[港劇]2013 TBB劇集前瞻

咦，今日台慶喎﹗不過小的係純粹唔覺意見到有人整理了巡禮2013新劇的資料就借來借題發揮一吓…其實我唔知巡禮係今日台慶完播丫…定係頒獎典禮後播架嘛…

但睇完，是相當乏味的說。
(20/2/13後按：因為睇唔到節目巡禮，搵呢篇頂住先﹗哈哈)

翻兜類：
金枝欲孽Ⅱ-鄧萃雯、蔡少芬、陳豪、伍詠薇

劇情講述另一個時空、另一個後宮、另一番截然不同的《金枝欲孽》風貌，陳豪在劇中飾演御醫，鄧萃雯繼續做如妃，蔡少芬則扮演鄧萃雯的貼身侍女，兩人最後由主僕變敵人。

呃，雖然我唔特別buy張可頤和黎視后，雖然我確係好鐘意呢套劇，但04年一攤攤到12年先拍續集，攤凍晒囉。同埋啲人腳又不特別吸引(楚兒媽是ok既…這是煒哥在無記第一套了？)要觀望吓劇情如何，um，其實興趣不大(因為這8年來中伏太多次…甚麼勾心鬥角turn out都係笑片…)

On Call 36小時II-吳啟華、馬國明、楊怡、黃智雯、張慧雯、袁偉豪、岑麗香、朱晨麗
哈哈哈﹗第一輯我都仲未睇完喎﹗係咪真係會有程至美醫生咁爆炸呀？﹗而，楊怡演醫生的話個妝可唔可以唔好咁勁呢？而，無咗羅仲謙既？而，無記真係捧朱晨麗喎﹗佢啲發音要大執囉…晚晚聽到佢《名媛》度開聲就巧京京…

仁心解碼Ⅱ-方中信、楊怡、蒙嘉慧、陳茵媺
第一輯是相當好睇的(有仲未歪面的楊秀蕙啦…)，但第二輯…無咗二少(﹗)、無咗除紙山(﹗)…咁蔣志光同陳芷菁呢？三個男角你一言我一語串嚟串去好好睇架喎，then串燒實習三寶呢(<如果我無記錯，應該係17哥、洪天明同陳yoyo)？呢…伊麵嫂和陳豪嫂都算啦，最大問題係…又係楊怡？雖然這套跟《on call》不一樣…但又見佢著白袍，好悶囉…

巾幗梟雄之諜血長天-黎耀祥、胡杏兒、蕭正楠、張國強、唐詩詠、馬賽、李天翔、李成昌
本身黎視帝同如妃鬥chok都有其可觀之處，咁如妃唔玩益自己人都無可厚非既，但當那個是囧囧姐…um…

衝上雲霄Ⅱ-吳鎮宇、張智霖、胡杏兒、陳法拉、吳卓羲、馬國明

而我見到囧囧姐就沒興趣了…

拍咗/緊類(做乜以我所知拍咗/緊的劇都關17哥事既？)：
情越海岸線-黃浩然、陳展鵬、李詩韻、陳茵媺
有陳展鵬就要有陳茵媺嗎？﹗而，唔講唔知，原來這套是《情越雙白線》姊妹作嗎？咁上次炒車，今次要…沉船？﹗

心路GPS-陳展鵬、李司棋、黃翠如、麥長青、張景淳
繼梁嘉琪之後又有黃翠如，有記人係咁加入無記喎﹗呢套之前好似睇tbb周刊開鏡時有介紹過…但已經唔記得…

叛逃 (前名：《ATF反恐》)-吳卓羲、陳展鵬、蒙嘉慧、陳茵媺、李司棋、唐詩詠
據說17哥跟唱k哥一齊唱了主題曲…快啲播啦~~~~~據說17哥會又忠又奸又去做臥底(實在太無記了呢條橋)…

巨輪-鐘嘉欣、陳展鵬、田蕊妮 、阮兆祥、蕭正楠、李亞男、貝安琪、張繼聰、謝雪心、郭少芸　
又係17哥﹗我鐘意呢套扮90年代喎﹗雖然內容不明…但憑蓮達妹那個額前幾條留海的髮型，和17哥一身華dee一樣的牛仔褲白tee…值得睇啦﹗(起碼一集)

老表，你好嘢！-郭晉安, 黃祖藍, 王菀之, 張繼聰
之前說有萬二蚊…而家變了二彎娜…都係二字…(完)((已經拍咗？而我不知道喎﹗))

好心作怪 (一切從心開始？﹗)-苗僑偉、黃宗澤、周麗淇、萬綺雯、王浩信、許紹雄、賈曉晨、袁偉豪、沈震軒、黃智雯、姚子羚
好似係奇情野…

師父．明白了-黃浩然、黃翠如、麥長青、陳自瑤

奇情武俠，融喜劇悲情於一爐。造型漫畫化。故事圍繞梁祝這個傳說。

Search報導說話二少剃完呢套就拍《初五啟市錄》了…？﹗

其他類：
神探高倫布（前名《神探哥倫布》）-黎耀祥、唐詩詠、蕭正楠、馬賽、敖嘉年
唔sure呢套係拍咗定未拍…之前巡禮時說係60年代啲查案野，都好過又嚟chok爆柴九第三回既…

傳愛事務所-黎耀祥、陳豪、陳法拉、伍詠薇、陳智燊、岳華、馬賽、麥長青、謝雪心、鄧健泓、高海寧
是…律師片？﹗

初五啟市錄 -黃浩然、陳錦鴻、郭羨妮、林夏薇、樂瞳
民初賀歲劇…呃…拍嚟14年賀歲？﹗13年播得切嗎？

寒山潛龍-馬國明、黃浩然、黃德斌、陳茵媺、黃翠如、劉　江
巡禮呃人味很濃。 (同《師傅．明白了》是朋友嗎？)

單戀雙城-陳茵媺、林夏薇、洪永城、楊明、岳華
洪永城做主角了…但個卡士好《畢打自己人》+《誰家》啊﹗

戀愛季節-胡杏兒…？﹗
看到相有囧囧姐和疑似万刀甲的物體…

法網囂雄-郭晉安、李思捷、單立文、曹永廉、陳敏之、李詩韻、滕麗名

此劇以律師樓為背景，以民事為主，用輕鬆軟性的另類手法，帶出有趣的案件。劇中有歌舞表演，令劇情更多元化。四位中年男人擔任律師原本只為糊口，最緊要生活好玩，但因此而面對正義、人性與責任的矛盾和衝突。 

豹哥﹗咦，4個中年男人…會是《皇庭》feel的嗎？﹗但見到有歌舞表演4個字即刻驚咗…

情逆三世緣-歐陽震華、關詠荷

2012年，高級督察歐陽震華查案時，開槍誤殺愛人關詠荷。痛極的歐陽震華魂魄出竅，穿越時空來到宋朝，依附於包青天身上。歐陽震華與開封六子結成好友，利用現代知識屢破奇案。豈料，歐陽震華在宋朝再次遇上關詠荷，無奈關詠荷死後轉世，遺忘了一切記憶。歐陽震華重新經營愛情，二人再次相戀，可惜慘遭奸人所害，關詠荷死在歐陽震華鍘刀之下。苦痛再次令歐陽震華魂魄出竅，這次他去了五、六十年代的香港，附在一名華探長身上，並且再次遇上關詠荷 ，一個九龍寨城的大家姐。兩人身份對立，但偏偏又再譜出愛歌，可惜天意弄人，關詠荷意再度死在歐陽震華手上。最後，歐陽震華與關詠荷重返現代，他們要戰勝宿命，阻止悲慘發生。

有劇情就cop定劇情啦…就咁睇好似幾ok…但唔知出嚟會點囉…

神槍狙擊2013-張兆輝、周海媚、謝天華、徐子珊、陳煒、翟威廉、鐘志光、王俊棠
嘩﹗是真的嗎？呢個卡士又ok喎…但有啲巡禮呃人味…

食為奴- 林峯、吳卓羲、胡定欣、陳法拉、陳敏之、謝雪心、王浩信、袁偉豪
而我不知道這是甚麼…

************************************

怕且出年都係可以繼續煲外劇了~