失驚無神泡菜國之旅~3~第1天

發了兩篇的癲，讓我正經的貼一吓相吧(不過我會影正經的相嗎？)

剛到埗就見到女林大人跟我說ようこそ~

其實小的會去泡菜國小的到而家都仲覺得好匪夷所思…呃，一來是講了想出門好耐次次都去唔成，今次咁啱有人組團就join囉，二來是未試過喺馬交出發嘛，覺得得意(？)咪試吓囉，三來…哈，我唔覺意中了某人招嘛﹗

呃…馬交機場仲有呢個龍年裝置？想點…而個飛機餐…呢個包是相當難食…食了兩啖就繼續瞓了。我無講呀呵？係凌晨機…兩點上機去到泡菜國時剛剛天光囉…

落機第一餐竟然是食麥記…最safe嘛，但因為無奶茶和魚柳包讓同行老人家不爽了…而個早餐盛惠3000won，跟香港差唔多喎﹗

呢個團的定位十分奇怪…第一個去的地方竟然是唔知係乜的skinanniversary美容體驗館去敷面膜(真係敷上面的說…)，有團友因為太攰竟然在床上睡著了(guk guk聲那種…) …

我相信呢個奇怪的地方係sell skincare既，俾你試的那塊野據說賣百幾蚊的…但…同行幾十人係無人幫襯囉…

then同一個館入面的甚麼3D立體美術館，好頹，其實就係走廊內有幾幅疑似3D畫俾你行埋去影，然後幅幅畫上面又有美容體驗館的logo…

然後行行吓又無啦啦有幅牆放上了好多明星的簽名相…

奇怪的事發生了…睇睇吓明星相時無啦啦見到一boom空lei lei的牆上面竟然有張《原來是美男》的poster(仲要係就甩就甩的那種)…關咩事呢？(阿導遊話呢個館好多明星嚟做facial喎﹗)…

行行吓又有個懶係藝術+啡唇的館…好騎呢… 

再行就到甚麼泰迪熊韓流展示館… 

 好好笑﹗wonder girls和big bang呀﹗singing in the blue~~~~~

少女時代﹗多得《愛情雨》所以我識呢隊﹗(<<<好勾…)…我認得呢個郁呀﹗睇《美男》啲無聊周邊片源時見過AN JELL扮過圖中個白色郁呀﹗(唔知二人拍劇時有無拎嚟笑呢？)…隔離是《大長今》…無睇…

熊版《原來是美男》…其實有好多劇的熊版畫…不過我無影啫… 

估到右邊是誰嗎？係我最respect的雨哥耶﹗ 

左：pit？撇？(我無聊了…)

右：第一個午餐…自助的疑似石頭窩飯…成堆野我都唔食…大件事囉… 

坐成粒幾兩粒鐘去Premium Outlet…就係行行行和睇人買野…但無野啱我…

又說個團唔係我報的…差不多出發才見到行程…於是我地喺唔係滑雪季節去無雪滑的渡假城度過一晚…呃…係，係無雪滑的…囧﹗Bonus是…雪還未融晒…可以玩一吓﹗~

望出去還真不錯(不過凍到嘔囉…)…同埋我唔明…室外都唔係凍到嘔…何解室內暖氣要熱嘔呢？望一望個溫度計…30度囉﹗我想講夜晚我瞓到出汗耶﹗

喺山區叫天不應叫地不聞無得出去玩就唯有行樓下的Family Mart啦…於是…買了好多野食和右圖呢個我幾乎日日飲的香蕉牛奶~

左邊的哈蜜瓜雪條超好味喎﹗(但冰天雪地食雪條囉…)…then右邊的鮑魚粥是旅遊書上推介的…另外的那個芝士杯面…好明顯是被《王世子》影響了…堅好味喎﹗

晚餐…就是燒肉囉…沒特別…最特別是…一家地mau的食店…竟然有wifi﹗

我重申一次是在山區…太悶關係一係在酒店大堂上網，要不就回房間睇電視…本來我想睇《王世子》，但記錯時間於是星期三睇唔到第五集…(反而睇了《傾屎吐嚇》…睇到瞓咗…囧﹗)…呃…不要緊啦，開心大發現是陸續有來的…林正英﹗哈哈哈哈﹗另外見到女林大人的廣告(佢講完歡迎後再同我講晚安呢…~~~~~~)

第一天是相當乏味(不過在追偶像那方面來說…發現是ok的喎﹗XD)…

**************************************************************
泡菜之旅全集：
失驚無神泡菜國之旅~7(完)~第4天 & 蝸牛面膜
失驚無神泡菜國之旅~6~第3天
失驚無神泡菜國之旅~5~第2天
失驚無神泡菜國之旅~4~睇電視(廣告)
失驚無神泡菜國之旅~2~一人闖弘大
失驚無神泡菜國之旅~1~橡筋鍚