靜

可能年紀大，走在街上好回到家中好，好嘈。好希望有一絲寧靜…

• 基本上我是個可以口upup講唔停的人(當然，是話要投機的，對住啲客搵野講好苦手…)。但當我身邊有一個口upup講唔停的人，而我又無得走開被逼聽佢講野時…我會好想篤佢啞穴
• 係，可能真係年紀大，怕嘈了。
• 回家小的係一個箭步標入房，避開阿娘的電視聲(阿娘話個電視高清架嘛，唔開大聲啲咪浪費咁貴買部新野番嚟…囧﹗)((所以我成日有一集後感文出囉，因為電視就算我唔睇，都被逼聽﹗))、講電話聲(我一路覺得人家電話係收唔到的話，你好似金水咁大大聲講人家都係收唔到架喎﹗)((而，我對啲電話的內容真係無興趣…我唔想知某親戚幾時乜乜乜囉))同拖鞋聲(呢個真係好詭異，唔知點解啲拖鞋dat dat聲係鬼咁應…)
• 跟住阿娘就會嘈話個個一返嚟就入房自閉唔同佢講野…(而，我真係覺得坐定定睇電視一個晚上係好浪費喎﹗)
• 我係咁話屋企人發出聲浪…其實我啲天籟琴音…um，所以數碼琴是必須的啦…
• 之前公司都有個講野唔停的c9，我在諗，人到了某個年紀係咪好驚被無視了，所以要不停發聲話俾人知佢存在呢？(唔通呢個係媽媽的通病？)
• 搭車時，其實我好怕有同同坐喺我隔離，熟既大把水吹又無所謂，最慘係點頭之交，坐埋一齊我瞓覺打機唔理人又好似太無禮貌，但搵野講…又點捱到成程車呀…
• 除了搭小巴，如果唔係的話通常我會自動彈開坐埋一邊的。呃，即係呢，做咗成日，好累啦，唔想再講野，也不要逼我個腦再要死load爛load搵野講。
• 我會好配服啲人可以好似去秋季旅行咁成程車吱吱喳喳的講過不停的說…好似7年無講過野咁，啲同事已經日對夜對，點解仲可以咁多野講架？唔做DJ真浪費啦﹗
• 俾我聽吓歌瞓吓覺，程車會好幸福。
• 如果車上無啲人唔塞耳筒打機或睇動新聞，我會加倍感恩，靜靜的車上看看風景，好refresh的。

我係咪多柯過呢？哈哈