twitter對我來說絕不是看點囉…
(3/12/12：看到第8集了…)
((16/12/12：好悶…棄劇了…))
(既然我暗暗地成了暗粉，係咪應該埋埋呢套的尾呢？話晒我都死煲到第14集丫…囧)
um，原來編劇是北川悅吏子﹗牌面又有上野樹里和瑛太(《交響》到《last friends》嘛，雖然《LF》我係邊睇邊鬧的)，又懶係年輕人愛情故事仲懶勁加埋時下流行的網絡元素(我諗起n年前的《with love》…悶到抽筋的說…)，加埋個劇名又懶係你呃我我呃你咁(網絡嘛﹗)…雖然睇網路劇評(話晒係兩年前的了…time flies)好似都喪鬧既多，但就咁睇應該唔難睇掛？
呃，個setting真的很北川，5人行方程式，男一跟女一一定會在一起，但中途一定有個男二/三會愛上女一，女一總係不好意思不敢斷然拒絕但又心向男一，攪到男二/三只能默默在一邊做守護天使，拖拉到尾男一先確定自己心意同女一表白(我覺得我從《長假》到《orange days》再睇到《唯愛》，仲有我以為係北川但原來唔係佢編劇的《蜂蜜甚麼幸運草》，我都可以作番幾個相類似的劇本了)((真係唔好一味恥笑泡劇常見劇情，其實呢啲5人行日劇都係一條formula apply到尾的))呀，跟《唯愛》一樣，女二跟男二/三(是但一個啦)係跟男一/女一無瓜葛的…
Sorry，見到咁多共通點真係好想數吓﹗哈哈哈哈﹗真係一路睇一路諗起《唯愛》，雖然話上twitter，大家某程度上都會掩藏自己真實身份，又使唔使5個人都掩呀？代課老師話自己係高中老師，助手就話自己係攝影師，賣醫療用品的話自己係醫生，跟住售貨員說自己是空姐？(我好似miss咗)，玉山鐵二係話自己係編緝？﹗then佢地又各自同其他人有啲瓜葛(在中慘啲…得個妹…佢同野田都無另外一個情人，其他的就有個拉拉扯扯的情人…好複雜啊﹗)…而，見過一次之後就成了好朋友…其中一個人入院會call埋其他人去睇佢咁爆炸既？﹗
呃，即係呢，之前北川老師啲劇通常都係男既係friend，女既係friend，某次男女子組相遇了就成了一個social group自此5個人癡埋一堆永不分離，之前都會話本身係識既，可能喺學校或職場咁group埋於是就展開故事，但今次好似得兩個女角係識既？於是係咪都落酒吧了？﹗其實咁快就係咁話想同你做朋友…都好素直啦…(囧﹗)
其實我比較少玩twitter，我想問乜twitter有發聲功能有人回(？)/comment時會響聲的嗎？還是我不太了解twitter呢？我覺得劇中心玩twitter跟平時日人發短訊或而家用whatsapp group chat沒分別(還是直頭係而家的whatsapp了？﹗)…twitter不就是純粹發個140字的mini blog嗎？咁我明既，啲主角唔相見一味對住個對話就無戲可做啦…但我唔覺啲劇情有發揮到twitter的特性喎，你唔講我知我仲以為係日人一貫玩開的短訊呢…
so far看了兩集…感覺麻麻，野田妹個髮型好c9…想襯番做老師的感覺嘛？佢同瑛太都似係啲懶係為人著想會暗暗藏起自己感情的人(於是就拖到尾先表白的吧？而劇中同瑛太玩不倫戀的井川遙…好賤格地死霸住個男人跟住又去恐嚇野田妹…好泡劇啲典型衰格女二feel喎﹗(完全覺得係《buzzer beat》的相武，用來襯托女一的清純和正直嗎？好煩呀﹗做乜硬係要有個大反派喺度攪事…好tbb喎﹗)…玉山鐵二…其實我到而家都認唔到佢個樣(有啲演員我真係一路都認唔到的，玉山之外仲有真木陽子﹗笑)睇角色介紹佢除了為上位而跟老細三陪，仲要暗戀男一但又唔敢表白…好複雜﹗在中sell野個角色令我想起n年前《沒有天使的街角》光一個角色中途去咗做sales，又係令住個公事包同紙袋逐家逐戶去拍野…呃，我想問咁sell邊掂架﹗日本公司的salesman真係咁sell的嗎？同埋…醫院不是應該有採購部中央處理醫療機器的購入的嗎？點解逐個醫生咁去sell既？私家既都話丫…去公家…呃…我係咪太認真？﹗哈哈哈哈哈
我懷疑這部會爛尾…唔怪得風評和收視都不好了…
*********************************************
3/12/12後按(看到第8集了)：
這部真是很好的聆聽練習，因為啲人個個la口la面，令小的看得很不安(果然真心話不能說出來，和劇名很相呼應…)…於是小的不停只開住聽聲然後做其他野，有一集片源一直load唔到，跳了那半集直接飛去下一集…劇情是完全沒有跟不上…呃…我覺得我可以直接飛去睇結局了…
唔知呢，幾個主角之間大家懶係有難言之隱，但又想愛而不敢講出來，看得很不爽快，然後又不停狗血(想點呀？又癌症又疑似係兄妹)，好悶…最直接了當表白的在中(雖然佢個角色很少女…但天然呆是很可愛的…XD)卻是註定的可憐虫，只係睇野田妹幾時頂佢唔順講明自己其實鐘意瑛太吧…點解《仁醫》又係咁呢套又係咁，佢做親都係啲鐘意女一但女一只愛男一的可憐男二呢？(或是三…喺呢套度)
其實呢，《唯愛》都係老土，但菜緒跟弘人條感情線慘情之餘都有點甜蜜和溫心…但呢套劇haru和nakaji的感情線只有煩人…囧
UM，關於劇情我仲有幾個疑問…在中和妹妹是在日韓人…在日只有幾年…咁佢地日文很流利啦…但兩兄妹喺屋企都會講日文？唔講番韓文了？﹗(在中那格床令我諗起《虎與龍》龍二屋企個中國人((劉？好似係姓劉的…))個床格…哈哈哈﹗係咪同一個apartment嚟架﹗)而…阿nakaji、linda、doctor幾個新相識就話用twitter的名號相稱，但haru和peach係高中同學識咗咁耐，peach喺twitter化名peach之後佢二人之間就以twitter名號相稱係咪有啲得意呢？﹗囧
*********************************************
16/12/12後按(看到第10集了)：
其實…點解《唯愛》都係老土…但我會睇得津津有味？呢套見住啲人想愛又不敢去愛好煩…算啦…我都係放棄了…囧﹗
*********************************************
2/12/15後後按：
癡線，再再再再再再再再再睇《唯愛》都係咁好睇囉﹗哈哈
唔，呢套之後的而且確係爛尾的。。。在中個角色之後仲超難頂。。。當年啲人一邊睇一邊話北川睇韓劇睇到上腦，劇情不斷狗血，完全唔似日劇，我都唔明點解當年我可以捱到尾
回覆刪除re：鈴
刪除仲有套狗血啲﹗(我都估緊野田妹阿媽和瑛太阿爸有啲野…)…《唯愛》都夠狗血的了，不過龜梨和遙妹夠賞心悅目我又睇得好投入咁
我睇劇評話在中個角色係少女…我爆笑了…好想睇落去睇吓有幾少女…我不太喜歡男女主角的性格設定…反而在睇配角了…