(轉)十大辦公室討厭行為

呢輪我成日轉發文章添(XDDDD)…看見這個題目(出處在此)又忍不住想搭兩吓咀嘛﹗哈哈﹗

1. 無論春夏秋冬季，都嫌公司冷氣凍，將冷氣調校至Fan，甚至完全關掉！令一眾同事猶如置身密室，焗到暈！

我發現呢，我做親的公司唔係冷氣凍到死就係熱到暈，舊司的神奇冷氣係朝早凍，食完飯就熱(係會出汗的…)，一日經歷晒春夏秋冬真係好high…囧。現司就癲狂地凍，凍到夏天流流三十幾度喺office入面係著兩件長袖衫都仲震震地…瘋的。之前仲話有個甚麼25.5度冷氣運動？在哪裡？﹗﹗﹗﹗(吼)

2. 在洗手間「幹完大事」後，沒有沖乾淨座廁，留有點點「蘇州屎」，要下一手用家執手尾！

舊司同現司都成日有啲腸胃差的同同攪到蘇州處處…呃，當然是十級令人反胃的，但，當試過行入女廁見到處處「血跡斑斑」，「巾．淋．style」一pat攤咗喺度，一個屍橫遍野的案發現場是多麼的可怕之後，其實，看到幹完大事的蘇州c已經好好架啦…(呢段要十分令人反胃，PG家長指引please)

3. 在後樓梯吸煙！在後樓梯吸煙！在後樓梯吸煙！講三次以示憤怒！

其實我是很支持煙房制度，雖然我成日覺得透過中央冷氣系統我還是會吸下很多二手煙，不過點都好過而家要周圍打邊邊，我走在街上咪吸入更多二手煙？行街都可以選室內位走避，等車時撞正前面個大叔在怒煲無得走呀…真係逼住吸埋一份…囧

4. 借用別人文具，用後沒有物歸原主，更離譜到認為該文具是自己的！

又真係有啲人成日去人家個位都偷野，永遠都唔識自己去文具櫃度拎(又無人要填form先拎得﹗)。舊司有位哥哥仔就係咁，我地已經慣咗，嗌起手無塗改液計數機或間尺就去那個人個位度，實搵得番的。而好多時我係會拎私家筆(屋企用唔晒的無印啦…)那些又好彩無俾人偷過(可能太明顯了呢個犯罪證據﹗)，多數都係我行嚟行去時唔記得自己放咗喺邊，好神奇過一陣又會搵得番…哈。

5. 用完影印機沒有做好心按下Reset鍵，下手同事緊接使用時，一時忘記按此鍵，就明明想印一張，點知跟了上手設定印幾十張，仲要係A3 Size！

嘩﹗呢個我試過勁多次﹗因為咁而印多咗勁多紙，浪費到不行…我下世實做樹俾人砍啦﹗舊司部機要入pw的，過得一陣logout咗就自動洗牌，都好啲。而家公司部機唔使入pw，係人行埋去就用得…於是中過幾次伏…哈

6. 故意在其他同事面前大大聲向下屬訓話，好威咩？唔覺喎。

呢個我又少喎…但我成日遇到啲講電話爆大聲既人啫…同埋set到個手提鈴聲九里遠都聽到的人囉…

7. 進洗手間時大大力推門，完全沒有想過入面會不會有人正想拉門離開廁所！

呢個我又少喎…

8. 用影印機或打印機，一發現冇紙，即走，用第二部！換下紙會死咩？

無紙都算啦，前司有個勁衰格的男同print自己野時jam紙，行埋去睇一睇見到jam紙後走咗去…最慘係佢份野唔出阻住排緊隊的人份野出唔到﹗呢啲位小的實忍唔住度氣伸手去mug番張紙出嚟(唉…中計了)…佢係行過當無事咁繼續行過囉…勁衰格﹗

9. 下雨天在室內「晾傘」，阻塞通道；乾了又唔收，甚至擺過夜！

地方淺窄通常都唔會唔收既。但我覺得比起在室內晾遮，落雨絲濕時行過有瓦遮頭地方唔收遮，無論大無斯樣掂行掂過還是「懶」體貼舉高把遮的人都係罪無可恕，你啲水都係滴到人家濕晒，之後把遮又會隊到人家…「山」一吓遮好煩咩…勁憎囉。

10. Last Day不派「散水餅」。

last day無散水餅我又無乜所謂，比較討厭係有事無事係人係鬼都派帖…即係呢，你呃人情意味好重喎﹗好在，so far都無呢啲人…touchwood…

****************************************
以上。