2014/09/20

福岡快閃~2~到埗的1.5天

「雲外看~~~新生趣~~~」(呢套劇仲有無人記得?﹗XDDD)

看來得我一個人在自high…囧


小的頭一次搭香港快運,之前聽聽埋好多人說delay呀換閘口呀盛,但見佢價錢相宜就決定挑一挑睇吓我既彩數。由於無網上check-in,一點幾的機十一點幾衝出機場…一切順利,仲可以去食個午飯添﹗

delay也沒有,準時起飛。閘口有轉不過係轉去隔離那個啫。而今次好難得唔使行九里咁遠去搭無人駕駛列車。雖然閘口乘的巴士在停機坪度行了九千里路咁遠先上到機…呀…都係一樣啫呵…

機上的位都算舒適,衰係衰在有個一上機就喪喊的bb由頭喊到尾,嘈到我塞實早窿都瞓唔到…%#@%@#$@#
步出機場…說好的地車站呢?好頹地走來走去都找不到,於是就唯有去搭巴士。到我走那天我終於知道為何地車站消失了…因為我搭的是國際航廈,要搭shuttle去國內航廈先有地車站,喺國際航廈搭巴士到博多站其實都好方便,只係當時我唔知…

更灰的是…我又見到那個喊足一程機的bb…囧

到機場時天都黑埋,到酒店check-in弄好上網卡已經八點幾九點,嗚…就衝去地下街看看仲有無飯食,好在那天係星期五,係有一千個上班族邊食邊飲的說。左邊的…是例牌既甜品時間~~~



友人之前送的浴鹽終於有用武之地…而酒店會有報紙送…好貼心。洗手間裡的mikimoto護膚品更係令人讚嘆…(早之我唔使特登去買cleanser啦…)第一天就係咁乜都無乜做過就完了~
*******************************************************
第二天第一件事就係衝去福岡市博物館看官兵衛展了~~~~話說,福岡唔係無地車,不過巴士真係太方便,彷如澳門的環島線咁求其上一架都幾乎會去到想去的地方,於是一連幾天都與巴士為伴,而啲交通工具仲可以用icoca和suica添,將之前旅行用剩的餘額都盡搭了(之後就可以買一日卷啦~)

就說那幾天都天陰陰,直頭狂風吹,影出來的相戶外(仲要晨早流流)都係黑媽媽的…嗚…any肥,博物館附近係福岡塔,不去白不去,又走去看看…雖然外表睇似摩天大廈多啲…


上去…呃…就是睇吓遠景咁…then兜個目我見到有神社…囧﹗then再兜個目見到有上次在東京因為唔夠散仔而整唔到的當年今日報紙…哈哈哈…我好無聊…走一圈落一層是個唔知點解會出現的愛情鎖setting…好格格不入…呢個塔比起晴空塔或東京鐵塔都要細得多,走一圈好快就走完了…落lift時個姐姐聊我傾計問我睇得開唔開心…哈哈哈…開…掛?

<--還是食野比較重要…

行完兩個景點都係十點幾上下,仲有早餐食…






之後就到大濠公園看福岡城遺址和如水隱居地…風和不太日麗,但大小朋友都係玩得好開心…



話說去福岡城跡要先穿過大濠公園再到個舞鶴公園的東西,穿過去之前先來遊一個湖,再見到好多人在踏單車和跑步咁…巧健康呀﹗


遊湖期間行過一千九百條橋接著的小…「島」…當中有很多奇怪的標語…好比街上經常見到的「飛び出し」


幾經辛苦終於到舞鶴公園,行到身水身汗繼續行…

行了一大餐終於搵到…應該係暸望台的東東…仲有母里太兵衛(速水もこみち)和粟山善助(濱田岳)的屋企…我仲以為到福岡城城址添﹗


令人好lost…囧﹗

最後終於俾我搵到黑田如水隱居地…個碑…我囧…

不行白不行,去埋城跡都好complete吓啦…

<--要醫五臟廟

在天神喪買完一輪…
晚飯回到博多駅9-10樓的餐廳度攪掂,傳說這個茶漬飯是名物…咁我挑啦…但除了兩個迷你飯…其他甜品、前菜都有重度雷味…囧

博多駅的AMU PLAZA博多和阪急都係早收的一群,咁我就唯有行東急HANDS和買野了…

<--一天的總結…~


沒有留言:

張貼留言

要講幾句嗎?﹗XD