2011/07/05

閒話app常~3:開店デパート日記、ゲーム発展国++

話說某天博友們看到影大介紹上邊的game dev story遊戲(上圖是日文版的版面),就說android那邊有人comment裡說如果你沒時間就不要玩云云…小的愛掃雷就去挑一挑…好了…現在我也 要告訴看倌們,如果你的生活已經很忙碌,不要玩,不可一不可再,因為會讓人一玩就沉迷下去停唔到手,特別係臨瞓前…(遠目…那兩個玩到三點幾先肯瞓的夜晚…)~




(閒話app常可以開個獨立column了…哈哈哈…)

話說呢,本人很喜歡玩呢啲模擬遊戲的,遠古的夢幻西餐廳,到nds時的restaurant dash本人都玩過不亦樂乎,初初玩department開店日記的時候有啲唔慣,慣咗之前restaurant 或hotel dash那種逐個客serve的模式嘛,間百貨公司只要就住升呢的要求,開夠幾多家店做到幾多生意引到幾多個常來的客同開到某家特定的店就ok,玩家可以做既就係儲吓心心和人氣,買吓店和boast吓sales,之後就投資吓呢投資吓路嚟增加客源,再起吓樓開吓店咁,其實個參與度唔太高,甚至可以開住佢尤 佢自己run自己做其他野…呃﹗呢吓毒呀,玩完一個月業績唔好,試吓宣傳做多啲丫…跟住試吓開多兩家多人幫襯的店丫…又或者做吓大減價谷人流…玩吓一個月 玩吓又一個月…跟住現實世界的時間都如飛…唔覺唔覺就半夜三更…囧﹗

玩到最後,店除了有巴士站,仲有地車和自家直升機坪…好好笑﹗最爆係我唔明點解百貨公司入而要開間醫院囉…

啲人物好得意(玩到後尾仲有國王…跟住會有雞乙隻來買野﹗囧),買野的時候會有對白,望住佢地買得開心,開心到買9x萬yen的麵包,喺野菜店買百幾萬菜, 去戲院睇二百幾萬yen戲…好好笑﹗然後再用心心整大減價谷人氣時,見住一大堆人湧住去買野圍到間舖乜都無要落閘收舖…好開心…我懷疑這是一個很好的減壓 方法…囧﹗

由於爆了5星後已經無野可升,於是小的挑第第二個game dev的遊戲,感覺呢個難玩過百貨公司好多,因為百貨公司基本上唔使點理tenant mix,總之開啲多人買野的店嚟谷sales就得(例如戲院和食物corner…),但game dev呢個呢,啲game路線要自己選,唔似啲百貨公司啲店現成一家唔使自己砌product mix咁;另外開發遊戲需時,跟住game的console又會有發行期限,唔襯佢仲有得賣時開發遊戲,俾咗既licence錢就浪費了…

嘩﹗我諗住嚟玩吓架咋喎﹗點解要咁用腦既﹗啲console既licence錢好貴﹗為了儲錢就要做多啲contract work,啲員工唔聽話做得慢又攪到公司信用低咗,然而train佢地又要錢…唉呀…我頭好痕呀…(嗚…)

好在我先玩百貨公司,如果先玩game dev會覺得百貨公司好小兒科…哈。死啦,好上癮呀,我仲好唔好玩pocket academy 和溫泉好呢?﹗囧﹗

我繼續去巡視業務了。好忙…先閃…以上。
*********************************************************************************
店家蛇果itunes頁/英文介紹頁/店家自家網站/另外一個source
前一篇:閒話app常~愛瘋影相apps
前前一篇:閒話app常之愛瘋apps飛佛

8 則留言:

  1. 我咪一早講我沉迷過溫泉0羅. 呢水我都係係迷呢隻, 我諗住寫文架!!玩完溫泉, 我覺得開發公司有d 悶.

    喂!唔係五星就that's it. 你開晒咁多款商店同起晒咁多個combo 未架?

    6th Jul 2011 00:47 AM

    回覆刪除
    回覆
    1. 未喎﹗喺出完呢篇文既同一日,我卒之狠下心腸將啲舖大執位,生意更多蒸蒸日上,跟住又有好多顧客介紹新店俾我啦…嘩卡卡…
      開發遊戲呢,我開發極啲game既評價都係得十幾廿分…我而家又轉番去玩百貨公司,轉個頭先玩番開發遊戲了…

      7th Jul 2011 15:37 PM

      刪除
  2. 我在android market只看到溫泉、game dev和grand prix,沒有百貨公司啊……我想玩百貨公司啊 ~__~ 其他都download了,今晚試玩 :-)

    6th Jul 2011 17:19 PM

    回覆刪除
    回覆
    1. iphone都未有grand prix呀…睇kairosoft個website仲有漫畫添﹗
      我諗我ko完百貨公司和game dev…會去挑一挑人人讚揚的溫泉~

      7th Jul 2011 15:39 PM

      刪除
    2. 可惡啊,已經連續兩天玩game dev玩到廢寢忘食了,連平時間中就要看看news feed的顏冊都兩天沒上了。太好玩了!上班工作時都在心癢呢 :-)

      妳無啦啦介紹呢隻game真係害人不淺啊 :-)

      8th Jul 2011 11:25 AM

      刪除
    3. 我又何嚐唔係被人毒既呢…
      (我地啲對白好似不可一不可再廣告啲對白…)

      9th Jul 2011 22:13 PM

      刪除
  3. 我都玩緊呢個game
    玩到樂而忘返...可惜仲未整到自己既主機....

    6th Jul 2011 23:31 PM

    回覆刪除
    回覆
    1. 我剛剛玩到可以開發主機,但次次我dev的game評價都不好,做極contract work都係得6,7萬資金,咪話開發主機啦,連買人家console的licence都唔夠錢呢…而家當儲吓經驗,遲吓再從頭玩過﹗

      7th Jul 2011 15:41 PM

      刪除

要講幾句嗎?﹗XD