失驚無神泡菜國之旅~2~一人闖弘大

(唔好意思，繼續都係關橡筋鍚事的…XD)

作為一個迷子(所以你明我點解要與生滋同在啦，無方向感到香港都可以迷路既我…)，竟然可以無問路之下貢到去無缺屋企門口…自己都忍不住讚自己勁﹗

呢個可能係成個trip小的玩/睇得最開心的景點喎﹗

(借圖一用)基於是跟團，所以事前只是很HEA的買了本旅遊書諗住傍身，到臨出發(係，我係臨出發先睇到行程…)先知會去明洞、新村等地方，跟弘大只係幾個車站之隔，睇吓本書，咦，好多手作仔CAFE呀咁，追星之外仲好似幾多野睇，不去白不去，而且諗住咁近車站，沿住兜個圈啫，難極有譜丫，大不了迷路就問人啫…於是，小的只係簡單看了這個網頁的介紹，近車站嘛，覺得無難度囉咪…

有一天在明洞自由活動，本來諗住趁呢個時候逃到弘大的，但小的行到唔捨得走(XD…唔係上一篇文邊有咁多相…)…，諗緊第二日好唔好去的時候，食午餐的地點竟然就在弘大附近﹗﹗﹗因利成便(車都唔使搭)就趁食完飯逃走了。

於是…就無去到梨泰院和新村(諗起韓文書的新春劈春瓜…笑爆咀…)…算啦…返屋企後睇番一百幾十次《梨泰院殺人事件》算啦(其實小的已經睇了幾千次的了…XD)

但現實與幻想總是有距離的。前段說是食完飯去，車都唔使搭嘛，係啦，就係車都唔使搭﹗上上段我話近車站一行出去就係嘛﹗係啦，問題就係呢度啦，問咗導遊應該直行轉左再轉右就會見番弘益大學，見到間大學應該會搵到圖中的上水站，點知我兜吓兜吓唔知去咗邊，在東幕路行來行去(忠孝東路都無走九遍時…竟然在東幕路迷途了﹗)…這時真係好後悔點解咁求其買本旅遊書…因為無街號呀﹗而條街又無wifi，想即時check地圖都唔得﹗教訓是…下次要準備定個offline地圖囉…

anyway，死兜了大半個鐘後終於發現轉角位的cafe 318﹗應該是轉彎直行就會見到上水站，唔知點解直覺覺得係直行…卒之行咗入堆民居度…垃圾站有幾廿個就係唔見有車站…唯有行返轉頭再從cafe 318開始行…

所以呢，《原來是美男》入面泰京行過同一間雪糕店4次絕非奇事囉﹗

見到上水站時感動得想哭啊﹗已經兜了差唔多成個鐘囉﹗(話明是冒險﹗梗係唔到最後一刻都唔問路架啦﹗我是有自尊架﹗((<<<泰京…我好明白你架﹗)))

基於要趕及三個鐘之後跟大隊會合，所以沒行晒所有場景，行到入無缺家門口時見到勁多人同我一樣print咗張地圖出嚟拎住邊行邊睇，又在黃色店前影影影…嘩﹗套咁爛既劇原來影響力都幾大架喎﹗

又因為太多人同我做埋同一樣野，於是小的收埋張地圖隨意走走算了…

 

已經不深究有沒有在劇中出現，只是走走看看影來影去的，瓜fit tee我唔識欣賞就是啦…

想話呢boom牆好正，個個表情都唔一樣架﹗~(後按：嘩嘩嘩嘩《愛情雨》第7和8集出現了呢boom牆﹗哈哈哈)

詭異地行行吓有個場可以打波…是學生們的課餘活動嗎？

行行吓見到有班人在影影影，行埋去望吓係圖中的那圖劇的拍攝場地…oh…唔識喎﹗閃…

睇完成套《瑪麗》都無出現過的弘大…呀…好大…入去會唔會迷路呢？(有一刻係好想走入去參觀吓的說…XD…我讀那家商場嚟架咋嘛…都唔似大學既…)

過馬路時見到有個好型的哥哥仔…是學生嗎？好在日光日白咋，唔係以為撞鬼嚇鬼死…有舊木喺心口喎﹗以為佢去作法呀﹗

經過弘大向山(我覺得是向山行的上喎)行就到無缺成日自彈自唱的公園，星期六關係有free market，有野賣有野睇又有人畫速畫自畫象，可惜我無時間唔係都想排埋一份呀﹗






my precious~~~~my precious~~~~~~~(其實結局的《I will promise you》仲好聽啊﹗但只係最後一集才出現真浪費…)

你貼出嚟…我唯有影啦…哈哈…

一大堆的cafe，悠閒到不能，回帶：我無時間呀﹗但因為是旅程最後一天，要回去執行李了…不能hea太耐，於是行過影兩影就走了…唔係實搵間坐低食吓野飲吓啡…話說已經行了兩個幾三個鐘…腳都快要斷了…

左：行過見到好多少女排隊(等入場？)好奇望吓係乜啦…zero show是甚麼來的？
右：不停見到新開張的花牌…

繼續行…watsons使唔使咁多分店呀？(好無聊呢個影嚟做乜)…而行吓行吓見到有間店賣雜誌，好奇睇吓係咪n年前的舊野…車…上年既？曬到好似十幾廿年前啲舊野咁既﹗﹗﹗﹗


詭異地無啦啦有堆人圍住個綿花糖檔，睇真啲原來有隻狗狗喺度﹗

行出個公園之後沿路都有好多小店，精品食物衫褲鞋襪都有…回帶：我無時間囉﹗只隨意window shop了一輪…

要走的時候諗住掉轉頭行番落去都差唔多啫…點知又迷子多一次…行番出大馬路時…上水站消失了﹗(啲巴士站係寫上水架嘛﹗)…囧﹗我在那裡呀﹗左兜右兜經過了上圖kim kim(食蟹的…好攪笑﹗)三次﹗(我又變迷子泰京了…)…大囧﹗不過好在因為經過bobo hotel所以好快知自己喺邊…喺兩個站中間囉…真係向左走定向右走好…

另…見到右圖fedex kinko…一度以為是kinki的朋友…XD

真係囧﹗竟然行了兩個地車站﹗(不過應該唔係好多里路吧？但我已經雙腳發麻了﹗而且天氣好到我成身汗…仲要拎住件縷囉唔該﹗)

左：無聊一影，兩個在我等過馬路的時候撞我的阿豬媽…你撞我﹗我影你﹗雖然呢度係你主場﹗
右：嘩﹗個雞記餐好好味喎﹗仲有酥皮湯添﹗(仲有兜疑似酸菜咁既野…world's localization啊﹗)不過卒之都無食啦…麥記早餐反而食了個…

雖然不停變成迷子，但邊走邊搵真係幾好玩的~

**************************************************************
泡菜之旅全集：
失驚無神泡菜國之旅~7(完)~第4天 & 蝸牛面膜
失驚無神泡菜國之旅~6~第3天
失驚無神泡菜國之旅~5~第2天
失驚無神泡菜國之旅~4~睇電視(廣告)
失驚無神泡菜國之旅~3~第1天
失驚無神泡菜國之旅~1~橡筋鍚