2011/07/27

[港劇]《紫禁驚雷》…是咁的。

琴晚看了一集,直覺告訴我:你浪費了一個鐘。或許是比較武斷…不過直覺呢家野好主觀架嘛…

  • 一睇張poster﹗嘩﹗乜咁似《洪武》(sorry,真係要提一提呢部本人至愛),兩男角拎刀拎槍在打,其他角色一字排開…嘩﹗(其實好多劇張poster都係咁排的…是program來的嗎?insert劇照入去就得…哈哈哈)
  • well,唔係琴日食飯見轉了第二套劇我都唔知原來《團圓》做完…呢套《紫》有陳錦鴻客串順治一角喎…嗚…典解會無咗《萬凰之王》架﹗(未免太多鴻哥了…無記要捧佢嗎?)
  • 我又要再問:乜無記而家無人用咩?怎麼馬海倫姐姐三線劇都見到佢架?跟住馬明和麥包都有在《真相》演出,唐詩詠仲要兩套都同馬明一pair…跟住兩套馬明都做奸既…(都好似係會害唐詩詠的…)…嘩…
  • 馬明自從《女拳》後係咪決意走奸佬路線架啦?(不過都好過佢扯起件衫chok樣sell男士美容,無惡意,我ok佢的…始終演咗咁多年戲唔可以再吓吓《律政新人王2》、《衝上雲霄》那種忠忠直直既角色既…)
  • 真正令我想打此文的重點來了:怎麼馬小生…阿多寶哥又係啲有為青年角色呀﹗套套古裝都係咁既﹗(時裝反而好少少…)…《鐵血》、《big血》、《蒲松齡》呀咁,套套都係佢好有本事,但未露鋒芒,跟住因各種原因本來承位的人唔知點解閃咗就推佢上去,跟住佢又硬係好有能力去將件事lead得好好,又本來佢鐘意的女仔會俾另一個男角mark咗,佢就在一邊默默為佢守候,之後又總會等到個女仔同佢一齊…呃…真係是咁的了。
  • 劇情無啦啦有啲twist位(通常都係陰謀的真相)…但好創新地用黃鏡頭配獨白交代番件事…但想使唔使嚟個《霋時感動》咁有感情既旁白嚟講呀?好驚喎﹗
  • 呢個pt可能比較無聊(我個人根本就無聊啦﹗哈哈哈),想問呢…劇中人個個衣服都有毛領,咁天氣凍先會著得厚架…但頭頂又唔使戴番頂帽…唔凍咩?(京城喎﹗係京城喎﹗oh well…講故不要駁故了…)

又如睇《洪武》時…小的一路睇啲劇情一路滿有疑問:
  • 孝莊太后死時是康熙二十七年,康熙8歲繼位即係當大約35歲…劇情琴日話裕親王三子昌泰剛剛出世,維基說小孩是二十一年生的,即係康熙29歲,二皇兄阿裕親王30歲…睇睇吓覺得怪怪地:點解馬明(裕親王)反而係陳國邦(康熙)阿哥(搵黎lokyi會唔會似啲?)…
  • 親王既仔唔係貝勒咩?點解叫佢阿哥?皇帝既仔先係架嘛?
  • 見到羅樂林和俞子明在大殿上跟皇上議政,兩官講野時自稱本官……成個皇上棟喺度架喎…係咪太無禮呢…
  • 我唔明京城唔係好大架咩…點解民間放孔明燈咁易飄入皇宮仲要俾皇上睇到?
  • 跟住我又唔明點解消息傳得咁快,馬浚偉喺官府度同人理論,轉個頭傳到皇上耳中,佢就傳口喻叫人了事,而傳口喻那班人又轉個頭去到生事地點喎﹗(諗起《鳳凰四重奏》講八國聯軍打到嚟,第一我唔明點解當時京城子民會知乜咩係八國聯軍((字都未必識喎大佬﹗)),同埋點解會知太后走佬囉﹗)
  • (謎之聲:睇劇情話順治曾經同裕親王講會傳位俾佢,後尾傳了俾康熙,令裕親王深深不忿…但以小的睇幾廿次《康熙大帝》((不過都係睇到玄燁都仲係兒皇帝啫…))…康熙之所以做到皇帝係因為佢出過天花…當時天花盛行,有啲阿哥因此病死,順治驚皇子養唔大做皇帝唔長所以先選個已經出過有免疫力的仔嚟做皇帝架喎…)((謎謎之聲:雍正繼位就話其他皇兄/弟有爭議…康熙都有俾阿哥嚟爭位咩?))

um,還是努力追埋剩番幾集《真相》。以上。

繼續睇下去的開心大發現:[港劇]其實《紫禁驚雷》是一套笑片

12 則留言:

  1. 其實我對呢套劇最質疑既係佢既女角人選....
    李詩韻!?唐詩詠!?姚子羚!?
    我唔係話佢地唔得,佢地做二線配角絕對綽綽有餘
    但係擔正做女主角我就真係好有保留o羅!
    佢地做左咁多年,冇錯係要俾位佢地上,只不過我睇完唐詩詠係《真相》同《紫禁》頭兩集既表現後,衰D講句我真係唔係咁睇好佢地係呢套劇既表現....

    27th Jul 2011 14:11 PM

    回覆刪除
    回覆
    1. 一眾年輕女演員當中,得李詩韻係識做戲,其他都唔掂!萬分認同你對唐詩詠O既評語,《紫禁驚雷》第一集佢同程可為講野真係嚇死我!語氣太刻意,聽到我打冷震~第3集都好d,但好似背書咁,都唔知有冇過濾過d對白!?後面開始奸我真係唔睇好佢會handle得到~姚子"玲"好少少,但都係刻意左d,個樣又好妹仔feel~仲有王君x同苟xx...總之e套劇d女角唔多得~

      28th Jul 2011 15:52 PM

      刪除
    2. re: Nicky

      其實真正的女角是程可為吧﹗(睇睇吓佢個造型真係好深山老妖…哈哈哈)
      三個後生一輩又真係未擔得起大旗,李詩韻我覺得ok,但你叫我up佢做過乜劇我又唔太講得出,唐我始終覺得佢外型太小妹妹,演技又未似會擔得起宮廷劇,佢個樣似被害那種,唔似會攻心計囉…姚子羚…我最記得佢喺《酒店風雲》叫唔唱k表哥…講起都好多年啦呵…又真係好似爭咗個有份量啲既一線姐仔搭一搭…
      或者套劇側重喺男角度…所以女角會變次要啲掛?

      2nd Aug 2011 10:22 AM

      刪除
    3. re:Yuki

      唐詩詠的宮廷戲我只lap到少少…感覺好似《洪武》既皇后梁嘉琪咁,睇得出有落苦功去執啲語氣和聲調,不過啲對白講出嚟好似機械人…古古怪怪咁,聽到好唔舒服…
      平時我娘呢食飯時間…啲劇佢幾無興趣都尤部電視開住嚟送飯的,呢套《驚雷》可能真係太驚和太雷,阿娘竟然話俾個電視休息…寧願關機食飯…威力太大了﹗

      2nd Aug 2011 10:29 AM

      刪除
  2. 我特登上網搵過下, 其實"阿哥"唔一定係王子, 可以係滿族人對兒子既稱呼; 反而"貝勒"就一定係貴族囉...
    我反而好欣賞Nicky講既個3位女角喎, 好過"萬凰之王"又呆兒又宣萱, 唔悶架咩?!
    唐詩詠係"真相"度都冇咩唔好丫(ok, 係我偏心喇!), 佢今集真係好慘喎, 慘過陳敏之做"烈火"喎!

    28th Jul 2011 01:35 AM

    回覆刪除
    回覆
    1. 係?真係增見識了…跟住琴日望到少少…馬明向馬浚偉介紹自己係當今皇上的二阿哥…咁咪變咗佢係皇上個仔?佢係二皇兄咋嘛…(食飯時又唔覺意睇到…哈哈哈)
      《萬鳳》啲人腳我都唔太like,不過如果要做攻於心計的女人,我會覺得囧和宣萱會有睇頭過呢套劇的三個女仔啫…
      唐詩詠外型有點局限,佢做《真相》入面既妹妹仔角色就ok囉,但叫佢去做《金枝》那些爾虞我詐又覺得佢未去到那個level…

      2nd Aug 2011 10:25 AM

      刪除
  3. 呢套又係無興趣睇,好似之前洪武翻版咁,又係整D皇帝繼承懸疑野,無D新意。

    搵陳國邦做康熙唔係唔好,只係一出場,成個昏君咁,佢都係做返文種李斯好,康熙係昏君黎咩?唔知係咪故意,馬俊偉以前都演過康熙,其實會唔會搵佢演返好D?

    馬國明OK,佢演技應該學發哥,對眼似到爆,王祖藍演技係學周星馳,我咁睇戲差都睇得出。

    深夜做金枝,八點半做呢套,真係睇到好亂,又係D女人爭個皇帝,D咁既師奶劇....

    以前鹿「頂」記,少年康熙都無出現過孝莊,而家呢個中年康熙,反而有個孝莊,個皇帝阿媽反而唔見,好奇。

    最搞笑,果時鹿「頂」記,康熙阿媽係而家做孝莊果個做,康熙係馬俊偉演。

    29th Jul 2011 17:20 PM

    回覆刪除
    回覆
    1. 你咁講又真係有啲《洪武》feel,又係一個王爺疑似會同皇上爭帝位,跟住佢又喺外面同個男角惺惺相惜咁,又係一堆女仔圍住佢咁…oh﹗
      我諗個劇本係想講康熙係仁君,比較陰柔啲,唔似《洪武》羅樂林一行出嚟就好霸氣咁,但唔知呢,我覺得陳國邦著到有點著起龍袍唔似太子,無康熙儒雅既氣質,佢著起件軍裝做差人ok好多囉…
      你講起又係,對住《鹿鼎記》演康熙的馬浚偉又確係幾攪笑…但我唔記得當時邊個演孝莊了…。另,如果我無記錯,康熙生母好似係佢細細個時死咗,所以康熙係孝莊呢個女麻女麻帶大的,加埋康熙阿爸順治英年早逝,喺康熙成年親政之前基本上都係孝莊喺背後control住的…所以係無咗太后,只有太皇太后囉…

      2nd Aug 2011 10:35 AM

      刪除
  4. 是咁的﹐納蘭明珠是滿官﹐其實反而應稱奴才。
    在乾隆之前﹐漢官在皇上面前稱臣﹐滿官稱奴才。
    因為滿臣在清廷中是被視作包衣阿哈﹐奴才地位比臣還要高的。

    30th Jul 2011 03:21 AM

    回覆刪除
    回覆
    1. 是咁的真係好用…
      確係三人行必有我師﹗哈哈哈…

      2nd Aug 2011 10:38 AM

      刪除
  5. 查返wiki,鹿「頂」記果個太后應該都係孝莊皇后,不過果時睇鹿「頂」記,佢似康熙個阿媽都唔似佢阿麻。

    咁程可為演孝莊都演二次,一次係陳小春版鹿「頂」記,第二次就係呢套。

    陳小春版鹿「頂」記仲有馬俊偉做康熙,張國強做順治,咁啱今次呢套野,都有佢兩個做,不過都唔係做返呢兩個皇帝既角色。

    都有d悲哀,十年前又係呢d演員,今日都係,馬俊偉仲可以呃你扮廿歲既小生!

    以前亞記做九王奪位,無話康熙個大佬作反,唔知史實有無呢件事,不過佢大佬作反應該都係搵笨。

    9th Aug 2011 13:30 PM

    回覆刪除
    回覆
    1. 據維基載,康熙帝生母喺佢登基(8,9歲左右)後無耐就過咗身,所以一直take care康熙既都係祖母孝莊,而孝莊喺康熙登位後成為太皇太后,所以叫佢做太后唔啱level喎﹗咁康熙無咗媽媽照顧,阿女麻親自湊佢,somehow都有啲母子情喺度既…

      馬浚偉唔係話佢唔好,而係佢啲古裝劇角色太十年如一日,總係啲年青有為又深明大義既好小子,有啲難受…反而時裝劇佢(如《隔離七日情》做吓壞情人算係有少少突破啦…)…據說無記就嚟重播《洛神》,佢個三公子和《鐵血》的尚智跟而家既聶多寶我睇唔出角色性格和演譯上有乜分別囉…

      真係後生既小生嚟嚟嚟去去都係s4囉,其他中生和綠葉長做長有…都幾悲哀架…

      10th Aug 2011 11:14 AM

      刪除

要講幾句嗎?﹗XD