《歲月神偷》：歲月偷走既又何止永利街…

其實呢部戲拎獎之前我係完全唔知香港有條永利街，小的反倒是被戲中既人和情打動了…

(可能我比較悲觀，總覺得官府要拆遲早都係要拆，其實我不太相信官府是出於保育甚麼，也不相信一部戲既影響力有咁大…而我又很怕永利街會像美利樓或水警總部又或灣仔既大押咁，被活化到不倫不類，最後變咗冷氣商場…真係聞者傷心聽者流淚…或者有個美一刻留在光影世界中…總好過見到改頭換面到唔知點既實物眼冤吧？

天星、皇后到利東街再來到永利街，應該陸續有來…這條不拆，那拆下條囉…呢個城市係咁架啦？﹗)

注意有雷﹗(不過此片上映咁耐有乜雷都被爆了出來吧﹗)

前兩天娘無啦啦講起中大某位大學生做乜要自殺？我沒看那篇報導嘛，一吓子都唔知點答，但睇完呢部片…um，爹娘小時既年代不就是進一進二既年代，那年頭爹娘 不似進一進二咁幸福可以好好讀書，佢地係細細個就出嚟幫手養家，衣食住行樣樣不缺，仲有乜好愁呢？啊，又真係難怪上一代總覺下一代唔掂，上一代小時物質唔 多，到自己有下一代時又有能力去滿足佢地，偏偏物質又不能盡滿足下一代啦…(噢…離晒題了…)

很喜歡戲中各人之間既人情味，夫和妻之間既，父母和子女既，兄和弟之間既，親戚和街坊既(前頭街尾既人一齊開飯呢吓讓我諗起《功夫》個豬籠城寨…)，那個年代人浮於事，很多人連開飯都未開得掂，但就係物質不多，要求不高，少少事都夠開心餐飽；面對困苦囉…再苦既都經歷過，有乜好怕？﹗

不知何解我邊看羅氏一家就邊諗起《一公升眼淚》個故仔，又係爸爸比較牛脾氣，媽媽就挑通眼眉，大那個品學兼休，細那個就古靈精怪一點；最啱既係…當大那個因病去世後，細那個變得懂事起上來，仲讀埋大那個間學校，彷彿為哥哥/姐姐完成未完成既夢想…

(咦，兩個故仔都based on真人真事改編喎﹗)

圍繞羅氏一家都係生活小事，溫情滿載，無特技無高潮起伏無奸夫無淫婦，睇得好舒服，會不禁跟住佢地開心笑傷心喊，雖然哭紅了眼睛，但心裡還是高高興興咁離場。

最喜歡進二每次回家阿爸問佢返學學咗乜，佢都係hea阿爸話中文學中文，英文學英文(有時係中文學英文，英文學中文…)，阿哥走咗後佢答阿爸中文學咗《木蘭辭》，英文學了I'm a man, this is a pan…嗚﹗佢大個仔，懂事啦﹗嗚嗚嗚…

進二呢位didi真係幾鬼精靈可愛囉﹗~

啊，其實部戲都唔係全喊位，笑位都好多，特別係進二細路仔乜都唔明，部片主要係從佢角度出發嘛，問埋啲天真可愛既問題囉，只能…笑囉﹗

最爆笑個位係…後段話佢大個咗…進入咗七十年代…大個既進二由本來演進一既李治廷客串…佢一從媽媽吳君如身後閃出…那個彷如Sam Hui一樣既假髮(我…淚水都未乾就笑爆咀了…)好難頂呀﹗全場爆笑了…羅導是攪gag嗎？(其實我都指住娘後生時啲相問過好多次：喇叭褲咁…咩…都著得出街既…哈哈哈…)啊…與其話李生個郁似歌神，不如話似古天樂《鬼馬狂想曲》個郁囉…

阿哥進一呢…哈哈哈﹗我叫咗佢做「雄風」好耐先叫得出佢個名﹗鬼咩，perception is king呀﹗佢個唱片封套一出就咁爆﹗大佬…見到呢張相我真以為係寫真集囉﹗鬼諗到係唱片咩﹗

有次聽收音機播李生既歌…喂，又ok喎﹗佢個樣有點似王力宏，歌聲都有點似喎﹗

只能說，黎生既品味真係太得意﹗

還好佢遇上《歲》片，應該可以平衡一吓左圖呢個雄風封面帶來既恐怖感吧？﹗

這個復活節我打算繼續支持港產片，睇完開場前既預告片…吓？又係啲乜野科幻鉅獻？又係乜野追兇救地球呀？﹗想悶死我咩…轉轉口味，港式小品，清新宜人，幾好。夠niche又夠獨特，支持支持﹗