無記歌手2~舊時歌手今日藝員

每星期忽仔最好睇係中間既人物專訪(也就是說前前後後既睇唔睇都罷囉…)，今期訪問既係雷宇陳山聰，唔講都唔記得佢以前叫陳山蔥…同埋有首歌叫《ABCD》…內文仲話睇親必爆笑(仲要係吳唱K播俾陳生睇嚟笑喎﹗)…咁我梗係要click嚟睇﹗

嘩﹗無謂再逃避這豪情哥哥…好爆呀﹗救命呀﹗

係啦，呢篇文就係post吓啲因緣際會去咗拍劇既朋友以前啲歌，好多都ok架﹗

曹永廉~《胡塗情感》(10/11/11後按：youtube搵唔番呢首歌喎﹗)…佢仲有另一首名曲《唯一的女神》，但我覺得前者好聽啲﹗yeah~原來曹生和陳生係同年新人，那一年得金獎既…就係我跟咗好多年既古眼神啦﹗~時日如飛呀…

夠腳打牌啦﹗同一年仲有海俊傑喎﹗其實佢呢首《永遠的偶像》和翻唱既《微風中》都好好聽架﹗他他他…他會為你你你…更努力去奮鬥﹗~~~~喂，更驚既係，同年新人仲有孫耀威呀﹗驚唔驚先﹗

前一水經典台翻做《反黑先鋒》…第一驚係見到好少女既Hocc(﹗)，第二驚係見到陳浩民…突然諗起佢首名作《完全自我手冊》…之前post過，今次貼另一首好野：《愛情傻戀la la la》，有仲未做台灣鬼婆天后既李玟…哈﹗美琳呀﹗~~~浩民哥喺mv入面個白tee黑背心郁好驚﹗哈哈…

另一位爸爸：胡諾言﹗其實我想搵佢首《一個諾言》…但又無喎，呢首《戀愛季節》係未聽過架﹗不過見同佢合唱既蔣嘉螢，有首《假如真的再有約會》﹗當年睇《我和彊屍有個約會》時好鐘意聽架﹗

又係經典台之過，呢水播緊《鐵血保鏢》…好了(好驚呀…竟然會有live表演﹗但呢首主題曲係好好聽﹗)，不禁要整番首小馬哥既歌…《幸運就是遇到你》﹗雖然我係麻麻地鐘意睇佢做戲，不過佢唱歌真係幾好，他不是黎明，他是小馬哥﹗

嚟多個華納之友…羅敏莊既《一顆恨嫁的心》(10/11/11後按：唉呀，又搵唔到添…)…嘩，乜原來係陳太本人填詞…其實我好buy陳太，佢唱歌真係得喎﹗更加buy陳生…由n年前既《今生無悔》開始…該死既經典台…前陣子睇到由陳生主演既電視電影《迥路》又攪到我坐低掛住睇…哈哈…好爆﹗原來陳生英文名叫Power﹗囧…噢，原來佢有份做我好期待既《囧探查過界》喎… (sorry，呢段明顯係醉翁之意不在陳太度…)

既然貼得他不是黎明既小馬哥，唔爭在貼埋戴老師既另一位高徒鄭視帝既《一千個願意》…勁少男囉…

呢水《搜下留情》見劉玉翠和陳慧珊你一句死婆，我一句死婆咁，唉…陳慧珊唔應該係咁爛口架﹗劉玉翠又點解攪到咁c9呢…真係無陰公。呢首《I'm sorry》幾有mood…和螢幕上既八婆判若兩人囉﹗

唔係寫呢篇文都唔知蔣生之所以唔唱歌係有個咁悲壯既理由﹗佢最hit而我又最記得其實都係最紅那既《相逢何必曾相識》和《皇后大道東》…同埋上面既《舊朋友》…無貨啦﹗地長久…天擁有…願有知己暖心頭…

*******************************************************
yeah﹗又懷完舊了…

舊文：懷個90年代的舊
蝦里波特之消失的新人們
今年新人特別多…
無記歌手…我見和我想…

究竟有幾多藝人本來唱歌後尾走咗去拍劇/戲？