[港劇]煲劇雜篇：《學警》、《少年四大名捕》、《王老虎搶親》…

其實呢篇文應該叫《熱煲系列6~陳鍵lone篇》…唔好意思…我中招一條龍mode開動了…

好了…數吓呢幾個月煲了乜劇…

少年四大名捕(2008)

進度：全集ko
小的中完《洪武》毒之後友人強烈推介，s4(巴士高換上了林lone)+除紙山+陳山lone，另外仲有林嘉華(仲有駱應均、劉家輝、李詩韻…越數越多﹗)，感覺係《學警》+《洪武》，其實個故仔都很《學警》，就係林嘉華重開的神捕司，招攬了林lone和s3做神捕，Um，聽個名我以為套劇係好耐之前，少年嘛﹗點知原來係前3年的出品，幾個人啲外號都好型吓：無情(林lone)，顧名思義就係冷酷無情，強項細心觀察，總係能睇通大局指揮若定咁，仲勁到可以制造神兵利器，極級聰明﹗鐵手(馬某明)，一腔熱誠但少少有勇無謀，最勁係一雙鐵拳；冷血(唔唱k)，深山野獸帶大的，武功高但不通世情，真係冷血的，殺咗人先算；追命(陳鍵lone)，喺市集街販帶大，不學無術不過有小聰明咁，絕技係輕功。各人各有長短處，本來係狗咬狗骨的，喺林嘉華的領導和細心培育之下，佢地成為生死與共的好兄弟，就算有啲家族情仇都noproblem，overcome到的。

最爆既係，除紙山又再次係臥底﹗介紹我睇的友人早就睇咗《名捕》，睇《洪武》時話唔怪得除紙山咁駕輕就熟啦﹗噢﹗失覺了。去到最後梗係娘娘地要4人合力去打敗大佬，但打敗後仲以為係話佢地各自同女伴一齊同時繼續為國賣力啦，點知講幾個女仔經歷咁多野之後反而決定離開佢地，然後又出現另一班大佬要對付…有少少慘喎﹗(另，原來套劇去大理取景的…好難得喎﹗)

學警雄心(2005)+學警出更(2007)+學警狙擊(2009)

進度：全集+全集+8集
雖然係夾雜住考試，小的還是努力將頭兩部《學警》吞噬了。基於我無睇過《新紮師兄》(或者睇咗無印象…=P…其實我只對「那ja不怕海龍王」首主題曲有印象)…想話兩部《學警》個mode都超似《烈火雄心》1，個frame都係青寧過程到初出學堂到處撞板，當中經歷愛情、友情、親情各種考驗，同學仔之間由最初狗咬狗骨到變成出生入死的好兄弟，又總係有一個寧寧舍舍寸寸貢的(古天樂vs中大謝lemon高皓正﹗原來高生做足兩套《學警》的﹗)；學堂阿sir(danny summer vs 三哥)最初係勁黑面勁衰格，攪到啲學生想投訴佢咁濟，但最後學生終於明白佢既苦心，而呢個阿sir又咁啱會同主角阿媽拍拖喎﹗(又咁啱呢pair都係唔成事，其中一個要死的﹗)；攪笑的是，柏翹和阿文出學堂後跟張景峰(陶大宇)，佢為了教呢兩個0靚仔攪到受傷，同《烈火》dannysummer因為啲學生衝動出事要去救佢地而受傷，兩位阿sir受傷既方法都係高空墜地…；仲有《烈火》有阿佑(王喜)原來係駱信(秦沛)個仔駱sir(李子雄)細佬，而柏翹就原來係李sir(三哥)﹗有無咁似呀﹗(我係咪又應該整個對照表出嚟呢﹗)

而家再睇，費公主的絕世長頸真係幾…哈哈。而據說令bobo和費公主不和的游水場口…好攪笑…bobo一副游水的泳褲造型，費公主仲係tee恤短褲(據說費公主惜肉如金不肯泳衣上陣嘛…)oh，不過《學警出更》時費公主要死又真係幾傷心的…嗚…呀，我無乜睇唔唱k(阿文)呵？﹗哈哈哈…因為佢條線同除紙山，whichis我覺得佢呢個短頭髮大山婆造型很嚇人，重看時不時想skip咗佢…。(當年看點明明係容天后嘛，不過變成了郭小姐和陶生…)又說，睇番全套《出更》，初初講行beat啲野真係幾似陳醫生和容天后套《神經俠侶》…好在後尾轉咗去講PTU…。另，點解成套戲講柏翹就嚟見board，見到《狙擊》都仲係就嚟見board？

最後一套《狙擊》首播時我看到天哥瓜咗咁上吓就無睇，想話三哥很chok樣呢﹗(雖然還是很有型﹗)江公主做得很自然喎﹗(做翻版妹ok，但同一個mode去做永暘公主就很可怕囉…)，梁嘉琪把聲無《洪武》咁得人驚，laughing哥仲未有跡象顯示佢係一個臥底，陳山lone(我唔記得佢劇中既名添…)啲疑似山口組造型很型呢﹗(佢而家仲拍唔拍劇架？)，bobo喺劇入面都仲係就嚟見board喎﹗咁其實佢會唔會有得升架？結尾佢仲會死添…究竟佢死之前膊頭有無番一兩粒花花草草咁呢？(這才是我真正留意的看點﹗)

btw，原來王祖藍喺《出更》度做茶餐廳伙計，金剛和林子善在《狙擊》分別做三哥司機和唱k的線人…喺呢個系列到supporting act有so呀﹗係紅啲周邊人唔多覺紅兩個主角喎﹗XDDDD(柏翹好慘呀…阿媽死女友死阿爸死…死到無得好死自己都死埋…嗚…)

衝上雲霄

進度：14集倒
其實出完文就停咗…唔知呢，套劇我唔覺得悶，不過沒有太大動力追落去咁囉…(還是我怕了0靚坤和唱k的英文？)

肝膽崑崙

進度：2
喺我睇完《少年四大名捕》後又有人推介呢部俾我，個mode都幾似《少》的，又係兩個didi跟住個阿sir去行俠仗義，不過阿sir由林嘉華變咗元華(都係華﹗)，兩個didi就淨番bobo和唱k(《學警》﹗)，女角變咗蓋鳴輝和曹敏莉，睇咗少少，感覺ok(據說bobo中途一度會轉奸…跟住又臨危勒馬咁)。只係我開始攪唔清《大唐雙龍傳》、《血戰軒猿》、《再生緣》、《英雄刀少年》…等古裝劇邊套打邊套了…

(呀…睇張相就知…真係親疏有別呢…)

王老虎搶親

進度：全集ko
我覺得呢套真係勁﹗可能係繼《尋秦記》之後又一套睇親都會笑爆咀的劇，其實很多gag都係好無聊…但我個人都無聊嘛，咪笑到卡卡聲囉。睇完呢套再睇《學警雄心》…oh﹗柏翹、曲sir、彭sir變咗文賓、老虎和枝山，勁有親切感啊~我又回帶：當年我睇《烈火3》一路鬧又要一路睇，應該睇埋830的《王老虎》balance番嘛﹗

勁鐘意一場王家成家人一齊唸《幾分傷心幾分痴》歌詞﹗哈哈哈﹗同埋文賓被fake去前線打仗，套鐵甲戰衣著到佢行都行唔到，要馬前卒枝山扶住佢嚟行，跟住佢地打仗經過的地方有谷祖「林」和陳鍵「峰」…哈哈哈哈﹗癡線架﹗(但我又真係睇得好開心喎﹗)問題：一套咁歡樂的劇點解唔係賀年檔出街既呢？

舊文：[港劇]追電視好忙：自己人+王老虎+烈火3

美人心計

進度：一半


最初睇的時候確係為阿心如演既女一號膽顫心驚，佢次次都中啲好兇險既招，但隨住佢次次又會用佢既「美人心計」去化險為夷，我就由初頭的鬆一口氣變成「啊﹗攪掂啦﹗」…well，即是說都知佢一定可以逢凶化吉架啦(我將佢疑似公式劇化？)…well，另外就係我唔捨得見到劉恆(bobo)要死呢…嗚…(不過漢朝啲皇帝短命既多喎…)，睇嚟睇去都係睇到劉恆和劉章攻入京城爭做皇帝…我記得19定20集有一幕好攪笑，阿慎兒生咗個女俾莫離帶走咗，首先係無啦啦莫離由抱住個真既bb變成抱住個假到爆的key上去bb係爆笑一，二係有個荒亂間有個士兵認出莫離係呂太后近身，我以為佢會一刀殺咗呢個女人時…佢…佢…竟然係叫莫離跟佢走一齊過生活喎﹗攪gag嘛﹗

更大的gag時，點解慎兒次次遇上啲男人都會有佢bb…跟住佢次次被整死都整佢唔死﹗(連呂太后都殺佢唔死﹗)…佢後尾仲做埋劉恆既妃子，好似係會威脅到吓竇皇后咁囉…佢啲生命力真係強過變變變生命力…

(謎之聲：其實呢部劇我應該可以數到10個和《宮心計》一樣的地方…囧﹗)

盛女的黃金時代

進度：2
劉恆和慎兒耶﹗

《美人心計》後bobo另一套在祖國開播的劇集，竟然係時裝喎﹗(仲要係：都市時尚情感劇)好奇之下睇吓啦，啲場景、衣服都好時尚吓，最娘就係啲人名囉﹗乜野「李好」呀…可唔可以再娘啲呀﹗(呢個係bobo的角色名…囧﹗)…不過我無細心留意故事係發生喺邊個城市，但就拍得幾清新節奏又夠快，睇咗少少都幾舒服。驚喜處有二，一：角色都用唉瘋3…好潮﹗潮過無記永遠的索尼愛納稅啦﹗二：在國內月入一萬是「黃金」級啦﹗

不過始終係配音唔係原聲，令這部劇只得繼續排吓隊…等我掃晒tbb劇啲存貨先啦~(想問呢，套劇本來叫《剩女的黃金時代》，後尾改成《盛女》，關HOCC事的嗎？某次佢俾人問起容天后剩女問題，佢話係豐盛個盛喎﹗)

***************************************************************

想煲的：

宮鎖心玉

其實本來我係想睇呢套，不過偶然發現了《美人心計》有bobo喎(=P)哈。Well，我咁鐘意睇《尋秦記》，梗係要欣賞吓呢部國版穿越劇有得精彩啦，熱播喎﹗而且清裝劇我喜歡嘛…不過想講既係…楊冪妹妹啲睫毛膏用得好狠(《美人心計》也是…遠遠都睇到啲實黑色的眼睫毛。另，呢套劇有郭羨妮(仲話佢喺劇組度搵到男友添)同邵美琪…

(謎之聲：今日我又剛剛lap到bobo既國劇仲有《煙雨斜陽》和《最後的格格》好似幾好睇喎﹗)

雍正皇朝

其實呢套由《鐵血保鏢》時我已經話想睇…碟已買…不過一路都未睇…又說當年的《康熙大帝》我睇嚟睇去都仲睇緊康熙細個…仲有套《一生為奴》講恭親王的都未清，仲仲有套《孝莊秘史》我好想翻兜呢…

怒火街頭

睇了兩集，感覺好似幾過癮…排吓隊先…(16/1/12後按：全集已補~)

刑警

又係當年首播時覺得幾過癮…不過都係要排吓隊…

**********************************
以上，再續。