2013/04/05

讀書報告 #7~《霸王別姬》


話說我小時看《胭脂扣》留下了極深印象,同等效果的,竟然是同樣由李碧華寫的《霸王別姬》,又詭異的是哥哥演既喎…雖然,《霸》片我係08年先睇番,足足遲了十五年耶﹗囧

很妙的是,《胭脂扣》的十二少原來是想搵秋官做的,但佢無期於是梅姐搵老友哥哥頂上,而個角色是十二少襯托如花;而《霸》就傳說最初程蝶衣有諗過搵尊龍做,但後來就落在哥哥手上,又張豐毅的段小樓發揮就無咁大,雖然又未到襯托既境界既…

就說我是看了《王的男人》而走去看《霸》,因為片入面李準基又是演個戲子,又是有個可親又可愛的師哥,又有點超越性別的愛情線,跟住又有個猥褻男人走去污辱男一喎…真係睇到眼火爆…

<--張公公成個劉以達咁既樣﹗

就說呢一水係哥哥離世十周年嘛,行經時代廣場有一大個exhibition啦,跟住行誠品又勁多關於佢既書,小的唔覺意行過就見到上面的一本《賞析珍藏本》,大件事,忍唔住買咗﹗睇完才發現雖然第一時睇呢套戲時miss了很多野耶﹗



套戲係段小樓和程蝶衣的唱戲生涯襯住時代局勢去帶出成個故事主體,書先說了人物,故事background,最緊要是介紹了戲入面唱的京/昆劇,個劇的故事背景呀、典故呀同啲著名的地方,跟住又講番點解套戲入面那段會選唱那一段,原來係襯番故事發展的說,而每次唱的時候舞台前後左右的banner,台下人的反應都巧妙襯合番當時局勢,真係唔細心睇都會miss咗的說…

<--個人最喜歡這一款poster…
<--在小樓跟菊仙越走越近的時候,蝶衣總係走咗去袁四爺那邊(是搵番啲安慰了?﹗)…好喜歡呢幕個迷糊的眼神…啲戲真係勁到呢…都唔知係真做定假做…


就說蝶衣被選上唱旦角,而師兄小樓係唯一俾佢溫暖的人,又係佢一野用煙斗整佢個口令佢唱得好《思凡》成功突破性別去投入唱戲。但就係咁令蝶衣全程依賴佢,蝶衣死守師父教的「從一而終」,無論是唱戲時作為「虞姬」為霸王從一而終,定係作為伶人對京劇都係一樣,但小樓就掉轉,佢係個台上有戲就唱,台下會結婚生仔的人,於是有意無意的ignore了蝶衣,跟菊仙走在一起。當然,第一野係有少少會怪菊仙硬生生的介入,但又唔怪得佢,自己俾人恰時有個人出手相助,點會唔buy先…

 於是蝶衣和小樓五人決裂,唱的戲有合演的《霸王別姬》變獨唱的《貴妃醉酒》,噢…

一開始由文革後二人同台,小樓係咁講錯年份,蝶衣就提番佢,跟住小樓新婚夜蝶衣送上當年在張公公府唱戲時用過的寶劍,佢都唔aware又真係好hurt…蝶衣同如花鬥癡情的話邊個會嬴呢其實(<--這是甚麼想法…XD)

說說我的看點是哥哥嘛,於是第一次看的時候我是集中看蝶衣的,而京劇的戲份就因為半夜又攤在床上看的關系於是半眠半醒的看,印象都來自小樓對蝶衣的傷害,加上小四和菊仙,好似個個都對佢唔住呀呵?影片最後返番去一開始時的文革完後二人重新同台,好啦,以為終於破鏡重圓,但鏡是覆水難受,假戲真做,呢吓真係好SHOCK。當然,對於人戲不分的蝶衣來說,現實裡京劇夢碎又不能以自己男兒身身份留在小樓身旁,那麼在戲裡以虞姬身份在霸王身邊死去或去是最好的結局了,蝶衣以當年張公公府那把寶劍自刎而死,第一次看還是翻看還是有想哭的衝動耶…

但翻看的這一回可以抽番身出嚟客觀地看了,做人現實也不是錯吧?有人沉迷在夢裡,也有人活在現實裡,很正常吧。特別在祖國那個動蕩的年代,要堅持還是隨波逐流都是一種選擇,好難話佢啱定錯,小樓可能只是很悲微的想活下去,但就唔知對菊仙和蝶衣造成咁大的傷害啫…

sorry我還是勁focus喺蝶衣度,哈哈哈。
***************************************************
<--就是行時代廣場時見到展覽其中一部份在播哥哥舊作,行過見到張poster時就醒起不如重溫吓,但番屋企死搵爛搵都搵唔到隻碟…勁乞人憎的是唔睇的時候就成日見到,想睇時又搵唔到…囧

人太多,想細心看一吓都唔得,只快快兜個圈望吓就算…嘩﹗個紅色像…um,是可以更像真的啦…

 好啦,咁多人唔stay得耐,都係返屋企慢慢睇碟好了…哈哈…

8 則留言:

  1. 《胭脂扣》因為電視台經常重播,所以印象極深,另外梅豔芳主演的《川島芳子》我都有印象,反而《霸王別姬》,我小時候有在電視看過吧,但就沒什麼印象,可能那時我十分抗拒京劇,現在有機會也想看一下。

    相對於李碧華的小說,我更愛看她的散文,因為她寫的題目都很有趣,沒有小說般沉重。

    上星期電視播哥哥遺作《異度空間》,哥哥真的厲害,看看他在《異度空間》對死去情人的恐懼,再看看你貼的撫媚劇照,他簡直是雌雄同體。

    回覆刪除
    回覆
    1. RE:五月

      《胭脂扣》我細個租碟睇睇了一千幾百萬次了…哈哈哈,睇到有一輪唔敢去西環又驚搭電車。《川島芳子》喺電影台睇過好多次,覺得好睇但唔算好有印象,次次睇都有啲野係之前一次睇唔覺既。另外《中國最後一個太監》都係民初年代啲傳記片中我的飛佛…

      李碧華喺生果報個專欄係我只要睇副刊就會睇,好多時佢講啲野我都有共鳴,睇到好開心的…

      《異度空間》我無睇呀,恐怖片我多數都SKIP的…

      刪除
    2. 《異度空間》比預期好看呀,初看也以為是普通的恐怖片,但當我看到大結局就釋懷了,之前的恐怖感就完全消失,還覺得有一點溫馨。

      刪除
    3. re:五月

      正確來說應該是心理上的懸疑片吧?我大概知道一點劇情,不過自從n年前看過日劇《人間失格》,對這種心理上的恐怖片有點陰影,比真係整隻鬼嚇我的恐怖片更驚,所以一路都唔敢睇啦…

      刪除
    4. 這套不會,故事是由黑暗走向光明的,所以我才說看到結局時感到溫馨呀,而且我也忘了之前為了劇情需要而營造的恐怖感,我只看到男女主角最終都可以拋開過去不愉快的經歷而幸福活下去,這套心理懸疑片我看得很舒服,比那些只會嚇人的恐怖片有深度多了,這是我意料之外的,最初我不知劇情大網的,還以為只是像見鬼,鬼域般的恐怖片。

      刪除
    5. re:五月

      oh,咁睇吓有無機會睇啦…近一兩年我都好少坐定定睇有線電影台,一係就自己上網搵線上睇,一係就買碟,好少會開電視了…以前睇睇埋咁多騎呢戲都係拜有線電影台所賜…哈…

      而家有時間都拎去睇劇了…

      刪除
  2. 你第一段講既完全係我心聲!
    《胭脂扣》電視成日播,但我冇一次可以完整睇哂,唔係要出街就俾人息電視。
    09年睇完《金枝玉葉》後我就好迷張國榮,上網睇返成套戲同小說。
    平時都好鍾意睇李碧華專欄,佢既小說都好令我着迷,而個兩套戲佢都有份編劇,我覺得書同戲有分別但不相伯仲。

    上個禮拜聽電台講起《霸王別姬》第二日即刻買小說睇,未睇過戲但睇過片斷,一路睇書都可以代入到係張國榮演繹,睇埋戲更加感覺滿足,程蝶衣真係非佢莫屬。

    其實我一直覺得張國榮演戲比歌唱有天份同更出色,淨聽歌係比佢係舞台上表演同演戲吸引力低。佢既魅力係要睇到佢表演先散發到盡

    回覆刪除
    回覆
    1. re:Nicky

      好多戲我都係喺電視度睇啲唔睇啲,《半支煙》就係咁睇了十幾年都未睇得完﹗哈哈
      真係好迷的哥哥電影我係《胭脂扣》和《家有喜事》,另外《倩女幽魂》都喜歡,不過就好少有機會翻睇。《胭》那時我仲認真到睇完戲即刻去圖書館借本小說來看﹗完全就係我睇完戲睇小說嗜好的來源﹗XD
      《霸王別姬》我無睇過小說,部戲睇完一次就好IMPRESSIVE,完全覺得哥哥就係程蝶衣,唔係演,係真係那個人,一舉手一投足都完全係故事裡的人咁…好勁…
      歌唱佢最紅時80年代我仲細,到認真聽時佢已經退出歌壇了,歌是有喜歡的,不過唔及睇佢啲戲咁有印象…

      刪除

要講幾句嗎?﹗XD