生活還是要繼續

自從金融海潚爆發就越來越怕睇報紙，頭版不停說社會唔同階層點慘、個市點差、別個地區點救市、港府點唔做野；財經版不停講個市成交少咗幾多、邊間公司唔掂…；娛樂版不停講邊個明星逆市賺/蝕幾多百萬、名人結婚豪駛幾多錢、富豪去邊度食富貴午飯、女星拎幾多萬既限量手袋…；好了，讓我避去副刊睇吓散文好了…都要整版嫁入豪門大法…囧…

我常覺得經濟係一個cycle，有升市一定有跌市(這是廢話…)，好景時食好住好；唔好市時咪勒緊褲頭忍一吓，捱過咪柳暗花明囉(其實這也是廢話…)，每天彷如參加鬥慘比賽般囧口囧面，地球還是會繼續轉，生活還不是要繼續…

越來越覺得景氣不好的時候更不應看報紙(特別是某份果物系報紙)，報導一：散播主觀怨氣，即如怨政府不救市(我真係好懷疑派消費劵可以幫到救市幾多？難道馬交每人派五千蚊又救到市嗎？)，各式環境不好生活逼人我好慘調查，就是個市點慘點衰，回望一年前幾好呀﹗恆指幾多點呀﹗市值幾多億呀﹗邊個富豪身家少咗幾多個零呀﹗實在，做人既野就咪鬼回頭望啦，特別係損手的人，吓吓望住舊年同一時候點大魚大肉，再望吓今年食緊咩鹹魚青菜，唔灰就有鬼﹗無咁多錢又要維 持同一史單特的生活享受，不就是搵野來煩…

我又真的好唔明，投資用disposable income不是common sense嗎？﹗分散投資都唔係common sense(甚至近乎老生常談式的廢話…)嗎？﹗無人話個市永遠都會上架喎…

二：是散播拜金主義--男的要發達，女的要嫁個有錢人(其實這個說法是聽收音機梁榮忠常說的，細妹有十萬個認同…)，我唔明點解好地地做個普通人唔得，一定要發達賺大錢，周身名牌先叫成功呢…。女(星)嫁窮鬼無人寫，嫁入豪門的就寫足幾天，天天極度細緻交代每個環節豪使咗幾多…救命，好鬼憎人富貴厭人窮。實在這個時勢返鄉下耕田已經唔work(更何況我都唔知我鄉吓喺邊…囧…)，錢唔係無所不能不過無佢就萬萬不能，但有錢又唔代表無煩惱喎…很受不住傳媒一味美化灰姑娘故事，嫁咗俾個有錢人就會做人無煩惱嘛…

實在周圍的人都說個市點衰點盛，但有兼且肯使錢的大有人在，唔使講咁多， 淨係講令女士們為之瘋狂的蟹樹…寄個50% off的invitation就令店前大打蛇餅，這兩天行經老銅不知見幾多人一袋二袋的買…。實在，窮則變變則通，有危就有機嘛，放手一搏或者搏出一條生路呢，試吓點都好過坐喺度等運到吧…而且，等運到成功的機會率有幾多呢？應該低過中六合彩頭獎…

咁家陣時勢唔好，天天都聽到公司裁員減薪，人們精神自不免緊張，生活逼人世界難撈呀﹗不過笑又一日喊又一日，咁笑住過總好過喊住過吧。雖說家陣海潚破壞力比五年前沙士過之而無不及，但總無幾十年前打仗咁死人lum樓法慘吧…想當年祖父母輩還不是咬實牙關捱過了~

Life goes on，笑吓啦香港人