20年自high系列~《超級無敵掌門人》

嚴格來說，是21年。

話說到朋友家拜年，去到的時候做緊《三個小生去旅行》，大家都是邊食飯邊望吓咁。突然發現跟住的節目是呢個，極囧﹗再望一望啲嘉賓，劉華﹗陶大宇﹗梁榮忠﹗以劉華的造型，陶、梁未過檔(《刑事》又是一個很懷念)，仲要有陳小春做主持，唔使講一定係第一輯原始版啦﹗

巧京京呀﹗

[港劇]黎老闆劇集自high系列~《回到未嫁時》

繼續一條龍黎老闆，今次開喺我極少翻煲(雖然我成日喺文度提呢部…哈哈)的《回到未嫁時》…一開就有開心大發現…

1. 呢個didi係咪子洋呀﹗子洋﹗文意姐姐嚟架呢個，你後母呀﹗咪送佢番過去呀﹗(我講緊《今生無悔》哈哈)

2.我成日以為《回》係80年代既劇，原來係90年，仲要同《人在邊緣》同一年﹗呢頭做完天然呆(這是多麼的近代形容詞啊﹗)浩然(不是二少黃浩然)，轉頭就做漿湖大佬龍哥，好正呀﹗

[港劇]黎老闆劇集自high系列~《原振俠》(完)

而家我一見堺雅人就起《真田田》op，很多年來我一見黎老闆內心小劇場係起《願你今夜別離去》…但…其實在我的翻煲龍虎榜中《原振俠》係無翻煲過，反倒是《人在邊緣》和《今生無悔》我睇到記得晒邊集打邊集的劇情…

我想話呢，《原振俠》令我好新鮮的是…黎老闆終於有一套劇係唔食煙架啦~~~~

暫時…我只看了一集…哈
13/6/16後按：我已經睇完晒啦~~~

[港劇]我為甚麼唔睇《殭》咁唔進步？

基於我娘係鐘意開住電視令間屋有聲，而呢套劇又係9點半做，咁通常我都返咗屋企，所以行出行入時唔覺意睇咗啲既…

咦…即係我．有．進．步﹗

而我會留意吓是因為飛卜大家瘋傳鄭視帝比元華更似元華，之後我先坐低睇咗陣，喂真係似喎﹗忍不住影電視留個念…但不要問我係第幾集﹗我唔知喎﹗

[港劇]突然睇大結局~《刀下留人》

琴日在fb看到這篇文，見作者用了左邊這幅相，超喜歡，邊看邊想起起《金枝》中落難的如妃和孔武在雪地上慢慢行個畫面…淡淡然但又無限浪漫。

這一部其實沒有特別追，但這水多喺屋企食飯嘛，我想話個風格、對白、人物對立位都幾有《金枝》的感覺，然後呢，究竟黃德ben和邵美琪合作了幾多部劇呀﹗

同埋，做乜之後有套甚麼《鐵馬戰車》…做乜突然hit咗？

呀，同埋，fb中好多朋友都說大家無啦啦坐定定看這部的大結局…哈哈。

五虎情意結之…很懷念我們在TVB屬於我們的時候

話說今朝睇到唔唱k呢篇野，雖然佢那句「很懷念我們在TVB屬於我們的時候」堅係唔通順，但又好似明明地佢那份懷念之情(因為我都在懷舊自high中…哈)，想問傳說中瘋傳兼攪鬼奧運六星舞步就是這首嗎？堅係攪笑喎﹗點解跳到好似中學sports day啲社際表演咁？﹗(aka：好業餘﹗)

真係要突然懷舊一番…

[港劇]20年自high系列~《緝私群英》

又到好想重溫的時候…我個list好多呢啲我自覺好好睇但無乜人提起的自覺鉅著…哈哈。

無睇咁耐再睇番，long time no see既皇冠和綠色制服…同埋啲主角好瘦…哈哈哈…

如果有得買番正版碟可否告知小的？我好想買番餅嚟珍藏…哈

2015年萬千星輝頒獎典禮

其實，啲入圍劇集無一套我完整睇過晒既，然後有好多係播過都唔知(唔記得既或者比較多)。咁據說係大熱門的《梟雄》有望過吓，《張保仔》因為太騎呢而望多過兩吓，《鬼同你OT》和《華麗轉身》因為係食飯時間播所以望得比較多，印象OK同幾好笑的說。另外無乜出現過拎獎的…《衝線》囉…之後…仲有唔知點解段鳳三會變咗段素四(我娘補充係個個演員都會一人分飾兩角的說)既《無雙譜》…無啦。

但我又唔知點解好有興趣睇頒獎典禮，可能無記見我忽然神心所以送啲笑料俾我笑…人家Oscar食pizza…佢地食雞記…啲花旦小生著到令一令食雞…堅係笑咗…(點解無鄭視帝出嚟架﹗有無人call過佢﹗)

另，17哥終於拎到個視帝的邊皮了…

原來已經廿年的95年

話說，因為丁太年頭一個《Let's Begin》，劉太年尾一個《Let's Celebrate》演唱會，let's (get wet?哈哈哈)了一大輪後驚覺係喎，除了V團，佢兩個都係出道廿年呢﹗(雖然，丁太係96年發片的…)…跟住，我又忍不住去回顧一吓當年的新人剩番幾多個…

well，trigger到我想回顧吓既原因呢…咪就係首《Let's Celebrate》

[港劇]TVB邁步向前節目巡禮2016

其實除了食飯之外我唔會特別坐低睇TBB的了，然後要諗對上一套真係由頭睇到尾的…呃…我諗起的…是…四年前的《洪武三十二》和《真相》了…囧(其實《天與地》我都無完整睇晒…)any肥，每年睇節目巡禮都係一個樂趣…

睇吓有幾乏精彩嘛﹗哈

[港劇]《張保仔》…真係台慶劇嗎？

終於都做完了…我想話自從《真相》後我好似無一套17哥(或曰11哥？)的劇係完整煲得完的…話說星期六出街食飯，今日就喺屋企食飯，就唔覺意睇咗呢套劇的結結篇…之前我係無睇過的，啲笑位只係睇FB的些圖…我想問…做乜呀…張保仔就乜會變咗十一個兄弟…架？

[港劇]《風雲天地》…um

嘩，《賭場/酒店風雲》和《天地男兒/豪情》的混合體？定係《歲月風雲》的朋友？(唔睇番舊文都唔記得有套咁既劇)…個名同舊時常用劇名勁似，跟住劇情又熟口熟面(第一集的例行公事是有件好勁既危機顯出主角的霸氣架嘛﹗)…

不過我最大疑問都係點解1987年(劇中說是廿年前)…李詩韻和黎視帝個郁咁六十年代既？大佬夜晚播的《他來自江湖》係1989年的產物，劇中人都唔係呢啲郁架喎﹗﹗﹗﹗

[港劇]《老表，你好hea！》~笑噴了﹗

其實我已經唔記得一套《老表，你好嘢》的劇情(因為我無追到尾…)，也完全不知道這個原班人馬上陣但不是續篇的續篇出街，只係某日食飯時唔覺意睇到笑到傻咗…跟住就與賣TV為伴追番了…

呢套野好笑位不單在演員扮鬼扮馬，最爆係啲自嘲位到肉，玩大台玩情人仲玩埋隔離台，死未﹗

[港劇]《愛我請留言》

這部劇起初讓我不明所以一頭霧水，做乜旁白咁多又寫到小說咁既feel，本來覺得ok難頂，但睇睇吓又好似越來越ok…囧

[港劇]《叛逃》(1-5)極速後感

睇番舊文這套劇應該係《真相》之後拍的吧？2011年講到2014年終於都有得睇了…

喺呢個過程中，十七哥已經同陳豪嫂、祖藍嫂和司棋姐合作了廿幾三十次，明明《叛逃》度係新鮮的組合，而家反而變咗炒冷飯了…

有關十七哥的無聊統計…

雖然說小的係好期待《叛逃》的播出，但實在…又係陳豪嫂？﹗又係CK姐呀？﹗好悶喎﹗啲人腳勁重覆的說﹗跟住，我決定做一個統計，計吓近幾年嚟十七哥啲劇既人腳既重覆度…

[港劇]放過我啦…《食為奴》

難得吃一餐家常便飯，有《守業者》的萬年情深馬小生和不能逃「鼻」的羊視后，送生果…就到《食為奴》，救命…人生最苦的是想轉台被阻止，想收細電視聲浪又說聽唔到被逼睇和聽﹗

[港劇]2014 TBB劇集前瞻

今年的《萬千雞精頒獎典禮》悄悄地(我覺得啫…我連邊日做都唔知…哈哈，我是看到芒姐post文上fb先知咋﹗)舉行了，好爆地，竟然係子華哥和杜太太得最佳男女主角，當我以為咁「我最喜愛」應該係親生仔的安慰獎既時候…係cool more和杜太太(再下一城﹗)好爆﹗真係好爆，無記真係越來越估佢唔到，還是佢見勢色唔對要做番啲野呢？

Any肥，唔覺意click到呢篇《TVB迎史上最弱年 兩部台慶劇居然一個獎都沒拿》，真係唔講唔覺，一講好覺，兩部台慶劇《法外風雲》和《On Call 36小時2》真係掃唔到乜野大獎，最佳劇集被《衝上雲霄II》拎咗，只能"MANG"車邊將拎飛躍男的王浩信計在內？﹗(佢有份演《法外風雲》的…)…呃，《法》我坐低看了一集，但見阿陳毛和黎視帝就意大利遊艇打官司的隨意和隨心…呃，我SKIP了。至於《On Call  2》，第一輯我還是有興趣的(雖然一年過去了…我仲係停留在第一輯的第5集…囧)

林日曦& TBB主題曲

只從成了《100毛》的忠實粉絲，又看過《白痴》跟《青筋》後留意到有林日曦這個人，又發現佢都填了幾多詞，跟住又發現當中很多都是TBB的主題曲喎﹗

套劇830的關係唔係日日都趕得切返屋企睇(而就算MISS了一集半集其實都唔影響我對呢套劇的理解…)…UM，想講的是…我覺得這首主題曲很不錯，哈﹗

[港劇]《巨輪》(1-6)

雖然我忙住追Didi的劇，但我作為忠實的十七哥粉，難得佢有套十分serious(即non-溫情小品)的重頭大作出街(仲俾我咁快就呃兩篇文添﹗)，我點忙都要支持既﹗呢個世界有賣tee we實在係太偉大了﹗(雖然有時限的…)

無，都知無記啲劇一玩懷古就穿崩，serious如《天與地》都出晒事，其實…都知無可能所有道具都忠於那個年代…但…可唔可以唔好咁爆呀﹗難道呢個型號的的士由1981年用到而家了？我接受唔到啊﹗