[港劇]《愛我請留言》

這部劇起初讓我不明所以一頭霧水，做乜旁白咁多又寫到小說咁既feel，本來覺得ok難頂，但睇睇吓又好似越來越ok…囧

• 做乜張圖影到翠如bb咁醜樣？
• 係咪有翠如bb就一定要有梁嘉琪呢？
• 而有得佢地又唔爭在有埋洪永城？
• 翠如bb個角色好pure好true，true到啲眼紋暴現，好驚﹗不過我幾like佢啲造型，layer的層層疊配埋佢呢個pure的角色又幾襯，而佢個角色係咪度身訂造架？都唔多點使演技的說…
• 演佢男友的洪永城就…囧﹗
• 我唔係集集睇，初初見初見(翠如bb)係唔係都旁白一番，講埋啲愛情小說般的女主角獨白覺得有點奇怪，呃…咁廣播劇feel既…睇睇吓又ok喎，啲旁白通常都back住啲好應景的歌
• 最深刻有初見終於決定同男友張日熙分手，喺時代廣場行過高達(嘩﹗好耐之前了﹗)，發現男友放了佢幾廿次飛機唔日本，而佢去的時候卻和另一個女仔去的時候，back住陳醫生《天下無雙》「從前沒講今次要說多謝你，我有你給的愛因而完全」…呢刻之前我仲講得呢套劇有點奇怪，但之後…我覺得個編劇tag歌和啲文藝對白tag得好中﹗呢段分手戲無平時啲呼天搶地，女主角係傷心，但無喊到阿媽都唔認得，都係搵友人柳娟(梁嘉琪)去中環飲啤酒，返屋企無野搵野做分散自己視線，讓傷感慢慢流逝，言簡意賅的說﹗雖然啲旁白有點肉麻和作狀，但我幾鐘意呢種subtle的表達方法…
• 跟住琴日和前日講緊醫生媽媽(姚子羚)跟波鞋爸爸(黃浩然)離婚，二人唔想俾個女悠悠知道，爸爸就扮無事咁淨係話媽媽返了加拿大。湊悠悠的Mamayu和初見看在眼裡就成日主動湊悠悠等爸爸可以放鬆吓啦。琴日講到悠悠睇天氣報告知加拿大行雷，就打俾爸爸話要唱行雷歌俾媽媽聽，而呢首歌…竟然係《超人的主題曲》(編劇是陳醫生歌迷嗎？)…any肥，重點是爸爸越唱越心酸，終於都爆晒出嚟，初見說這是倒情感垃圾…嗚…
• 呢段離婚也是難得寫得不慍不火不落俗套，雖然tbb都係有formula架啦，男女主角一開始啲男女友都係要飛走先可以讓二人走在一起架嘛，但醫生媽媽和波鞋爸爸的離婚卻讓我們(我和娘﹗哈哈)看得依依不捨，但又萬般無奈…囧﹗
• 初見叫波鞋爸爸無事搵野做，爸爸就晨咁早起身砌積木，back住的是Beyond《早班火車》，也太厲害了tag得﹗重新出發的意思吧﹗
• 雖然說是慢慢看出味道，但我還是覺得啲對白偶然幾作狀的，屋企真係會有孫女問公公「思念是甚麼味道」的嗎？
• 除了啲tag歌，傅嘉莉演的皎妃都係亮點啊﹗佢又係一個旁白王，成日癡住Prince Edward(王浩信)想做人next station，跟住一口唔鹹唔淡普通話+廣東話，騎呢又誇張的造型，我完全唔認得佢就係《衝上雲siu II》個咖啡味囉﹗
• 關禮傑更爆，呢套度也是一個騎呢郁，係唔係都大叫”Golden water give you power”，比起930的跳樓黑面教官，呢套實在係有趣得多，原來佢也有妻離子散的傷心過去…而…阿小妃係咪就係佢個女呢？
• 關禮傑更爆，呢套度也是一個騎呢郁，係唔係都大叫”Golden water give you power”，比起930的跳樓黑面教官，呢套實在係有趣得多，原來佢也有妻離子散的傷心過去…而…阿小妃係咪就係佢個女呢？
• 我諗佢八十年代被力捧時都無諗過自己可以雄霸黃金時間兩線劇吧﹗
• 至於悠悠，應該會有好多人讚佢超可愛的吧？呃，都好似有少少浮誇…哈哈哈。但我幾鐘意佢成日up “happy”呢個字呢，因為佢一家三口，所以快樂應該有三個p…
翠如bb加黃浩然上一套《師父明白了》又好鬼多哲理，但好似今套我比較connect到channel…哈哈

原來已經有人整理了呢套劇tag過啲乜野歌

唔覺唔覺寫了好多，最後，我想話首主題曲都好好聽﹗如愛就愛吧~~~~

不過啲graphic就好普通，同埋啲相影到啲主角，特別係翠如bb變晒樣…好得人驚…

《愛我請留言》@tbb主頁