Why we blog??

 幾日無check email，今天一開就見到mysinablog結集《Why we blog：點只日記咁簡單》(詳情)出街的消息…半夢半醒，未刷牙未洗面的本人即刻醒一醒…終於面世啦﹗感覺好像讀書時功課貼堂一樣﹗好開心，好興奮﹗

[日劇]日劇腳本家

看得日劇多，發現日劇幕前幕後都可以係卡士，有時導演、編劇才是劇集最大的賣點(這個在Tbb很少見吧…)；有時看畢一部回味又回味，會被其風格所吸引而想找回其他作品再感受多次(這個情況多數出現在電影吧…)。就數數本人印象最深刻的幾位日劇腳本家…

唔好呀…危險呀…

話說琴晚睇睇吓波見電影台做睇過幾萬次的《古惑仔》第一集，本人和小弟再次被其吸引，睇睇吓小弟忽然分享咗個奇人奇事…(為咗呢個奇人奇事…我專登以鉛筆作畫…哈哈)

***********************************
真事係…

話說小弟夜晚收舖落閘時見街上有堆狀甚古惑仔的物體手持武器準備開片…八掛的小弟居然企係門口望望望…跟住佢身後的同事乙大叫「唔好呀…」叫番小弟入去…

個感覺係咪好古裝武俠片呢﹗

美食天堂VS又一間執笠

自從轉工後我已很久沒幫襯過哈迪斯，不經不覺唔覺唔覺，佢last一間分店結業，業務撤出香港。

小學社會科教落，香港係美食天堂，中西各地美食都有，但為何速食店就硬係走吓一間走吓一間，難道只容得下麥記和雞記？

心花怒放的容祖兒

欣賞容祖兒的新歌，是種久違多時的心情，聽到她新歌《心花怒放》，竟然(心中確係覺得「竟然」)幾好聽，那種感覺好像回到初聽她出道作《未知》時那種如獲至寶的感覺。

容天后的歌曲，本人唔多欣賞(或唔識欣賞)好耐了。

聖誕節於我

マリクリスマス！

小時候讀教會學校的本人逢聖誕節都特別高興，放假前一大堆節日彌撒、活動、聯歡會，考完試就唔使上堂，怎能不樂透﹗現在反而無甚特別感覺，每到聖誕，12月25日，唉…又記起自己生日過了足足半年，還有半年又大一歲…

聖誕緣份祝福

從Oasis度睇到呢個遊戲，八八掛掛的我梗係玩埋一份…嘻嘻

聖誕緣份祝福

留言一向是大家的交流的重點, 而節日祝福更曾經為我帶來不少好友. 就像你和妳!
還有數天便是溫馨滿溢的聖誕佳節. 對我而言, 又是另一個送贈祝福, 廣結好友的時候.
不知道你和妳, 又會否願意和我一起向一些未認識, 但卻又身處同一部落下的朋友.
送上一句祝福, 拉近大家的關係, 為大家的緣份定立一個起點呢?

日期 : 2006年12月24日 至 12月26日期間 (由於時間關係,容許偷步~)<--咁我偷架啦﹗呵呵

玩法 :

先準備好一篇以[聖誕緣份祝福]為題的文章, 把遊戲玩法寫下.
然後在聖誕的三天內, 利用於閣下部落版面右上角的[隨機網誌]按鈕.
去找出五位不認識的朋友, 在送上一句「聖誕快樂」的同時.
留下文章連結, 以便有興趣朋友能繼續把這祝福傳下去.

五位隨機中獎的朋友：

1. 鏗的無聊閒談
2. 攝像、地盤、設計、人生 = K日誌
3. Ni + Kidult
4. 我呼吸，我感覺，我存在。
5. 我係嶺南人

^特登搵張有日文的…嘻嘻…

多謝幫襯﹗~~~

…嘻嘻…終於到我玩呢個玩意…

幫襯小blog留言的第二千個幸運兒…適逢今日係小blog係鮮奶國開檔十個月…

yasuno，多謝你又恭喜你﹗~~雖然係無獎品的說…

也謝謝每位光臨的朋友啊~~謝過每個留言~~請繼續多多支持呢=P (因為近期公事纏身，回留言往往遲了起碼兩天…請見諒~)

*************************************
多謝支持之慶慶慶系列：
開博7周年誌
開博6周年+出鮮奶記周年誌 20/2/12 

開博5周年之… 22/02/11

長洲包山賀百萬 22/05/10

[集體發文] 假如 blog 會為我帶來好處+三周年博慶  22/2/09

七十萬read賀新年  31/12/08

600,000 和 10,000 5/10/08

慶 (我是掹車邊的百萬博客…哈哈…) 15/06/08

夢想工作與…呵呵呵…  21/02/08
我看你看我 (30萬read低調慶文) 26/11/07
二十萬read慶回歸 (慶乜野唔使我講吧﹗) 30/06/07
開博半年誌慶 21/08/06

鈴聲代表我的心

自從手機都可以用mp3做鈴聲後，幾古靈精怪的audio都可以用作鈴聲。車廂中不時響起流行熱門作，要不就響起貓貓怪叫或bb喊聲此等「怪異」鈴聲，周不時嚇醒一眾熟睡中的人，又嚇得車上公公婆婆以為真有貓貓在車廂內…

楊千嬅《Unlimited》

前言，以貌取碟，如果歌者唔係(偏愛的)楊千嬅，也許本人唔會聽呢張碟…

日劇《虎與龍》師父評Jump亭Jump落語技巧是「高超，會令人笑但無感情」，而小虎的技巧是「低，但有感情，真誠的情感令人由心笑出來」(好野呢架呢套，唔知係咩可見前文)。放眼樂壇，好些歌手被歸類為前者高超無感情類，也有些歌藝麻麻但以感情分搭夠。楊千嬅，個人覺得是後者。

利物浦的快樂聖誕

純粹轉載， 利物浦的聖誕派對，個個球員都扮鬼扮馬…好正…就算無份玩呢個party都好開心，you will never laugh alone﹗

1. Riise=Shrek

2. Crouch=Parrot (咁樣埋沒佢一副好身材…) 

3. Kuyt=Superman (你想點呀…啲肌肉…) 

4. Dudek=Darth

5. Luis Garcia=Pimp (啲指甲…太有型了…) 

6. Kewell=Cricketer

7. Carragher=Spiderman (穩定先生…)

8. Bellamy=Skull  
9.  Agger=Disco (個結他…)

10. Zenden=Captain Amercia (嘩…啲肌肉…) 

11. Finnan=Warewolf

12. Hyypia=Zorro (至型係呢個…)

13. Reina=Ghost (嘩…好認真的化妝…)

14. Gerrard=Punk (救命呀…呢個造型…)

15. Fowler=SadamHussein (-_-0) 

16. Alonso=Mr.Incredible (睇唔到…)

17. Warnock=Baby  (加埋呢個表情…笑到本人在狂拍枱…)

18. Pennant=Chewbacca (嘩…都睇唔到樣既…)

如果佢地以以上既打扮落場踢波…嘩哈哈哈…

人肉報紙

by小弟request，今次加埋佢既尊容…

娛樂野當然係本人解話… 

最GB帝國

每次開MSN都會有個box彈出來show電子郵箱中有多少醫貓，不過我永遠都唔會睇，因為我的hotmail純粹為MSN而開。今天終於肯登入去鏟鏟積存的貓。一看才知，原來hotmail都升級都1GB了。

從前容量少整天爆郵箱，現在空間多了，可是我並沒那麼多電郵要寄，用不了…

又會咁似既個封面…

本來去cd店係睇KinKi 《I Album》咩行情，一入去就見到千fa新碟…見到個封面，第一樣係諗到步姐幾千年前的《A Ballad》…

雖然係轉會前最後一張碟，真係粉絲都係咁話，見到幾灰，唔係咁gea嘛？(睇番前幾日的報導說個concept係來自偶像『藍寶石王子』)陰謀論，難道係想轉移田少的抄歌風波的視線？不過無理由架，個封面應該印起好耐架啦喎…

記得步姐個封面當年出街時都比人話係抄，無記錯好似係Tatu…

天下文章真係一大抄？算啦，唔望個封面(個化妝同造型…有啲恐怖片feel…)，睇吓啲歌好唔好聽把啦。

相關報導
另外的：楊千嬅《Unlimited》
抄抄抄﹗
***********************************************

          聖誕禮物 楊千嬅

曲: Eric Kwok 詞: 何秀萍/于逸堯 

銀樹紅葉陪襯  全部人為了這季節都很興奮
憑電郵或傳真 來互傳電子聖誕卡  不過我就寧願 花點心神
去選購特式的精品  歸家再用情感 手繪花紋
來造成自己的花紙 絲帶極相襯
快到聖誕 有個聖誕  按照個性配合型像
送贈小禮物 將纖細情懷逐點分  美麗的節日
將疏遠情義又拉近  寄份小禮物
飛千里鴻毛亦溫心  每份小禮物
都裝滿了我們真心的友情手印
同學同事朋友  還未能盡計算每個階段情人
還電郵或傳真  如若能代我滲透出心中那份情感
即使寬頻 能在螢幕中天天都傾計見面  仍想 可不可能
再一次用真身跟你開心地擁吻
快到聖誕 有個聖誕  按照個性配合型像
帶著小禮物 將纖細情懷逐點分  美麗的節日
將疏遠情義又拉近  寄份小禮物
飛千里鴻毛亦溫心  每份小禮物
都裝滿了我們真心的友情手印
快到聖誕 快到聖誕 每個聖誕  按照個性配合型像 送贈小禮物
將纖細情懷逐點分 美麗的節日  將疏遠情義又拉近
寄份小禮物 飛千里鴻毛亦溫心  每份小禮物
都裝滿了我們真心的友情手印

[日劇]攪怪劇之《虎與龍》

陰錯陽差，偶然看到關於這劇的簡介，衝著編劇宮藤官九郎的大名，衝著久仰大名但其實未看過的《池袋西口公園》和《木更津貓眼》，衝著仍未睇厭的長瀨智也(對，我仲未睇厭)，縱然對「落語」無所知還是一鼓作氣衝進去。實在是個精彩的世界啊…

甩褲見人心

多得周六曼城對曼聯，我miss了今天office熱話中的熱話--東華月米糕甩褲事件，lunch時到處都是談論此事的同事。好在，check email時還未有人得閒到send youtube link給我。

此事可以肯定月米糕小姐觀眾緣麻麻，至少在我司如是--談論的人笑的多，同情的少；四個字--幸災樂禍…

齒頰留香之蒜蓉焗青口

話說今日和同事仔到某泰國菜開飯，叫了湯粉河兩碗加三個小食，當中包括本人熱愛必叫項目「蒜蓉焗青口」，好食得吃後久久不能忘懷…

齒頰留香，咪就係呢啲﹗真係後悔無為那道廿五蚊的五隻焗青口影番張相留念…唯有上網搵吓其他青口兄弟頂一吓…

兩文三語的幸福

昨天看無記的《星期日檔案》，講到泰國興起一遍學中文熱潮。不但學校陸續加入中文為泰文、英文以外的必讀學科；成年人，尤其是服務業的更對中文趨之若鶩，工餘時間努力學習。無他，咱們的祖國經濟高速發展，要做同胞的生意，懂中文是個必然條件。

[日劇]唔掂…《巨星夫婿2》

題目呢兩個字係比《巨星夫婿2003》和本人今日的考試…唉…唔掂呀…

[日劇]孤獨的牙刷~《巨星夫婿》

日文試殺到埋身，這幾日大假都呆在家溫書，戰前最後一擊，就算肥都唔好肥得咁肉酸…

待戰後再清手頭上的《夜王》，雖然想看還是忍住了，劇未看完反而煲熟了主題曲《Mr. Traveling Man》，無獨有偶又係Tokio，加上之前睇《My Boss My Hero》熱煲的主題曲《宙船》，又係長瀨把聲…

真係笑話

講開《我被可樂噴了兩次》故事，突然醒起無聊笑話三則，全部真人真事(或無聊人無聊事…)，不過唔關可樂事，而係關有可樂飲的老麥事…

可惡可樂…

激鬼死我…

***

熱烈恭賀郭先生蟬聯金馬影帝啊~~^0^

相比我睇過的《三岔口》，未看過的《父子》我有預感會更好睇~~期待

新聞有感

自從家中無訂生果報後，我反而看多了報紙。無他，朝早排隊等車時二份免費報的阿姐有理無理照塞俾你，務求做到人人有「份」永不落空(唔怪得某免費報號稱自己派發量第一，咁樣塞俾人… )。當西裝哥哥拎咗《回條日報》後，《PM730》的阿姐就會九秒九塞份過去，咁我又無蝕底，咪上車睇完一份又一份。比起以前只睇生果娛樂版，現在由頭版港聞開始煲到尾。

然而近期港聞版真係熱鬧非常，越睇越覺精彩過娛樂版了。

下集：My Foot My Ankle

話說昨日lunch打完文就高高興興去叮飯，打文三十幾分鐘keep住無轉過坐姿，企起身感覺良好就邁步向前。行了幾步勢色唔對：腳痺…可恨意識到時已太遲，雙腳一軟整個人向下墜，右腳首當其衝"black"一聲拗了一個世紀大柴，痛不欲生…

[日劇]《My Boss My Hero》

話說呢期煲的劇唔係喊苦喊忽就係爾虞我詐，實在需要平衡一下，久仰《My Boss My Hero》爆笑力強，一看果然威力無窮笑到我傻。昨日(見下文一雞兩味《My Foot My Ankle》)拗柴事件令本人痛得不能入睡，狠下心腸一次過煲晒最後三集，功德圓滿，安心去搵周生了。

走在最前之無記劇集

都說我是喝這個台奶水大，明明手上有爆笑得呢又發人深省的《My Boss My Hero》，還是忍不住看了看台慶…唉…都係將時間用來煲真喜男來得實際…

等到11點看節目巡禮，我知道比台慶好睇好多。

豬骨湯拉麵

看了影兄的階段，不禁想起我和它的一段情…

 未癲豬骨湯拉麵…

[日劇]女人的戰爭：《大奧華之亂》

一次生兩次熟三次大結局，《大奧》的女人戰爭來到第三集大結局的《華之亂》。後宮女子鬥到第三回，還可以鬥出甚麼新意？

豆腐花…

 佢係一兜豆腐花…

佢地都係兜豆腐花…

話說個細兜係一個同事從日本公幹，返來後送上一大包草餅，白色兜入放著三粒小小的草餅，食完後本人覺得個兜極似百X豆腐花，放工後就去惠X入貨，返家後將豆腐花倒進小小草餅兜中。即係上第一幅圖…哈哈，真係幾似呢~~~

我都話我好無聊架啦…

另外的豆腐：
即食甜品之~豆乳プリン黒蜜きなこ付
叮叮試食記2：黑白心太軟蛋糕
懶人下廚之豆腐漢堡

[港劇]《射鵰》馬拉松

話說仍未有修肺台的年代，早午晚重播時段不時有經典好野重播，令本人有幸一睹電視界(或曰無記)黃金年代的出品。當年未有internet又無vcd，想睇舊劇只有等無記重播，在《香港電視》和《K-100》薰陶下本人對此等經典一直引頸以待，記得有段時間兩點幾時段不斷重播舊金庸劇集，中正本人至愛古裝劇死穴，焉能不看。90年代無記重播之餘自己又落力重拍，一時間金庸小說比課本更熟。

[港劇]Bingo--無記劇集版

看蔡子強《新君王論》，說美國流傳著一個老細廢話Bingo遊戲，一張四格乘四格(當然你可以再加多啲格仔…)的紙上寫上老細可能會講的Keyword，到開會時老細每講一個就畫咗佢，直到被畫的格仔連成一線。

我係二打六，未有機會和老細開會玩這遊戲。於是，我決定將之轉化為無記劇集版，哈哈…

呢張就係本人的大作：(一時間諗起的係咁多…)

其他的：
(轉)TVB十大老套情節
[港劇]我諗tbb真係無乜人用…
[港劇]公仔箱…變呆滯箱
[港劇]當《big血》+《根葛》撈《義海》再加少少《鐵血》…

[雜談]萬千蒸瓜賀台慶

身為一隻professional電視精，又飲無記奶水大，我點能夠唔為無記最近一分為二的賀台慶活動寫番一言半語呢，最緊要，舉行了三份之二的台慶壯舉我竟然都看了…

人字拖恐懼症

本人自小就怕著涼鞋，當中最驚的是人字拖…

不知何解，我總覺得人字拖會夾損隻腳…

呢個無厘頭恐懼症源頭有二：

話說我細個時仲會著涼鞋，某次去街去得興高采烈時比個姐姐以高根鞋踩落我的小腳處，痛唔在講，仲損埋。出得呢行(喺條街度)，預咗俾人踩，與打大隻腳比人踩不如著番對密頭鞋，起碼無咁痛。

另外就係細個時一個叫人唔好山溪工地游水的政府宣傳片，片中幾個細路好高興的跳落個唔知山邊定工地既水乙水度，游游吓其中一個細路隻腳踩咗落口釘度，鏡頭影住佢隻腳係水中滲出大量血水，一時間綠得呢污濁非常的水變晒紅色，呢個鏡頭係極度震撼我的小小心靈，自此我覺得著人字拖(或其他薄底涼鞋)在街上行好容易如片中細路踩到啲尖野整傷隻腳…

就算天氣三十幾度，我都係忠實的著番我的converse…

雖然，幾年前貪迷彩個花靚買了對迷彩人字拖，著落後發現其實係唔會夾損隻腳…哈哈

買麵包還是買膠袋？

常覺得麵包店是最不環保的零售行業，每次買麵包總附送膠袋一大堆。看看我剛剛的戰利包：

黑糖提子方包一條--預先包好膠袋乙個
忌廉角乙個--亦是預先包好膠袋乙個
迷你芭夫兩粒--透明膠袋乙個

加送白色背心袋色個，盛惠膠袋四大個﹗

孤獨的推銷員

作為大學生，讀了三年書，理應很期待畢業禮當天穿上畢業袍和母校作告別禮，正式向社會出發。看報紙見到有位科大畢業生在畢業禮前一天輕生，令他做出這樣的決定，工作的壓力肯定已超出他可承受的程度，也反映現在做推銷員的困難吧。

[日劇]《太陽之歌》first impression

我有舖續煲癮(6/3/12後按：這就是後稱的「」也…)，嗰期煲完某人的劇會再找其他的來煲。狂煲完竹野內豐，今次我的目標轉向澤尻繪里香，睇完 《一公升眼淚》 再嚟一套她上季劇集《太陽之歌》。看了兩集，劇情仍在舖排中未入正題，談不上有甚麼看後感；反之不停令我想起兩樣野：濱崎步和《火舞涼瓜》。

愛蛋說

近排太愛《笑忘書》，所以發文的題目都要工整點，今次個題目係抄《愛蓮說》的，哈哈。

話說返家後一開雪櫃，老媽買的蛋竟然多到雪櫃門頂的蛋隔也不夠用，要再用碗來載著，有供才有求，想來我家確是個愛蛋家族。然而，蛋黃和蛋白之千變萬化確是叫人吃不厭，不禁要唱一隻N年前廣告歌：「鹹又啱甜又啱味說真好，凍又啱熱又啱給我活力…」(哈，係豆漿廣告歌…)，實在很難不為之著迷；爛gag乙個，考試測驗的食蛋除外。

我看文章留言

看到阿占《留言比文章重要》一文有點感想。

看人家的blog心有所想，口多的本人總愛留個言，交流亦好交個朋友亦好，總覺得寫blog者除了抒發己見外，人家回應留言對他們來說是種鼓舞，無論是同意不同意或是批評是讚美，都會珍而重之。

郭富城陳年MV特集

郭先生憑台灣一支電單車廣告一炮而紅相信好多人都知，但唔知有幾多人睇過呢？

為慶祝本人今日卒之識在blog度link youtube短片，我決定將第一個post奉獻給本人永遠的偶像郭先生~~

張敬軒《笑忘書》

巨基的《我生》煲了一排終於有挑戰者，這兩日本人熱煲的是張敬軒《笑忘書》。

話說某日邊煲劇邊睇波，和小弟談起近期愛歌，本人提出一大推日劇主題曲(《一升》和《瑠璃之島》~)，小弟就不停推介《Gundam SEED》，竟然都是日文歌，不過雞同鴨講，因為他不看日劇我唔睇Gundam，完全溝通唔到。

不許人間見白頭

剛煲完《一公升眼淚》，一如所料喊到收唔到聲，不過這戲也不光止催淚，看著病中的亞也不放棄的堅強態度，行得走得的咱們實在很幸福，很多事不是理所當然，就努力珍惜，活好每一天吧。

沒有回憶的都市

昨天看報紙說政府打算清拆尖沙咀鐘樓(後按：係天星鐘樓，sorry sorry)，文中只輕輕一提沒講及深入詳情，不知會否成事(還是像美利樓是搬走？)，但都夠本人浮起一絲絲不安。在香港成長的回憶慢慢的被清拆重建，他日要和兒孫分享兒時回憶，只能靠相片了。

日本風情畫

曾幾何時無記很多幾分鐘的資訊節目，在早上(十點幾十一點的時間)或下午(差不多六點)或深夜時播一播。這些節目簡而精，我甚至覺得比正式節目好 看。印象中曾經有個《識多一點點》，是講廣東話別字還是常識？印象好模糊，但當年極愛看，記得是個鬍鬚叔叔做主持，益智程度直迫《成語動畫廊》；另外一種是風土人情類，有個介紹祖國的《好大的風》，每次都是祖國風景配女子在山頭唱著極有祖國風味的國語歌(所以我覺得《大江南北》好看點)；另一個就是逢做必 看的《日本風情畫》。

慢…萬聖節

昨天是萬聖節，新聞報導說老蘭滿是慶祝的人群，擠得警方要封路云云。昨晨同事問我夜晚會到那兒慶祝，登時一大個問號浮起…慶祝…慶祝甚麼？完全沒頭緒。放工最緊要當然係煲還未煲完的日劇啦…

[日劇]洗滌心靈之旅—《瑠璃の島》

這標題有點X會古兜溫泉之旅的感覺，不過故事主場景鳩海島的景色比這溫泉美多，看完真想直奔那兒體會海天一色的風景。

言歸正傳，首先又要提提竹野內豐。

地鐵阿嬸

基本上唔一定係阿嬸，不過我遇到的通常都係阿嬸而已…

  ***

歡樂唔歡樂的天地…

話說某天行過樓下的甚麼樂園時見到：

永久會藉﹗ 玩樂的地方配上沉重的「永久」兩字。看著不禁想，你offer我永久會藉，但我又是否可以永久的享用這offer呢？﹗

小blog更名日誌

雖然讀書有講過改brand name的壞處，不過作為一個諗到就想做，唔做會身痕的心急人，思前想後，決定趁今天小博開張八個月(其實都不是甚麼特別日子﹗哈哈)進行改名大典﹗

好像沒講過小博這個騎呢又中又英的名字來由？話說本人情迷堂本光一，自己網名借用了人家姓氏，04年在Xanga(27/1/14後按：嘩﹗這個bsp已經成為歷史了﹗)開第一個博時就想像他的名字套入名字內，於是就用上"Hikari"，光也。因為本人是隻戀家的巨蟹，於是就加個"Home"字；後來手痕加埋中文名"光榮之家"，本人極欣賞的Hocc舊歌。時日久了，本人開始看不過眼這又中又英又日的名，開始構思新名…

至於副題"隨著好奇心行動，到處累積經驗"，其是二十五日出生的人的性格，讀後覺得形容得極貼切就偷了來用。

在鮮奶國安定下來以後，本人開始搜索一個mirror blog的落腳處，加上為在朋友竇口留言，於是無啦啦在Yblog、MSN Space、Xanga(又開過…)開A/C，無聊的本人雖然不打算在那兒開Blog，但都會身痕痕的粉飾一下，於是開一次就諗一次名；終於上個月係 Xanga開A/C諗到而家用的新名，好貼切的形容本人的處境，哈哈。

相比以前"鬼竄"的改動，今次算係最大的變動吧？哈哈。無論如何，謝過所有過來坐的Blog友們，得閒就多啲呢坐啦﹗

(暫時將舊名先放在副題位，一段時間以後換回舊題~)

另一篇：

小blog一歲誌慶

勢力範圍

讀history讀到清末時各國勢力分佈時有個term叫"Sphere of influence"。現在，「勢力範圍」唔係書本上，係現實中…

 (真實的阿姐唔係咁惡既，不過都差不多啦…嗚嗚…)

老爸的書枱，媽媽的廚房，小弟的PS2，和本人「露宿者之家」般的房，是禁地，生人物近，郁親手就聽打。

像媽媽的廚房，公司的pantry就係阿姐的「勢力範圍」，拿甚麼用甚麼一定要有手尾，否則…哼哼…

[日劇]好懷念的《悠長假期》

久不久就想翻煲《悠長假期》，等小南輔導瀨名之餘都輔導一下我。這天突然很有衝動翻煲，放鬆一下緊張的心神，學小南話齋：「每逢人生不如意時，就當是上天給你一個悠長假期吧﹗」放鬆啲啦香港人﹗

19/10 update： 經重溫後發現原來句放假對白係瀨名講…唔係小南講先…

[日劇]為《一公升眼淚》儲定幾廿公升眼淚

本人淚線發達，劇集電影很刻意迴避悲情片，怕哭崩長城堤壩；所以不問因由，以催淚見稱的韓劇真的可免則免(不經意入戲院看的《向左愛向右愛》結局都看得我眼濕濕，都話唔可以睇架啦)((27/1/14後按：而家癲咗咁睇的時候，可幸韓劇又不是以催淚為主了…))，反正我不熱衷韓式型男，無損失。至於心愛的日劇，為免喊到變豬頭，一連幾套《在世界中心呼喚愛》、《太陽之歌》以及無記昨晚開始播的《一公升眼淚》，大熱，好想睇，但一直忍著…不幸，昨晚一出廳就忍不住坐低看，輸咗…

無奈…

最近常遇到的無奈情境，如圖，四字成語乙個：

 實估得中既-「對牛彈琴」…

無聊畫作~

網上世界真偉大﹗由於懶去圖書館借書，就上網search下人家如何用photoshop畫公仔，搵到好多有心人詳列畫圖秘技，原來圖層係咁用架喎﹗

邊學邊畫，越玩越開心…哈哈，卒之停唔到手…

必勝study係第一張實驗品，個style和其他三張唔多似~

REF：CG畫圖心得分享

散紙

等巴士時，見到巴士車身上的「請備輔幣」標語。輔幣，又名大餅、碎銀、硬野，本人愛稱為散紙，乃係銀包總會袋著幾個的東東；曾幾何時每天真會自備一堆傍身，但自有發達通之後，好像很久沒用過來搭巴士…

有感而發之欣宜

每人觀點與角度都不同，各花入各眼 美不美，醜不醜，得唔得，應不應，一切因人而異。純粹抒發己見，各有各觀點，齊齊討論集思廣益見，謝過各方blog友回應留言，恕關掉留言功能。

娛樂事，不必太著緊，喜歡便繼續喜歡，不喜也可繼續不喜，無啱或錯，但求理性行事。

13/10/06

其實欣宜是否真的如此犯眾憎？播她的MV都要收投訴？其實唔想見到她容貌的人轉台便好了，又要邊看邊鬧，奇怪。

Something About 李克勤

從blog友留言看到TC一篇講李克人，即時思潮洶湧。雖然他從未成為本人偶像之一，但本人對他歌曲的欣賞之情有如滔滔江水連綿不絕，簡直一發不可收拾。從舊文中克人歌詞出現次數之多可見一斑吧﹗

哼哼，收斂多時的貼歌詞嗜好是時候重出江湖了。

中秋奇想

據說今晚11點45分睇月最清楚的時候，呢個時候思潮亦特別高漲…

城大遊記

今天又身痕到九龍塘的轉車到油麻地上堂，可是大塞車之下比預計時間遲了到步，再轉車都遲到了；走到火車站時忽然有奇想，咦，我好似好耐無返過偉大的 商大啦喎(我好似無正式講過我係讀呢間野架呵？﹗)…哼哼，我的走堂因子又發作，哼哼，誰叫出席率只需七十個巴先，不好好利用好像對唔住自己。偶爾享受越軌(我指走堂而已~)任性的樂趣是本人嗜好；就一鼓作氣，衝進久違的商大…

(條天橋好多人，趕時間之下快手影完走人…手震咗…)

快樂頌

朋友仔vi整了篇「快樂是…」，看完自己都想了一想，甚麼人甚麼事才能令自己快樂？？人大了，要快樂好像沒以前那麼容易。學會要求少一點，快樂又好像是回簡單的事…

 快樂是…睇blog寫blog上網無聊，看到各方blog友的留言，真係無限快慰~

 快樂是…將拖延已久的事辦妥，再幻想之後美滿結果，嘻嘻，今夜夢還暖~~~
(本人為成功脫離獅子銀行開心了一整日，被老媽戲稱為「三厘」， 呵呵，我受﹗)

 快樂是…一個朋友的來電，交換八掛情報近況，得知一切安好，帶著甜夢入睡…

 快樂是…看一回開心的電視，可以是一場好波(最近的查爾頓對阿仙奴雲佩斯兩球波真係超精彩﹗)； 一場好戲(爛戲都唔拘)；暢快開懷一會﹗幾好。

別人笑我太低能(或傻~哈)，我笑他人看不穿。笑多啲唔好咩？