2008/05/24

見博友說,忍不住想加一咀。

人生不如意事十常八九,然而我們總在意不如意的八九件,如意的一兩件總被忽視。不如意的鬱在心中不好,總得找個方式舒悶氣,最簡單的當然是找個人聽自己罵/咒/呻/怨,講完一大餐未必有實際得著(如可行的解決辦法),但起碼不會鬱在心,感覺會好一點。


只是當呻的次數超出人類可承受的極限,不如意事被放大無限復活不停重播,多溫柔慈祥的天使也禁不住想轉身閃。怨氣,還要咒怨式輪迴,實比恐怖片更恐怖。

聖經中有一個故事令本人有很深印象,大意是有個婦人犯了罪,群眾要向她擲石仔將她擲死,耶穌這時問了句:「誰人沒犯過罪的話,就出來擲她。」登時沒人敢伸手擲那婦人了。

(大意應該是這樣吧,若然有錯請多多見諒)

說人回者先自行反省。本人自問受壓能力不高,遇上奇人奇事受了氣,自己都是自然而然的找人傾訴,罵一頓發洩一番,唉呀,其實自己也有將怨氣輪迴。當自己是怨 的一個時,發了悶氣感覺真的很爽,滿心歡喜等聽的一個和應自己,「係囉,佢真係勁衰呀﹗」如斯的就正中下懷了,我不就是最灰的一個,你可不要一盆水撥下來 說反調,哼,你根本不了解我,也不願意幫我,你也是勁衰呢…

安慰和耐性是有限供應,家人朋友有煩事,傾聽一下也無妨,可 以的話也樂意給個意見;最怕是同一股怨氣重複輪迴,問題答案無論左或右都不中聽,明明做好心卻被怨不用心幫忙。然後咒怨就輪迴到新一個目標,但講的內容一 樣沿地踏步。煩事人人有,你睇我好我睇你好而已,總是將自己的慘事放大,奉旨要人聽自己支笛,很煩,quota爆了,弄得人家買自己怕,還會有誰肯聽自己 呻?

越怨負能量越多,鬱在心中只會越加不暢快,只能找還未被嚇走的親朋密友聽故事。 其實一味的怨只是逃避吧?根本不能解決問題,反之是在浪費時間。開始懷疑,不是人家意見不中聽,只是呻者不想正面面對問題,留著被煩者的身份,自我催眠繼 續需索人家的安慰,總比親手拆彈來得易來得舒服。

跨越難關究竟是不為也還是不能也?只有當事人才知了。當然,他們有將自己放在一個怎樣的位置的權利,但請不要奢求身邊人全天候standby為專心鈴聽,人家可不是熱線也不是賣保險,沒義務也沒責任這樣做的。

(最近看不爽的事太多,回的次數也好像多了…多晒大家聽本人回,應該…回夠啦掛?)

10 則留言:

  1. 李小球9/2/13 21:37

    你說得再對了沒有......我的耐性真係好有限,附和完你,俾埋意見你,都仲係要繼續留o係原地唔願郁,咁就算喇,你唔好再煩我喇,我唔想次次都做負能量回收箱......你地就識搵我呻,咁我呻果陣又唔見你肯聽下我講係咪先~

    25th May 2008 00:53 AM

    回覆刪除
    回覆
    1. 係呀,我呢啲唔係complete巨蟹座既,聽得兩三次就想起身走人,你有閒情講我無耐性聽耶…
      只是,如果可以走還好,走唔到的話…就唯有借聾耳陳隻耳啦,這是我最近的得著…要不就搵自己的煩事出來轉話題,以子之茅攻子之盾,我發現是work的﹗卡卡…

      26th May 2008 13:51 PM

      刪除

  2. 我而家都控制緊餅帶...回得多自己都煩...(我成日都有口話人唔識話自己...哈哈)
    其實我覺得做人最緊要識平衡同調整心情, 唔係好易有負面情緒...呻係好容易, 但係呻完之後決定點做, 始終都係up to me

    25th May 2008 13:55 PM

    回覆刪除
    回覆
    1. 我係覺得成年人應該為自己負責,人家,就算係自己父母兄弟男女友都好,其實無必要push一個終日回帶而不行動的人take action。如果佢鐘意整天自怨自哎的話都無計架,不過當事人之後唔好怨人家做乜唔push佢囉…

      26th May 2008 13:53 PM

      刪除
  3. 怨,只能有一兩回,不能老是提著。如果成日講會惹人煩厭。最好就是找個無人的地方,自己發洩一下。

    25th May 2008 22:16 PM

    回覆刪除
    回覆
    1. 鑽牛角尖的人很容易迷失,人家點講都唔聽…。我覺得人生在世,唔可以吓吓靠人地…

      26th May 2008 13:54 PM

      刪除
  4. 我突然驚覺一事件....
    請冰子刪了我在這篇的留言吧..
    麻煩你了..

    27th May 2008 14:20 PM

    回覆刪除
    回覆
    1. 放心,已刪除~
      話時話,《欺詐擸人》和《壽司王子》在港都不像《hero》般hit,應該不會有機會在香港上映吧?﹗
      我想睇電影版《壽司王子》呀…嗚…

      27th May 2008 14:26 PM

      刪除
    2. 其實我說的是第一個留言呢...
      對不起....麻煩你了..
      《欺詐擸人》和《壽司王子》應該不會吧......雖然香港e家有播《壽司王子》......雖然係fan...但我覺得香港會播好奇怪...係日本收視又唔係高....題材又牽唔起香港熱潮...是因為光一所以播嗎?
      不過我都好想睇電影版~~~
      其實我覺得hero會係香港上,可能係因為好耐之前ge電視劇係香港都收得,而且木村真係連師奶都識......

      28th May 2008 00:27 AM

      刪除
    3. oh,我delete了。
      我覺得《壽司王子》好cult片格,小眾口味,希望佢會出vcd啦。
      有線播都應該係堂本光一…。話實呢水有線個11點檔期不停播劇,一套11集個幾兩個星期就播完,都要入定好多貨,可能有線都唔理得咁多,買咗先算。之前既《峰璧女》和下水會播既《秘密花園》都好新啦,近一年既日劇…不過係改埋啲怪譯名…好難頂…
      hero就一定係木村…佢喺香港又真係hit既…

      28th May 2008 15:04 PM

      刪除

要講幾句嗎?﹗XD