2015/10/23

《囍帖街》IU

我想話真係誠意滿分﹗完成度極高的廣東話咬字唱足全程,聽到毛管都篤埋,即係呢,好多時啲外國歌手要打華語市場都唱國語啦﹗當係為演唱會準備在地人熟悉的歌啦,練廣東話難度高過日文國語英文幾多呀﹗本身已經like IU呢個小妹妹,而家再like多幾分﹗

(雖然,佢個詭異床照事件真係好詭異)
((然後,怎麼大會反而打錯了廣東話歌詞﹗))
印象中呢,好似多數都係台灣歌手會為香港市場唱吓廣東歌,而多數都係一首半首attach喺國語碟後面,翁倩玉姐姐《阿信》既主題曲、蘇慧倫《我一個人住》、許美靜《明知故犯》、吳奇隆《一天一天等下去》(佢啲咬字唔準得嚟巧可愛!)呀咁,通常,嚟得香港出廣東歌都係人氣的表現。近年的,我只記得楊丞琳喺陳柏宇隻碟度有首廣東話版的《理智與感情》,據說因為佢屋企有人講廣東話所以發音超標準的說。

印象中呢再係,多數都係香港歌手掉轉頭出國語碟,有不標準的郭城城,有一度讓我覺得國語碟好似仲好聽過廣東的陳醫生古眼神,仲有謎之人物陳妖lone,那年頭好似要聽國語歌先型架嘛﹗

之後…之後…好似無乜人會特登為香港出(唱)隻廣東歌了?

回說IU妹妹,希望佢可以keep住呢個自然風,第時唔好因為無人氣而要走去脫衣賣性感…噢。
(就說小的韓流畢業,但有幾個泡星出碟係仲有追的,IU妹妹係其中一個囉~)

4 則留言:

  1. 誠意滿分,但發音並不是報導所說的超標準,覺得有點言過其實。

    回覆刪除
    回覆
    1. 講廣東話的人講日/韓/英文或普通話真係易過掉番轉好多呢…
      唔準的…所以說是誠意爆棚囉~

      刪除
    2. 但我覺得日文韓文,就算是英文普通話,有好些音我都很難發得準,自認為講得可以,但在當地人一聽之下,就會察覺出你是外來人,我的語言天份不高吧。

      另外,我認為湯唯是眾多華人演員中講廣東話最標準的,我聽不出她的廣東話帶有任何口音。

      刪除
    3. 韓文我覺得啲尾音最難捉,講極都唔似樣…
      日文我就成日攪錯高低音…哈哈…

      湯唯確係講得好好,睇得出佢有下苦功…

      刪除

要講幾句嗎?﹗XD