…

講起我小時專行太古城，又咁啱俾我搵到張舊相…很爆…龍貓竟會做我的良朋…(又係江欣燕？)

而家呢個位係office building啦，戲院搬咗去右邊既位…

最頂那舊綠色牌是「屈人寺」，應該係「Watson's更加關心你」那個年代啦(唔睇番條片都唔知，原來Mary Quant曾經喺香港有過個譯名叫「瑪麗關」…囧…)

鱷魚以前惡啲喎個樣…

老m好像沒太大變化…

唯，鱷魚下面那間係乜？﹗老m下面那家又係乜呢？﹗囧…

(我係咪要多謝媽媽和姨姨逼我影埋咁多相…而家先有得懷舊一吓呢？﹗)

死啦，會唔會有一天老銅變到尖東咁成為潮流out地，我第時同啲後生既講「想當年，我地係去銅鑼灣行街買衫食飯架…」…