失驚無神泡菜國之旅~1~橡筋鍚

哈哈哈…呢單野真係成個trip最爆笑，橡筋鍚囉…

是咁的，因為當人家入duty free是血拼時，小的卻在跟nature republic的紙牌人合照，導遊見狀就問：你鐘意「橡筋鍚」呀？XDDDDDDDDD(我有個阿婆身掩飾架喎…都俾佢發現少女心？)…

於是…到樂天Duty free時…每人都有一份的代言人folder(我唔知係得張某人一款選定係有其他代言人啦…)時…啲團友都塞晒俾我囉…卒之我拎了十一個…哈哈哈哈﹗

唉呀…不過又話實樂天啲相真係太嬌俏可愛囉…攪到我品味被質疑呀﹗.\ /.

詳情後文再講。第一天到個甚麼skinanniversary(是個很奇怪的地方)，奇怪地有甚麼小熊館(但唔係旅遊書上講的那個)，然後奇怪地有《原來是美男》的熊版畫，十分奇怪地隔離有黃泰京熊仔乙隻…勁奇怪…

再再再奇怪的是…在那個甚麼3D畫廊對面一個吉的so-called studio，牆上有一張有中文字的《美男》poster…而且殘到就快甩咁…好頹…








第一天被困在山區叫天不應叫地不聞(好想出去玩囉﹗)，唯一可以行的是樓下便利店(小的確係日日都係便利店搵野食買…哈哈)，竟然俾我喺雜誌架發現有呢本呢個《star》，1000韓幣囉﹗啦，入面是但一張相造型都比樂天啲相型英帥靚正幾廿萬倍囉唔該﹗

(反了光…我無意對某著名男團不敬架﹗)

呢個屎塔頭，放在《愛情雨》70年代啲戲份ok喎，放在陳天后大仔頭上也ok喎…但我望住左二那一格個郁呢…undingable的cute…囧

梨大呀明洞呀逢見到NR 8成以上都係白色郁(於是某次坐車時見到黑色郁就舉機影了…)…而事發被導遊發現「橡筋鍚」就係某間化妝品Duty free轉角的呢個牌…勁型喎﹗(XDDDD)…你唔係要我企定定聽你SELL我野唔去影呀嘛﹗

第3天在明洞NR總店(？)樓上三樓的唱片店，本來是要去買雜誌和幫人買唱片(但係一行幾個人無人識該團…哈哈)…一行入去﹗嘩﹗呢個黑眼線郁點都好過樓上啲Cutie郁啦﹗《Let Me Cry》啲相真係勁得幾正…(XD)

左：呢個POSE勁唔知想點…仲要交叉腳…跟住隔離放咗雨哥打開心口牌乙個…仲要伸手去兜搭某人…BL味極濃…同行幾人…係…指住狂笑咗好耐…

右：嘩﹗呢張POSTER掂喎﹗話說係三樓唱片店入面的，搭LIFT時發現，影完一輪出去時…NR貨倉喎…一堆SALES姐姐在MAU低執貨囉…你眼望我眼咗一輪…咩啫…你又無話部LIFT唔搭得喎﹗((後按：好笑的大發現是這張poster的相竟然出現在《愛情雨》第6集度囉﹗))

其實我無行入呢檔度睇衫(而好明顯我去的目的唔係買衫囉)，只係見有廣告板就影…哈哈哈…

作為中招的始源，點都要去一吓弘大睇吓…呃，竟然有好多人同我做緊同一樣野…XD

返酒店竟然是狂睇電視…有一晚KBS竟然重播《愛情雨》第一、二集(而有人竟然又坐定定睇晒佢)…

無聊的人繼續做無聊野…見到有一格仔都唔放過…哈哈哈﹗

在7仔睇零食時發現…豬免子竟然咁有MARKET？在街頭小檔見到有(但啲老翻偶像精品跟信和那些沒兩樣…點買呀？)，樂天世界入面又有(仲有古古力添﹗)…乜《美男》真係咁有市場？

(有一半橡筋鍚都係LAP(=送)的…哈哈哈哈﹗而有某人樣的那塊mask竟然是蝸牛面膜…嘩﹗)

((小的是去人家地頭發現奇怪野嗎？XDDDDD))

遊記再補~(最重要的圖都貼了…XDDDDDD)











**************************************************************
泡菜之旅全集：
失驚無神泡菜國之旅~7(完)~第4天 & 蝸牛面膜
失驚無神泡菜國之旅~6~第3天
失驚無神泡菜國之旅~5~第2天
失驚無神泡菜國之旅~4~睇電視(廣告)
失驚無神泡菜國之旅~3~第1天
失驚無神泡菜國之旅~2~一人闖弘大