[韓劇]《愛情雨》(9-10)

又到每星期歡樂cap圖時間了﹗

睇完今個星期的兩集，又要等下個星期了…

(又說自從上年的《洪武三十二》除之後好耐無一套劇會令我咁想cap圖…呀﹗這套神劇播出至今剛好一年了﹗)

um，在俊俊走去搵荷娜告白的時候，允熙姨回來了，跟住俊俊唔滿意荷娜耍走佢去而復返，典知更爆的是仁河叔都嚟埋(四個人剛好打牌嗎？)…跟住荷娜一手拉走了俊俊…呢個畫面…好似啲特務片後面爆炸二人走住逃離現場咁…(死啦…我做乜好似馬室長咁咁多無謂的幻想？)

怕且允熙姨礙於自己身體唔好，又再一次拒絕仁河叔了…

嘩，美男一個對三個美男，大物對四個(加埋掌議)，荷娜仲勁，五個﹗(如果那個cam cam地的服裝((定造型？))指導都計埋的話…)

好無記呀呢啲劇情﹗你做乜唔講比我知呀﹗唉呀…我講咗俾你知仲有戲做既…又說…阿善浩既一身造型跟佢後面boom牆好襯呀﹗劇組係咪咁鐘意襯色呀﹗

嘩…呢段底底記超好笑…哈哈…然而都好無記製造歡喜冤家的手法﹗而又說，兩間房隔住個書櫃，而個書櫃係通窿的…荷娜咪唔可以喺房度換衫？巧危險喎﹗

第一吓我以為仁河叔去拜山…sorry…佢又去搵允熙姨，兼且告白埋…卒之打動允熙姨，仲參觀埋佢而家個畫室添。有人說70年代部份，仁河帶允熙參觀佢工作間係對佢打開心胸…這是一個對照吧…

《你是我的命運》嗎？ohhhhhhhhh…阿妹鐘意了阿哥的friend…你真係要做掌議妹嗎？(雖然掌議和佳郎唔係朋友…)

沒教養﹗柱子﹗邪魔﹗呢段我又哈哈大笑﹗我決定暫時唔討厭女二住﹗同埋睇睇吓佢都唔係咁似鄧上文啫…

呢個係答案…

荷娜歡迎會呢段…真係要借微博圖一用…某人的表情…佢呢集勁sell可愛和甜笑喎﹗(要跟黃泰京mode做個分野嗎？)

仁河叔竟然keep住n年前跟昌模和東旭錄俾允熙的對話，嗚嗚…又真係好感動的說…看來仁河叔打動到允熙姨了…

你是瑪麗嗎？(荷娜嬴瑪麗的是…佢有暗戀對像﹗)

瑪麗都講過呢句喎﹗

瑪麗都有講過呢句呀﹗點呀﹗荷娜係咪應該同瑪麗交流吓對付男友的心得？

俊俊偷吻完荷娜個樣…好好笑﹗

我諗起無缺話自己瞓梳化腰會僵掉…看來俊俊身體是比無缺健康呢…佢話朝早適合讀書順手望吓荷娜做啲乜又係咁偷笑…好好笑﹗

佢屈荷娜呀﹗哈哈哈哈﹗你講大話﹗

善浩話white garden係俊俊小時住的地方，既然佢一心想父母喺番埋一齊(嘩，呢幾個字何其tbb啊﹗)，自然唔想郁內裡的地方…oh﹗好傷痛的過往啊…不過佢轉頭又毒舌荷娜了…(呢集真係好多笑點耶…)

俊俊約食飯的方式都好泰京mode…呀，荷娜襯衫一段不由自主地諗起《王世子》(sorry，後感只寫到第4集…我掛住cap《愛情雨》圖嘛…容後再談啦…)朴荷襯衫一段，佢地不如約埋一齊買衫啦﹗(不過荷娜約得成…朴荷俾衰鬼家姐攪wor咗啦…嗚)

無聊cap的(你有邊張相唔係無聊架？)…H1N1呀﹗果然衛生是要常常注意的﹗

嘩﹗原來俊俊媽跟仁河係奉子成婚？又唔怪得仁河一路都無對惠貞動心，even允熙走咗都仲錄個情深義重的錄音訴說心聲時，轉頭又會跟惠貞結婚了…阿惠貞俾俊俊話了一句煩之後爆出以上呢句…殺傷力仲大過泰京媽喺泰京生日時話最少我生咗你啊﹗(咦，無缺阿媽都有講過對唔住我唔應該生你出嚟…典解啲角色成日都係俾阿媽嫌棄既？)…嘩嘩嘩嘩﹗做人阿媽咁講真係好傷阿仔心架喎…大人既事小朋友係無辜架﹗中年俊俊媽怎麼了？仲要疑似攪過小三戀喎﹗

微博說這是霸氣式溫柔﹗XDDDDDD(我又…係﹗又﹗諗起泰京鍚美男之前唔准佢整豬鼻…)…呢幾幕kiss戲在微博瘋傳…小的要走另類路線的嘛…繼續cap無聊野如下面一張：

預告…sweet sweet之餘阿仔阿女鐘於知道自己阿爸和阿媽係對方初戀…會有爆點嗎？呃…anyway，這不是重點…重點是…某人對boot個踭超高喎﹗
*****************************************************

第10集…一開始荷娜就在回味那個噴水池之吻，個樣好好笑…呀…想話圖中呢一吓個樣望落有啲林嘉欣feel…

係囉係囉…快啲趕走泡版鄧上文啦…

俊俊，你雖然條腰比無缺健康，而且你唔係拎重野，但你知唔知從職業安全角度嚟講咁樣烏低身執野係唔好架﹗要先mau低呀﹗乖啦記住啦~

廚房就話開放式啫…這家酒店個死手間都係開房式咁京京？定係本身圖中呢個空間成個都係死手間呢既呢？好大喎咁﹗仲勁過《美男》入面泰京住的那家喎﹗(那家白色白到好似《閃電傳真機》啲太空艙咁，巧京京…)

好好笑，因為阿美浩話二人住在一門之隔的房唔方便，叫俊俊一係去佢地屋企一係去酒店，跟住荷娜心思思想知俊俊究竟去了邊度，send完個msg之後俊俊直接回電話了…好好笑…

俊俊﹗你唱番咀《聽得見嗎》試吓呀嘛﹗(我好無聊…硬tag歌了…)…好娘地係荷娜煲牛奶煲滾晒之後佢一手掉走個電話去廚房執手尾，俊俊以為佢有乜事就打的衝番white garden了…時尚達人既佢竟然會睡衣加外套咁走…﹗

哈哈哈…爬梯攪到警鐘響…跟住一個跌喺地…一個著浴袍，對望那一刻勁攪笑…(呢一集又係好多笑位耶﹗)

第一吓我以為俊俊除件衫俾荷娜披喺身…典知係笠住佢個頭…而家古裝劇咩﹗(啲古裝劇小姐出街都要拎件衫笠住個頭架嘛﹗)

唔知仲以為係MV啲兩個場境combine埋一齊啲畫面…

仁河叔使唔使拎埋咁多野去野餐呀？

今集勁多呢啲偷/甜笑的場口…反而無乜毒舌的說…(點解俊俊影相成日都影美浩？好煩呀﹗)

俊俊媽出手了﹗佢同允熙話允熙返嚟之前佢正同仁河叔傾緊復合…嘩﹗好奸呀﹗

個踭真係好高呀﹗同埋呢個坐姿好女星的說…(我講緊俊俊…)

阿善浩越看越係《美男》的容和，雖然對女一都有意，同時又對男一的行動看在眼裡…

送鍊啦﹗送鍊啦﹗呢吓係甜蜜的頂峰之後就會炒大鑊啦﹗

惠貞聽完東旭和昌模想去探允熙時就唔高興借酒消愁了…酒後吐真言？而消失了的朋友仁淑完來係去了美國…呃…咁東旭老婆是誰？

又解多一個謎…原來仁河之所以以為允熙死咗…係惠貞同佢講的說…嘩…

善浩發現允熙媽的相片…佢又會憑個樣似呢一樣估到荷娜就係佢個女咁勁？

到荷娜要答俊俊的日子…俊俊又來欲擒故縱叫荷娜等佢返來…個樣幾衰…而善浩個反應好好笑…

唉呀…想點呀？本來允熙姨想同仁河叔講叫佢唔好再搵佢…之後行出去時有架車追住…仁河叔又飛身去救佢…之後受傷入院了…(可唔可以再老土啲？)

俊俊知道阿前輩無同荷娜坦白自己太子爺的身份…不過這不是重點啦…反正前輩應該唔會係三角戀之一了吧？

好了…因為之前俾車撞那個疑似生離死別…允熙姨終於坦白自己仲鐘意仁河叔了…

風雨欲來之前的sweet sweet呀…兩pair人sweet晒咁…睇預告下集阿仔會見到允熙姨，知道荷娜阿媽係令父母不能在一起的初戀吧？(所以才要去借酒消愁？﹗)而阿荷娜因為俊俊唔高興而受傷了吧…跟住就搵溫柔天使善浩去安慰佢吧…我估既﹗

*****************************************************
[韓劇]《愛情雨》(19-20)~結末感言

[韓劇]《愛情雨》(17-18)

[韓劇]《愛情雨》(15-16)

[韓劇]《愛情雨》(13-14)

[韓劇]《愛情雨》(12)

[韓劇]《愛情雨》(11)
[韓劇]《愛情雨》(7-8)
[韓劇]《愛情雨》(5-6)
[韓劇]《愛情雨》(3-4)
[韓劇]《愛情雨》(1-2)、《屋塔房的王世子》(1-4)

《愛情雨》OST貼圖文(+《鬼來電3》爛鬼後記)

[韓劇]《愛情雨》~Youtube貼片文

[韓劇]《愛情雨》貼圖期待文…