2014/10/29

[港劇]《老表,你好hea!》~笑噴了﹗

其實我已經唔記得一套《老表,你好嘢》的劇情(因為我無追到尾…),也完全不知道這個原班人馬上陣但不是續篇的續篇出街,只係某日食飯時唔覺意睇到笑到傻咗…跟住就與賣TV為伴追番了…

呢套野好笑位不單在演員扮鬼扮馬,最爆係啲自嘲位到肉,玩大台玩情人仲玩埋隔離台,死未﹗


so far其中一幕(應該係第二集)((左圖轉大典的說))笑得最甘的係玩串tbb五大經典對白,首先係老林(King sir)跟另一哥哥仔討論佢跟視帝的五句對白,跟住真係做啦,然後老林個仔林在野(郭晉安)以為阿爸唔見咗上《東張偷望》(係咪偷望?)接受安仔(好似係吧?本身係林映輝嘛)訪問時又套番呢五句對白…笑到我標眼水…

馬明bb傾情演出真係好正,喺講到佢阿爸阿媽細佬阿妹都死咗(即係king sir後面的骨灰盅),數到最後係佢隻龜時…入面唔係骨灰係龜苓膏囉﹗我笑死了…跟住king sir啲眼神又勁衰…哈哈哈…


呢集真係好爆,馬明bb之後有譚玉瑛姐姐(我係翻睇所以掉轉了次序,即是說一個星期內呢套戲又見到佢客串,之後睇敬hins演唱會又見到佢),先講佢已經唔係主持係顧問﹗

呢個都未係最爆,更爆係林氏一家參與了兒童節目演出…唱《共享陽光》囉﹗呢隻歌同《夏季Sha la la》一樣都係小的最愛嚟架﹗Oh my God!!!!!!!!!呢個moment我知道我要追了﹗雖然我儲住成埋日劇要睇,而其實我不太想開TBB…囧

前日睇了一集譚玉瑛姐姐宣佈獎品係名車名樓和信用卡簽帳額時佢同啲小朋友個噢咀樣真係笑爆咀,個小朋友仲話可唔可以要薯片…哈哈哈…
  • 回歸番我最愛的point form先。
  • 林氏一家最好笑係阿爸叫老林,阿媽叫老蘭(羅蘭姨姨),阿仔叫野仔,阿女…就咁阿雪…無咁好笑…
  • 野仔(郭晉安)個造型應該係參考長毛的吧?睇佢成日fing秀髮和撥開兩pat"音"就想笑…而佢抗爭時啲對白出奇的啱用喺呢個時勢,不禁令人懷疑…點解可以喺大台度出街架?
  • 林雪(二彎娜)係古惑招勁多同時想做歌手的衰女,跟上次晴晴乖乖女完全相反,借錢去韓國整容之後叫人嚇公司還錢,跟住爭大耳窿錢鼠返屋企被追上門時係極速躲入房…我大笑了。二彎娜在《金雞二》之後又一演技大爆發,跟她那套勁粗勁黑的眼線一樣…巧﹗
  • 不得不提又係要飛二彎娜的張繼聰哥哥,今次Mario比上次潮潮玩得更盡,據說佢女神係Kay bb,跟住話佢老公係廢柴(爆)﹗之後參加SRK文憑課程(爆﹗﹗),然後飛起阿雪去癡芭芭拉做歌手…但睇人物關係圖Mario會同阿雪患難見真情架喎﹗
  • 我仲以為二彎娜條line會跟番王祖藍添﹗
  • SRK=soft rice king,一上堂就笑爆咀…
  • Mario係又露肌唔係又露肌(喺超市度隨手拎支油搽上身想點呀?﹗)…笑死…
  • 但原來Mario係馬拉高(王光亮)個仔﹗今次唔係王祖藍了…
  • 馬拉高周圍叫人信教,佢誤會了齊靜雯(萬二蚊)係妓女,開口埋口呢位妓女咁笑到咀到歪了…
  • 馬氏父子同林氏父子爆笑戰鬥力都好高…王祖藍的尤田就失色了…上次扮鄉音今次扮鬼仔…佢係咪都講「可能我鬼仔性格」…雖然都係好笑既…但好似唔夠野仔fing頭髮和Mario係唔係都露肌好笑喎﹗
  • 又係睇人物關係圖…馬拉高會同芭芭拉情愫漸生咁驚??馬唔係神職人員咩…定係尤長真係會過身呢…
  • 就說呢套野自嘲力好好笑,除了Mario條線玩盡佢同Kay姐和梁嘉琪啲前塵往事;尤長開的電視台叫Daddy's TV,佢個仔尤田的唱片公司就叫親生仔,沒關係的唱片公司(鼎爺﹗)就真係叫沒關係唱片公司…笑咗…
  • 齊秋水(朱咪咪)同福建炒飯同鄉會成日抽水真係抽水抽得好給力﹗
  • $12,000蚊真係似靜心BB嗎?﹗噢…
  • 但Bob扮正恩BB堅似…佢以古箏彈奏生日歌笑到嘔﹗
  • 生日歌唔只一次…阿雪上沒關係試音時以癲喪方式彈唱《Happy birthday to you》…撞正老闆當天生日…又咁啱老林拎到個蛋糕上去…笑死…生日歌食到而家的潮流嘛﹗套劇仲要之前拍落,係咪有神奇預視能力先﹗
  • 蔣志光係咪真係會同韋以珊合唱一曲《相逢何必曾相識》呢?
  • 呀…上集原班人馬之中的鬼妹變咗講文言文的跟班,細細粒變咗按摩師…都ok好笑既…不過都唔及李亞男傾情演出…哈哈哈…
笑吓都好既喺咁既時勢?吓嘩﹗據說仲有《我和殭屍有個約會》既歌添喎…哈哈…仲會惡攪《叛逃》關禮傑跳樓添﹗XDDDDDD

2 則留言:

  1. 睇過幾集最好笑係第三集張繼聰向王菀之埋手想做軟飯王,响超市猛問佢你係咪鍾嘉欣/陳法拉/(女星名)?然後王菀之「耶~」咁扭開咗;後尾張繼聰帶王菀之買衫造型(其實係扼佢幫自己俾錢),跟住有個內地遊客行過問佢「咦?你係咪張繼聰?」(型到令人認錯)噴飯!

    另一段係尋晚張繼聰同李阿男做柴九同九姑娘,李阿男講唔正廣東話,導演索性叫李阿男自由發揮之後配音,張繼聰又泰文又法文咁,兩個各有各做!然後竟然去咗另一節由阿Bob同細細粒配音,咁都被佢連到,勁!

    回覆刪除
  2. 暫時黎計都仲覺得正過第一輯,希望佢可以打破續集不及首集既宿命吧
    播殭屍歌那幕想當年監製本想郭晉安同蚊蚊BB二人齊齊扮番學生,蚊B本來都肯但郭晉安死都唔肯扮於是只好改用年青演員演年青版,很可惜今次看不到蚊B學生妹LOOK,老表1時都有的說
    王祖藍條線真係最悶

    回覆刪除

要講幾句嗎?﹗XD