代溝

和同事閒扯的時候對方忽然問：「你覺唔覺得我地同啲十幾廿歲既同事有代溝？」

囧…代溝嘛， 已經有了嗎？﹗


^這個表情很「囧」樣…卡卡…我最近很愛用個囧字…哈哈…

不得不承認，被社會大學折騰了幾年，雖然常覺得自己心態還是很幼稚(可能小的為人低低bb…其實我又唔太覺有代溝喎…)，但人無疑是老餅成熟了(也怕死/容易不安/缺安全感/高怨氣/易黑面/欠耐性/挑釁/奄尖/粗口爛舌/世界/圓滑/口是心非/笑裡藏刀/口蜜腹劍了…)，或許就是和初出茅廬時代的分別吧？﹗我們看新一輩不爽，就如當年的前輩看我們不順眼，一代不如一代…是無止境的怨咒輪迴…

不知同事遇到甚麼奇人異士令佢有如此想法，溝通唔到喎…，touchwood，這年小的遇著的intern是正常的(對，是「正常」的﹗我的要求不高吧？﹗ 無計啦，我都遇過好多令我囧樣終日的奇人異士…XDDDDD)，是我好彩？(上天終於憐憫可憐的我？﹗)聽過很多小朋友在職場不停被人批無交帶…唔獨立… 無責任感…溝通不良…最致命是欠common sense，雖知這個不是讀個course考張cert就掂，是從小到大慢慢build up，職場長輩想教都教唔到…

當然好難一竹竿打晒一船人既，一樣米養百樣人嘛，都係那句，同事既野，正常就得架啦﹗(小朋友無sense都可以話入世未深丫…一把年紀的怎麼說？﹗orz…)我遇過比較奇特的事…是icq language crossover商業英文出email掛？﹗

家陣啲小朋友咁奇特，原因係…，關回歸事？﹗母語教學？搶英中學位令考試壓力超大？通識教學？建華8年？Internet流行令小朋友唔識同人溝通？﹗每天對住外籍家務助理多過父母？﹗單親家庭太多？物質太豐富？﹗

睇番8、90年代生活環境和物質一定比5、6、70年代豐富，8、90年代的小朋友都唔會有書無得讀(雖然我覺得這幾年入本地U越整越難…癡的…仲話學位多咗)，都好難聽到無錢讀書到連中學都上唔到。不過新一輩競爭力卻遠遠不如上一輩，聽過人說，現在祖國的年青人(其實都只限富裕的幾個城市)就如2、30年 前香港的年青人咁，珍惜得來不易的讀書(當然不包括一班要風得風的皇帝仔女…)，誓要靠知識改變命運，他們肯捱、肯搏、肯蝕底、不計較(接觸過的祖國同學仔他們真的超級好學…令本人千萬個慚愧…囧…)，只求有機會學到野，啊…又記起，當年吾系的畢業生代表就係祖國來的交換生，記得佢Yr.1 sem a時係完全聽唔明廣東話，要我講國語的，士別一sem，Yr.2 sem a再見時已可以用流利廣東話和我閒聊了…

對不起，我五十步笑百步了…我都唔係好掂(老實說，要不是當年遇上金融風暴，唔想唔上大學要出嚟做野的話…恐怕小的不會發奮讀書…每想到這點我都由心感謝董伯伯的)，其身不正也不好去話小朋友的不是了。

可是肯定真係一代不如一代的…是語文…真係囧…雖然我都唔係好叻…