Change & 欺詐獵人

一部電視劇，另外是電視劇改成電影(好像會在港上映？﹗前陣子在戲院見到有海報…)，都是今年春天於日本播映。戲如人生，竟然在半年多後的今天來了個真人版，真係好邪。世事真係難料，遲多半年上的話，《Change》和《欺詐獵人》食正條水，就和味了…

世事，又豈會盡如人意呢…

Change

木村大神那部劇沒看。先承認本人是政治冷感的，對特衰正苦沒啥期望(我是悲觀的…)，靠人不如自求多福，看得多會眼冤，不如睇啲令人充滿希望的吧，如台灣和美國的兩個小馬哥(湊巧佢兩個名都有個馬字喎﹗)。

歷史科其中一個議題(兼且係極難答而我一定唔會答)的就是民主一定好嗎？我唔敢講。不過起碼民眾有得voice out，元首做得好民眾就用選票俾佢做多任，做得唔好就拉佢下馬換過個，雖然唔知會唔會仲衰(會有人後悔投了薯仔和阿扁的連任票嗎？)。台灣的小馬哥，so far和彼岸偉大的祖國關係攪得ok丫，又三通又直航(但就攪到香港物流業腳震了…)，好像也不錯。美國的小馬哥又會點呢？薯仔拋俾佢的係仲大件過1920年代經濟大衰退的燙手山芋，且看佢點change，yes，he can?

看著看著，諗起董伯伯腳痛離去，換上權權時大家都覺這改變很美麗，蜜月期了一大水，但而家…唉…香港，會有一個小馬哥出現嘛？﹗囧…

===================這是娛樂版開始的分隔線================

欺詐獵人

二女爭一夫沒啥興趣，我反而落力追小室哲哉的報導，好地地一個音樂教父，點解會變咗欺詐擸人？

90年代聽Jpop一定會聽過小室的作品，那一水佢既電子音樂簡直係橫掃整個樂壇，「小室家族」成為一個名牌，記得當年小室帶著啲歌手來港(仲上《勁歌金曲》添)，報紙仲大版報導，當年本人初迷上安室，當然也有留意(最記得生果報說安室只企定定唱《Sweet 19 blues》，竟然唔勁歌熱舞一番)。

Globe和Trf的歌我沒聽，就安室的大碟而言呢，《Sweet 19 blues》可說是為安室度身訂造，good fit。《Concentration 20》卻變了小室自己風格，除了兩首單曲外sidecut大都是電子編曲，老實說…本人覺得整張碟都很不像安室的…98年安室復出的《I have never seen》感覺很像《Dreaming I was dreaming》，仍能衝上銷量榜冠軍，因為這是安室復出作，二人合作末段的《Please smile again》直頭是唱和聽都辛苦，慢慢安室轉走r & b路線了…。睇番維基載2008年小室訪問中說「98以來這十年曲子好像怎麼都寫不出來呀…」…原來係咁…創作人沒了創作的靈犀就最大件事…

說起來有點像馬後炮？﹗

他在港收的幾個徒弟的歌沒聽過，我只聽過eric嫂的《in your arms》(某年《勁歌》總選時小室來頒獎，葉佩雯演唱了這首…)，話實小室的歌曲不如港式k歌有晒起承轉合，intro+chorus咁，好多時係幾段intro加埋一齊，這個曲式聽日文版又ok，但一併埋廣東詞又怪怪的(港版《can you celebrate?》很恐怖…

這又是一個馬後炮…

總之就係可惜…無論如何，希望事件快點平息，為自己所做既事有所承擔，之後又係一條後漢囉。

貼番食呢套劇名的文：[日劇]貪字得個貧@《詐欺獵人》