各式各樣的麥旋風…

今日發現有新口味啊﹗BLACK FOREST喎﹗

雖然實物跟廣告的樣子有莫大的距離…但…

真的很不錯啊﹗

不禁諗起《美男》劇中的呢一幕…忍不住要cap一吓…個咀幾衰呀…哈哈哈…睇睇吓某碩幾有潛質演真人版花輪同學…襯佢呢水梳緊俊俊的單邊一pat野頭…吹起佢咪花輪同學囉﹗(大OT了﹗)

呃，這個傳說中的黑森林有紅莓汁和好很奇怪應該是雪硬了的蛋糕粒，配埋本身已有的oreo曲奇，味道是很不錯啊﹗主打係紅莓汁酸酸地中和了oreo的甜味，跟住個蛋糕硬硬地頗有嚼頭，帶來一個複雜得嚟又幾新奇的口感…(咦…我以為自己做緊飲食節目嗎？XDDD)

我有無講過自從老M出咗麥旋風之後小的就從新地(係新地唔係新地筒喎﹗)移情別戀了，而且多年來很長情地專注吃oreo味…索索聲有咬口(咁M & M無咩？)…又說，有一水可以加唔知幾多蚊有美祿味麥片，好好味囉﹗但一閃即逝﹗THEN有一輪好似係有美祿古古力粉既麥旋風選…那個係勁好味啊﹗但都係一閃即逝啦…我好似淨係對啲期間限定情有獨鐘的說…(咦…要唱番咀陳曉Lone嗎？真正為你心有獨鐘…~~~~~~)

我係咁OT添…講起期間限定…除了樓上真的很不錯的黑森林味，仲有以下真的很唔掂的這一個：

呢個世界有比較先有進步呀﹗

前陣子的拖肥焦糖曲奇味，就太甜太漏了(連甜魔如我都覺得唔掂喎﹗)

而且，你明白嗎？個樣太似令我心生恐懼的海膽risotto了﹗Out﹗







其實《功夫熊貓2》上畫時我沒去看…但同期推出的香芋麥旋風就食完又食…

其實都係甜到爆的，但小的就係鐘意芋頭嘛﹗平時不大吃蘋果批的我見到有香芋批都會忍不住去吃一吓的說…

雖然…感覺是在吃色素…不過算啦…好味既野都係無益既…





有甜品吧的老M呢，新地筒係有彩紅版，恆常味道應該有青蘋果、古古力和橙味(咦…我做乜咁神心地留意﹗)…跟住有次見佢有咖啡味喎﹗問一問姐姐可唔可以加落麥旋風度…個效果是OK的啊﹗








順便貼埋…雖然家陣潮興自己"筆"生果配料的乳酪，但我心地至愛始終係佢…阿波波啊﹗

(5/9/12後按：我好勁…咁都可以出到第二篇﹗哈哈哈)
((12/11/15後後按：第三篇和第四篇﹗))
(((11/07/16後後後按：第五篇﹗)))