2012/01/08

[韓劇]熟口熟面…《瑪麗外宿中》(+全集後感)

都怪前陣子在追《天與地》,一個不小心見到J2賣廣告說播這套喎,又不小心記得前陣子在某韓劇大大度lap到過這部劇,阿男主角仲好似好多人中招添…um,勇字行頭掃雷小組又出動了…

UM,我唔係話套劇雷呀,只係呢個係小組名啫﹗~

UM,so far睇到第7集…阿主腳(唱歌那個)又真係幾令仔喎…不過個故仔熟口熟面得超級老土呀﹗

(粉絲不要打我﹗雖然有色眼鏡是有的…)

((我想話呢在網上找來左邊這張傳說中的DVD圖…影得啲主角們令好多喎﹗(雖然詭異地全部都變黑色頭髮了…))

UM,熟口熟面呢…係話說前幾年小的失驚無神中了某台劇小生的毒(又話說,佢之後的劇小的偶然都會望吓…都好似無點改變…一味在耍帥的…怎麼啦…)…UM…我想問點解兩個男主角一定要一個好有能力而好有風度一副貴公子的模樣,跟住另一個就行事異於常人成日cool爆好似嬲咗成村人咁既樣,貴公子那個用溫柔感動女角,然後cool爆那個就成日激個女角但個女角又會好似媽媽咁當佢係小孩咁包容佢架喎,跟住一定要個女主角在cool爆那邊失望後快被貴公子感動到的時候cool爆就突然發現原來自己好鐘意女主角…

而女主角又硬係好堅強,但身邊又硬係有啲攪事不斷的家人,讓貴公子多多幫忙…UM,仲有呀,而女主角身邊硬係有啲八婆好友,呀呀仲仲有呀,cool爆身邊又硬係有個高貴令女疑似同cool爆有過一段情的女二號在身邊,總讓女主角覺得cool爆不是一條心對自己…

我諗我明點解我會覺得《瑪麗》ok…因為當年我都鐘意睇換換愛》/《惡魔在身邊(sorry,我無乜貨可quote),在姜無缺身上完全找到《換換愛》惡少的影子(只是無缺哥好窮吧,多了個攪事的阿媽…咦﹗《唯愛》呀﹗話時話張根碩哥行出嚟時我確係想起《唯愛》的龜梨和也…佢又係有個不斷俾麻煩佢既阿媽…ohhh﹗)((巧京京﹗寫《唯愛》的溺愛文時…恰恰就是5年前的今天耶﹗))

乜而家仲有父母訂婚約?而阿鄭仁阿爸強娶民女的意圖好討厭啊﹗完全是我有錢就大晒的感覺…而阿瑪麗爸的咀臉也好討厭…完全是賣女求財﹗偶像劇就專心賣令仔令女啦…可唔可以唔好攪呢啲老土野呀?一見到有呢兩個老人家的場面本人是飛…

係咁數添…UM,確係好熟口面嘛…

(我想話阿無缺飲醉酒阿鄭仁帶了佢返屋企…第二日阿瑪麗去公司((怎麼公司會同屋企前舖後居的呢?))時見到無著衫的無缺披著床單((又唔係拎人家的衫去洗…做乜除人衫?))…我竟然諗起《天與地》第一場阿Yan的床上((後))戲…哈哈哈…)

((真係講開又講,啲歌都唔rock既?係咪我睇得《天與地》太多?不過都好過《巨星夫婿》由頭到尾得一首歌,呢套劇是有好大堆歌,而阿無缺哥是會作吓有新歌出咁…))

UM,暫時睇到第7集,是輕輕鬆鬆一個鐘的(怎麼咁長既一集?)…據說之後會有狗血的劇情…噢賣葛﹗
文根英我仲停留緊喺《吾妻16歲》的年代(點解我會記得有套咁既戲?)…佢好小朋友呀個樣﹗不過又好可愛喎﹗張根碩果然很令仔…(係咪要睇埋《原來是美男》呢?但據說有絕世得人京眼線郁喎﹗驚嚇度高過幼眉道長很多…)…死啦…成日見佢彈結他突然好有興趣添…UM,音樂果然是我們的生活啊﹗同埋我想話呢…佢UN腳那吓好有戲…哈哈哈﹗另一個金在旭…被我無視了…(咁睇古古怪怪那個比較有趣嘛…)

UM…我想問阿碩哥點瘦面既?可以瘦得咁交關?同埋點解佢啲衫成日都跌膊?band友都鐘意咁架咩?同埋佢腰痛得嚟點解成日都要海棠春睡郁?是要讓少女驚呼狂叫嗎?仲有第一集佢濕住頭髮問有無洗頭水時…巧京京呀…last but not least…阿文根英個髮型點樣可以整到咁厚?令佢個頭大到無朋友…都是一個巧京京…

Korg啊﹗巧有品味呀(<--好無聊的發現…)

雖然鄭仁比較可靠…但我一票還是投了給無缺…因為個名似花無缺(《絕代雙驕》的…)…哈…(又說…我會頂得到大結局嗎?)

..........................................(<--如果我真係頂得到的話…)

**********************************************************
在一路睇大結局一路打…

我竟然睇到大結局喎﹗不過都是飛嚟飛去咁睇,一:受不住瑪麗爸的面口。二:無缺媽太煩。三:瑪麗friend+無缺band友好嘈…。四:阿方室長和徐演員面口令我很不安…

睇前段真係輕輕鬆鬆一分鐘的,而那個甚麼百日婚約真係天馬行空得可以,不過偶像劇嘛…小的盡力去不要問只要煲啦。到了中期,瑪麗確認了選無缺,而無缺又發現自己想認真談戀愛時,無啦啦阿代表都爭埋一份…,都算啦,一味父母之命男女主角唔相愛好難延續落去…之但係又有好多無鬼謂的細節,阿無缺係咁鐘意瑪麗的話,點會提出甚麼試婚架…佢都見代表對瑪麗動咗真情架啦…瘋的。然後代表爸和瑪麗爸喺瑪麗講了十幾廿次唔想結婚之後,就算代表說唔結,都仲係要繼續場婚禮…最攪笑係鄭仁又由得件事繼續,去到行禮請晒嘉賓證婚人講晒願唔願意時先話唔結…玩野嘛…

至難頂的是…阿無缺哥係不停見瑪麗同鄭仁在一起就發脾氣,跟住又要好痛苦咁走去搵番瑪麗,和好後溫馨一輪…又因為見到佢同鄭仁一起又發脾氣…生生不息六六無窮的…好煩呀…。好了…你認真談情唔玩玩吓都唔係大晒架…吓吓唔講道理走咗去…難得阿碼麗又忍佢架喎…(無缺哥後段係咪趕住搵錢贖戒子,所以連頭都唔得閒set又唔吹啦?哈哈哈)

掉轉頭瑪麗見到無缺同徐演員一齊就要佢包容佢…又說甚麼goodbye kiss喎…唔公平喎﹗(我認真咗?)

um,看來我體會到點解街坊評價都說這套劇爛的真締了…(雖然無缺哥是令仔的…哈~)

同埋阿代表套《wonderful day》係咪真係拍架?代表係不停同人解約簽約又係咁俾錢咋喎﹗

20/1/12後按:好邪呀﹗原來之前貼youtube文時發現過呢套劇﹗哈哈哈﹗ 

**********************************************************
4/3/12又後按:

網遊時無意中見到這一段

衛視中文台「瑪莉外宿中」的劇本,其實先後經過兩個編劇作者輪流創作,精彩大結局的編劇,充分表現了喜劇風格,其實結局的劇本作者,另有第三人,那就是主角-張根碩!

張根碩因為連續兩檔偶像劇,紅透全亞洲,演戲、唱歌成績斐然,其實他還有一項不為人知的才華,那就是編劇!「瑪莉外宿中」當時在韓國播出時,劇本在播出前兩天才出爐,原本結局設定的是主角姜無缺要被瑪莉拋棄,而且姜無缺與鄭仁兩人,也要心懷怨恨,但是,張根碩拿到劇本後在演員休息室,不斷思考,他透露:「我總是在想-這個我要怎麼演? 我能做得到嗎? 」因為如此的結局,也與最初觀眾期待的無缺與瑪莉的互動,是有所出入的,因此,張根碩突然靈機一動,趁著空檔時間,他開始改動劇本!

因為張根碩的出手,把姜無缺與鄭仁之間的隔閡,加入了許多喜劇的互動,無缺與瑪莉也轉悲為喜地有了Happy Ending,這個想法,讓導演非常讚賞,於是,劇組拍攝內容大調整,跟著”張編劇”的劇本走,演員們也演得不亦樂乎呢!於是乎,精彩大結局播出後,讓本來跟著劇情揪緊心情的觀眾,就像得到了禮物般開心,大呼過癮,贏得一片讚賞!

「瑪莉外宿中」成了張根碩的處女作,對於張根碩來說,他非常滿意表示:「瑪莉外宿中」不就應該是浪漫喜劇嗎? 這個精彩結局,也讓導演直呼張根碩的編劇才能,不容小覷,大讚這個小伙子,還真是多才多藝!

早早聽聞因為劇集收視差所以一中段就將瑪麗本來周旋在二男中間改為投向無缺那邊,估唔到原來個結局張某哥有份作埋一份喎﹗個人覺得那個走佬婚禮很爛的…。之後代表被收大屋和資金(好無情的老爸)是爛上爛,跟住代表硬著頭皮去搵無缺家裡住,又同佢出唱片和去宣傳,啲互動好好笑(是結局那幾集難得有得笑吓的位…)…估唔到原來是某人出手喎﹗

唔好意思,呢個發現太開心了…又貼落嚟再整長篇文…哈哈…

8 則留言:

  1. 你嚇親我, 點解呢套你覺得okay 架???!?!?!

    作為一個前張根碩飯+韓劇狂迷的我都頂唔住呢套. 後半部真係一路睇一路想鬧架!!!! 你千祈唔好拎呢套黎generalize 韓劇呀~~~ 原來是美男, 開頭係okay, 好搞笑, 不過後尾都有d 搵戲黎做.

    回覆刪除
  2. 第二日阿瑪麗去公司 > 個度係代表嘅豪宅黎架.

    點解會帶左無缺返屋企 > 因為無缺話佢好怕凍,而佢屋企無暖氣.加上代表好想簽無缺入佢部電視劇,所以夾硬的佢返豪宅囉.

    回覆刪除
  3. 紫熊:
    我自己都覺得好詭異…其實…

    雖然個故仔橋段真係太熟口熟面,但我睇到第8集…覺得輕輕鬆鬆又幾好笑咁,睇得幾開心喎﹗

    (不過之後有啲狗血劇情就好難講…)
    (可能我口味真係太異於常人…遠目…)

    咦,你地個個都講,睇嚟我要睇埋《原來是美男》,挑戰傳說中的眼線郁了…嘩卡卡…

    回覆刪除
  4. lu:
    哈哈,好多場口我係一路打機一路睇,於是都miss了…多謝補充﹗~~~~~

    回覆刪除
  5. 果真呢套野劇情真係麻麻,如果唔係張根碩,我捱唔晒。
    史上第一次,我麻麻地中意偶像劇既女主角,係佢。
    文根英係吾妻係討好。但呢套既佢,我覺得好煩。我理解唔到點解兩個男角都中意佢。
    不過此套最好既,我覺得SOUNDTRACK幾好聽,你可以得閒聽下。

    回覆刪除
  6. 木鈴兒:
    劇情就係兩個字:老土,4個字就係超級老土…
    我諗兩個男角都唔係特別鐘意女主角,係因為有人爭所以先被激起妒忌心,又發現阿女主角都幾善解人意咁…
    我成朝都在loop住beat beat beating boom boom呀…好可怕呀﹗

    回覆刪除
  7. 呢套野你竟然可以捱到= =
    我由第9集一跳到睇第13集,都無礙理解…
    《原來是美男》只係眼線問題,雖然後面開始搵戲黎做
    我岩岩就係上年呢個時候睇完呢套,一直咒罵頂你浪費我個新年假= =

    回覆刪除
  8. caroline:
    我都覺我好勁,竟然可以煲到尾…不過個難頂度唔夠賀小美啲《愛情合約》、《我們結婚吧》咁高,那兩套我真係頂唔順停咗無睇的…《瑪麗》我係覺得搵戲嚟做,又未至於煲唔到落去既…(我異於常人了?哈哈)
    中間打後咪不停誤會和解再誤會再和解,skip咗直接去尾睇係可以的…我睇啲文話係收視唔好,所以改結局將瑪麗情歸無缺(不過都無用啦…),攪到代表行行企企食飯兩味…好慘…
    《原來是美男》條眼線睇睇吓又覺順眼咗…我係想知點解可以咁勁上山落水都唔甩…勁過香港啲嬸嬸紋上眼嗰啲囉…

    回覆刪除

要講幾句嗎?﹗XD