2008/11/11

掃雷特工自白書

開飯此網頁實在很偉大,為我等內置食店資料庫不齊全的為食精提供無限靈犀,不過我份人「包拗頸」,人家說好(難)食講到天花龍鳳都好,本人還是半信半疑,不到黃河心不死,試咗先算。

因為本人信奉莊子智慧:「子非魚,焉知魚之樂?」你又唔係我,又點我鐘唔鐘意呢?﹗
(又是莊子智慧,大無畏精神者,即是「以有涯追無涯」了…)

搵食茫無頭緒時去「開飯」一吓實在不錯,簡單打幾個關鍵字就能搵到大堆店家,附有大堆食評讓閣下自己慢慢諗。看著看著,份量多少、味道濃淡、價錢平貴、氣氛、服務、款式多少等其實都好主觀,很關乎食客本身性格、嗜好、出身等,也有太多外圍因素影響,如邊個時段去食啦咁。服務既野係invisible goods,很難做到一模一樣,即是說撞手神。我們總不能整啲客觀又可量度的standard出嚟衡量店家做得好唔好,唔通食飯要帶埋磅、溫度計度重量和 熱度,計時器計店員上菜、埋單時間長短(咁合理時間又點定出嚟呢?﹗)…

你估而家customer hotline規定電話響3吓內一定要接聽咩…

看 「開飯」最好是睇樣板…因為很多食評都有影相,看上某家店就是不停scoll上scoll落的看看食物合唔合自己心意,說到底過到自己條脷那關才最重要 嘛。試完原來唔錯有驚喜當然好,結果中雷亦無野架,試咗唔得咪唔再去囉。做人既野開明啲包容啲,唔好咁俾多框框限死自己啫。點知間店會唔會10年(或日) 之後係一條好漢,上次去勁難食但下次去超級好食,誰知呢﹗

我係幾怕大圍諗食乜時有人用「人地話這家店乜乜乜乜」來做去/唔去的理據,喂,係你食過定人家食過先?﹗(而通常講那個都未去過的…)人家的評語可以是reference,總不成是做決定的依歸吧。

我太包拗頸嗎?﹗古人智慧「唔賭唔知運氣好」, 到底世上不會有兩個口味一樣的人,不試一吓又點知會唔會有意外驚喜(也是這個原因所以我看過這麼多爛戲…)。

打從以前我就不喜歡看雜誌的碟/影/視評,掛上個「評」字就如專家上身評這評那,講到底還不是product不是作者的cup of tea…其實我幾怕這種扮客觀(或專家…雖然可能很多真係專家嚟既…)的主觀,作者好「客觀」的評人家時,那把尺不就是自己的主觀喜好?難道我可以去度梁 影帝的演技度…或容天后的歌喉度…

所以呢,看官台那個偉大頒獎禮懶係公正嚴明的,我更欣賞TBB的真心圍護自己友作風…我係幫自己友架咋,你吹咩﹗

真小人其實比偽君子可愛得多,我見得多,信我﹗(Oh,我在扮客觀的叫人信我的主觀感覺嗎?﹗XDDDDD)

6 則留言:

  1. 我從小不看公眾評語, 食評不看, 影評不看. 但當一大班人在想主意, 我又不會發言, 人家說好就好吧. 對於食, 我沒甚麼所為, 好就多吃一點, 不好就不吃好了. 當然, 如果人少少, 就只會吃自己想吃的, 不太會試新東西, 舊東西就是有保證嘛:P

    11th Nov 2008 15:50 PM

    回覆刪除
    回覆
    1. 對,我不會將別人的評語當做自己做決定的全部依歸,有興趣的話就算人家勁踩我都會去試,試完先知點解佢咁衰架嘛…於是…我就不停做掃雷特工…
      我又好怕人家說「都話咗你唔好試架啦」,即係咁,唔試點知真係衰?或者係好野呢…
      不停回帶我都會…哈哈…
      13th Nov 2008 11:57 AM

      刪除

  2. buy這套'評語作ref,但要親身試'的說法.
    其實亦毌須抗拒評語,是不是專家也好,只要D評語言之有物,言之有理,係試過用過睇過衰過才講出來,就有參考價值啦(謎之聲:你是在說掃雷特工嗎..)

    11th Nov 2008 20:55 PM

    回覆刪除
    回覆
    1. 我係話掃雷特工架…就係解釋點解我咁鐘意去掃雷…
      其實評語既野好難話係唔係言之有物,食野好多時係感覺,太個人了…除非間舖客觀因素真係好唔掂(食物醜樣…價錢超貴…呀咁),else全部都係食物太熱/凍/多/少,個人感覺既話對別人而言真係好難參考囉…
      13th Nov 2008 11:59 AM

      刪除

  3. 所以呢排我會睇埋同一個人寫其他再判別的哦。如果其他都是主攻某些要點,就不是店家問題是作者的口味反映了。

    11th Nov 2008 22:59 PM

    回覆刪除
    回覆
    1. 都係,睇得多就知寫那個手係對人還是對事…
      尤如…究竟真係套戲唔好睇…定係個寫手根本唔鐘意個演員呢…
      13th Nov 2008 12:00 PM

      刪除

要講幾句嗎?﹗XD