2011/07/19

[國劇]《還珠格格》大比併


話說小的最近醉心追bobo啲國劇嘛,偶然才知原來新版《還珠格格》剛剛7月開播,本來小的沒特別留意,但見微博討論不絕,說雷度很高云云,咁小的當年又確實很喜愛趙薇和林心如的版本,也被古眼神的五阿哥版本雷倒,咦…仲可以再雷?我要研究一吓先﹗ (點解幅相咁硬頸唔俾我調佢位呢?)

先來background information一吓,本身《還珠格格》預定有三部曲,第一、二部就由林心如、趙薇、周杰、蘇有朋演的,第三部《天上人間》就剩周杰,其他換成黃奕、馬伊琍、古巨基。

跟住呢個新既series是將舊三部曲整合再加加減減成《燕兒翩翩飛》、《風兒陣陣吹》和《人兒何處歸》(嘩﹗整多句咪五言絕詩﹗),角色加咗如五阿哥媽媽和洋人班杰明(﹗)等…演員據說係我國既新生代…所以我是唔識的…囧﹗

先來申報,第一、二部我是全部睇晒的,第三部《天上人間》看了少少…因為…我被五阿哥的尊容雷倒了…佢個樣真係唔得古裝呢…二來播播吓轉咗去6點檔(據說瓊瑤阿姨為此大動肝火﹗),咪無追落去囉。先得承認趙薇和林心如先入為主印象太深,讓我看打後的都覺得有點有所不及…不過既然無全部睇過晒…《神鵰》和《金田一》我都可以比一餐…就貼吓圖研一研究吧﹗
*******************************************
看微博人家說新被的紫薇唔太靚…呃…呢位妹妹既樣子又確係唔及林心如對大眼sharp…同埋我覺得佢跟演金鎖的女仔個樣好似…有啲難認…。而第二代呢…小的覺得佢個樣唔太有存在感…(即是說睇完都唔認得個0麥頭…)…btw…原來心如姐在新版中客串紫薇的媽媽夏雨荷…oh﹗難怪咁多網友話佢技術性ko新版紫薇了﹗

我記得睇第一集《還珠》時(小的因為熱愛睇瓊瑤姨姨啲清裝劇,所以就算喺亞視播都有神心地追架﹗),有一幕係小燕子扮新娘吹頭巾,跟住吹走咗就正式現身…那一吓好有印象的說,大大眼睛真係cutie到爆(同時…當時趙小姐啲時裝造型好唔掂的…)…可能印象太深,黃奕的扮相就覺得可愛不足,反而有啲太斯文…而新版網友都說小妹妹在扮前輩…齋睇相對大眼都有得和前輩揮喎﹗上網睇了少少…嘩﹗個演出又真係幾似喎﹗佢地係同鄉嗎?啲普通話尾音腔口都似似地喎﹗anyway,演小燕子呢位妹妹個樣是比較能令小的記得的一個…不過啲演出就好似太誇張…即係呢,小燕子因為天真無邪成日闖禍,可愛同可憎係一線之差…太誇的話我會覺得好煩囉…

五阿哥呢…除了中間那個我覺得係災難(佢拍《情深深雨濛濛》情深一番都仲ok…剃咗頭真係好喜劇囉…雖然呢套又令佢大紅…仲紅到番香港出番碟添…)…頭尾兩個都ok…其實靚靚仔仔就得架啦…永琪係小燕子守護天使嘛…

爾康呢…新版那個同五阿哥一鬼模一樣樣既…都唔知我有無cop錯人既相…哈哈哈…。爾康其實都係靚靚仔仔就得架啦…不過比起周杰新被那個哥哥仔好似有點太稚氣…

睇網友評語是說新的紫薇無咁靚,小燕子在努力扮前輩演出,金鎖演出無力…咁新紫薇個樣又真係無林心如咁一眼望落就會有印象…新小燕子外型都幾可愛…不過睇了少少覺得佢有點太浮誇…新的金鎖我還是認唔到佢個樣…XDDDDDD

呢套劇詭異地會有如妃娘娘做皇后…不過睇完第一集小的已沒有太大興趣了…如妃…我都係睇番《金枝》好了…

究竟第二第三部曲仲會點…究竟點解同一個故事12,3年可以拍咁多次…真係有啲…悶囉…呃…

*******************************************************
唔知呢…可能小的太先入為主…覺得新版真係有少少…undingable…但見到有如妃…我係咪應該俾個機會佢呢…umum…或者睇網友在微博的評論會更加有娛樂性…哈哈哈﹗
*******************************************************

<<<悶的時候最好睇吓呢啲惡攪圖笑吓…哈哈哈哈…

14 則留言:

  1. 新版環珠真係好唔得lor,始終對第1、2集最有情意結,果時我屋企又係明明唔係睇開亞視,但係唔知點解又會由season 1既episode 1追到season 2既last episode架喎。勁好睇囉。舊版既紫薇小燕子金鎖真係各有各靚架喎。season 3冇左兩個女主角都算喇,個5阿哥真係趕客之最lor。呢個新版,唔知係咪我老喇,唔知點解認唔到樣,分唔清邊個打邊個lor。以上 XD

    19th Jul 2011 15:17 PM

    回覆刪除
    回覆
    1. 其實我都係對頭一、兩部都最有情意結和最鐘意,因為小的自小就愛睇瓊瑤啲喊苦喊忽戲(新月格格呀水雲間那些),已經自動見有得做就睇…估佢唔到《還珠》一改以前喊苦喊忽的風格,突然玩喜劇風,好大驚喜的說…
      舊版幾個女仔一開始我都唔識佢地,不過睇第一集就俾我好大印象,令小的很有意欲追落去…《天上人間》先不說兩個女主角面目比較模糊,五阿哥更係趕客之最…
      而家新既呢一套我都有諗係咪我先入為主太勁呢…但就咁睇相又真係覺得佢地好似樣好難認邊個打邊個…當然,新版號稱有新的情節,但齋睇相已令我不太有追看意欲了…

      19th Jul 2011 16:20 PM

      刪除
  2. 當年好好多...呢幾個路人左d,完全唔想睇
    (其實係當年配撘太好)
    19th Jul 2011 16:39 PM

    回覆刪除
    回覆
    1. 哈哈…我鐘意路人呢個形容…真係太生動了…
      同以前金庸名著一樣,除非在故事上著墨改動等佢同舊版有分別,否則好難走出先入為主既框框啦…

      19th Jul 2011 16:42 PM

      刪除
  3. 我只喜歡范冰冰版, 而且只喜歡第一輯, 第二輯已經不能吸引我了. 也留意到有新版在播, 但真的全無興趣. Well, 如果是時裝版, 我或者會考慮看看, 因爲劇中演員其實都應該是美女:P

    19th Jul 2011 17:26 PM

    回覆刪除
    回覆
    1. 第二輯真係幾煩…小燕子不停鬧事…跟住紫薇不停哭哭啼啼咁,睇都係想知佢地最後可唔可以同五阿哥和爾康終成眷熟…
      如果轉時裝都ok,或者直頭寫過個新故事啦…做番同一樣既野,唔好遘超越…可能連掂邊都唔得…盞攪到大家對啲新人印象變差…

      19th Jul 2011 18:14 PM

      刪除
  4. 其實最估唔到係當年做妹仔既金鎖發展得最好, 仲沖出中國, 向國際出發添! 第一輯選角的確係無可替代(even張鐵林做既皇阿瑪!), 只能嘆句those were the days喇!

    19th Jul 2011 20:31 PM

    回覆刪除
    回覆
    1. 金鎖最agressive…林心如都唔錯既,佢開咗工作室又拍吓劇,啲劇都幾係受重視(《美人心計》和《傾世皇妃》,成日見人喺微博講的…)…
      我鐘意你這句"those were the days",其實兩代一開始時都係新人,但望落新版係無當年睇舊版時的驚艷,加上先入為主,新版都係無運行架啦…

      21st Jul 2011 13:17 PM

      刪除
  5. 我當年係只看金鎖的!

    19th Jul 2011 21:36 PM

    回覆刪除
    回覆
    1. 當年此劇一播突然間多咗好多人叫我「冰冰」…囧﹗

      21st Jul 2011 13:18 PM

      刪除
  6. 當年范冰冰真的比林心如漂亮, 其中有一場主僕二人哭作一團的戲, 那時就覺得金鎖妹仔大過主人婆, 范冰冰的哭相比林心如還動人, 加上她的上進心, 她的成就比兩位主角高也是意料中事.

    新版的小燕子還好, 眼大大, 和趙薇有八分似, 至少我知道這名演員叫李晟. 但可惜她只是努力模仿趙薇飾演的小燕子, 正如當年朱茵在神鵰中飾演黃蓉, 也不過在模仿翁美玲, 珠玉在前, 除了是天份過人外, 就算再努力, 經典角色是難以超越的.

    而紫薇和金鎖就真的是路人甲了, 完全不起眼.

    20th Jul 2011 00:20 AM

    回覆刪除
    回覆
    1. 范爺樣子的確出眾又搏,佢唔單止ko兩位格格,仲ko埋另一個冰冰…不過佢啲裝扮有時太爆…有點難受囉…
      係喎﹗新版小燕子的演出確係似朱茵的黃蓉,外型是ok但演出極扮前輩,當然小燕子個角色性格設定如此,佢都無乜得點改…但前一個version係成功唔係失敗,好自然大眾就會覺得新不如舊…
      新金鎖樣子點睇都靚過新紫薇…真係奇怪…

      21st Jul 2011 13:21 PM

      刪除
    2. 但我覺得兩位冰冰不相伯仲,據講李冰冰的英文較范冰冰的好,她在美國宣傳新劇在清談節目中能以英語對答如流,反而范在國際場合需要翻譯跟身。而且我覺得李任何一方面都較范討好,可能是范的野心太顯露,而李較為內檢

      21st Jul 2011 23:39 PM

      刪除
    3. 李冰冰印象中就係不停演中國星啲唔知乜鬼戲,跟住在有記電影台度播咁…永遠up唔出套戲名和唔知原來上過…
      范冰冰都唔使點翻譯啦…佢次次都係著到隻雀咁行紅地壇俾記者影相啫…

      22nd Jul 2011 10:04 AM

      刪除

要講幾句嗎?﹗XD