我是…濕平魔…嗎？

其實，我算是大洗不大洗呢？﹗ 一日最衰都係李白「人生得意須盡歡，莫使金樽空對月」…更衰係一句「千金散盡還復來」﹗(文學老師見我都而家都仲背得出《將進酒》係咪會好欣慰 呢？﹗XDDDDD)…即係呢，小的一直覺得嚟得嚟亦要洗得去，無理由唔好好安慰吓自己架嘛，洗完下個出糧又有番錢囉﹗咁就「將進酒，君莫停」YEAH~


年紀漸長就不得不想想呢啲人生得意須盡歡既日子仲可以過幾耐呢…

小的又未去到月光族咁誇張，儲錢就不多(初初做野兩三年要還grant-loan，幾乎係月光的啦…)，最愛就係無無謂謂消費，洗咗？是但啦，買嗰一刻開心咪得囉。再加上手邊有信用卡可以分期…即係呢…差一點就陷入卡數深淵…

自從grant-loan清還完畢後覺得要規劃一吓。回顧本人的消費模式…4個字囉：生．活．態．度，因為呢四個字就無無謂謂的獻身大牌子。然後係 「需要」，需要有時可能係真係要，尤如屋企無廁紙咁咪要去買囉，但很多時個需要都係自己做出嚟…見到某product靚…腦就會自製幾(百)個理由去 justify去買呢件明知係無必要的物品。咁結果就只得兩個：一係屋企那件被束之高閣，又或者新那件買完就放著…放著…放著…

望著屋企的無x良品文具、護膚品、衣櫃裡的衫…看倌們感到我有多眼冤嗎？如果計番我俾了幾多錢嚟買，個心有幾la住la住嘛…

前幾年家裡有事要錢應急…囧？﹗錢…從那裡來呀？﹗覺悟就從那天開始了。快樂的日子總係過得特別快既，現下生活負擔不多，仲afford到快樂消費，只是過多幾年…人到中年的時候…攪不好又碰上個甚麼幾多年一遇經濟風暴無野撈咁典算。總得要居安思危一吓。

從網上看到擺脫月光族6招(其實都是老生常談，不過就是知易行難囉…)就係我想講既啦：

1. 強迫扣款　

錢擺喺gum得到既戶口比地球危險上百萬倍，供基金好做儲錢plan好買退休保險好做定期又好，總之將要儲起的錢放到不能隨時拎的地方就如在火星般安全。我，是犯賤又不自律的壞學生。

2. 分「需要」與「想要」記帳　

其實我仍然很喜歡自製「需要」去justify買野，只要不是生活必需的，就尤得佢腦交戰一輪，見到對鞋見衫靚，一定要彈開即走，過得幾天仲思前想後諗餐死先既話，um，咁可以諗吓。

另，行入超市、skincare店一定要目標為本，對住個list執完要既野即走。睇《Millionaire's Mind》啲有錢人都如是的，千萬不要被用coupon有電視框那些小便宜呃到，計吓條數往往係人家出豉油你出雞的。平係一件事，我用唔晒係一件大事， 錢…都係喺我銀包好啲囉﹗~

3. 避免群體消費　

跟朋友出街亂買野商大年代比較癲，那水可真是天地堂幾個鐘後就會一袋二袋的上堂。而家跟朋友行街我多數係魔鬼叫人買野的~即係呢，濕平的快感除了自己買之外，睇人買都有一樣功效架﹗嘩卡卡﹗

4. 少用信用卡　

這個我同意到不得之了。前陣子我試做了一個實驗：張所有信用卡都cut晒佢，只靠EPS和cash度日，少了先洗未來錢的引誘，自然買乜都會諗過度過。

現在見很多人愛上網購物，其實小的除了蛇果app store外只試過在yahoo bid了一本書，仲要喺地車站現兜兜交收的…。不是說信唔過網上購物平台，只係驚咁方便我會一陣又上去買吓，郁啲又掃少少番屋企，積少成多，條數好甘的。 呢度方便大門一開就有危機(對我來說)，咁都係唔好開啦。

5. 找到發洩的替代品　

濕平減壓就如econ所講係marginal diminishing return，初初買時係有種快感，但慢慢買車買樓買船買飛機都無用…。同埋因為唔開心而亂買野係世上最危險的事…﹗﹗﹗

6.投資型的享受　

文說投資型享用其中一樣係讀書，呢樣我成日做架喎﹗我係咪要hills吓小的一路都不太喜歡旅行呢？總覺得幾千使幾千蚊好似很奢侈，然後路上的飲飲食食買呢買路呢數都好襟計，然後放假舟車勞頓，返嚟又要返工…咪好似無抖過咁…well…

********************************************

其實我無好遠大的幾多年要搵到幾多百萬咁勁既理想，我只是單純的唔想老咗執紙皮。好，要努力了。

另外的：
地獄式慳家~《攢錢羅曼史》


我cheap故我在
我cheap故我在2之入會狂迷 

延伸閱讀：
百物騰貴的證據…
百萬富翁的頭腦

另一篇：如何變得更慳家