2008/11/24

志雲大師與小明哥

家陣啲電視台高層越走越前,乜節目度見到佢,曝光率隨時比當家花旦小生還要多,很多人說無記的志雲大師高調,不,我覺得有記的小明哥先勁,不論是有 記旗下的「嬌陽電影」開拍/上映/宣傳你都會見到小明哥受訪,有記/嬌陽藝人出席活動又會見到小明哥受訪,小明哥做嘉賓的活動又會見到小明哥受訪,小明哥 唔係做嘉賓的活動都會見到小明哥受訪…

聽到「小」、「明」、「哥」這三個字我都快會發惡夢了…

十分明白自己人那有不幫自己人之理,咁旗下藝人/電影/歌曲有promote唔用自己channel既air time唔通望喺無記、亞記度上鏡咩,但實有點over了,「嬌陽電影」每次都用超級無敵滾筒repeat又repeat宣傳大法,先不論套戲好唔好睇, 睇電視時不停被宣傳片/特輯/專訪轟炸,煩到完全唔想睇…

宣傳係撩起人家興趣的嘛,而家反其道而行…某程度…是宣傳的見效?﹗

而家喺電影台見到「嬌」記電影如《情意拳拳》、《犀照》、《雙子神偷》、《墨攻》等我都會九秒九轉台,遲吓仲有多套《奪標》…不如整個「嬌」記專屬電影頻道,等我避得開吧。

有時我不禁懷疑,全台最力棒的藝人係小明哥,以上套套電影上映呀宣傳呀,受訪佔最多air time的唔係主演演員,係揸fit人小明哥(通常會有埋佢老婆李鳳鳴…)。情況就如無記度成日見到志雲大師一樣,本來都無乜野,直至今年奧運前後…我開始受不住了…

自 從年頭有記宣佈拍《奪標》就不停見到導演小明哥走出嚟介紹這部戲,功夫點樣勁,點樣linkup到13億中國人的奧運夢(啦,我記得架,這部戲本來係 position做奧運片的,唔知係咪批文關係上唔切,而家就轉咗去標榜自己係功夫片…);奧運前有個乜鬼《全民功夫乜乜迎奧運》,娛樂新聞台鉅細無遺地從準備到rehearsal到表演到事後都現場直擊,而這個活動的主事人就係小明哥,佢功夫勁嘛﹗咪有住啲細路出嚟打功夫…。奧運後就到《奪標》去威尼斯 電影節,又係小明哥不停現身說法點樣榮幸呀乜乜乜咁。電影上了,就有個特輯讓小明哥介電影中唔同門唔同招式…

即係呢我睇娛樂新聞台係諗住八掛娛樂園今天發生過乜野事,而唔係「嬌記」發生過乜事囉…大佬,連小明哥去乜乜懷舊演唱會都訪問一餐…我未睇過《大俠霍元甲》呀…救命…我寧願聽李龍基好過了…

講起這個台,其實我覺得啲主播咁多年來料接料中間的transit位接得仍然非常差,我都唔明點解要懶係講啲野駁起兩單無關係的料,最慘係冷笑話冷到都唔好 笑,我寧願佢地好似新聞報導咁「接住係下一單報導」算了…同埋,可唔可以唔好吓吓「E」起棚牙烚熟狗頭又高八度的報料,聽得好唔舒服…

又講開,唔吓吓問人家情事得唔得呀?﹗啲主播好似除了問人家緋聞情人和幾時結婚生仔之外就唔會問其他野…

噢,唔好意思,我激動了…

我好驚有一人會小明哥上兒童台教小朋友打功夫,可能去12台用功夫同肥媽一齊煮餸…或者小明哥去足球台教大家用功夫踢波…(不會去成人台吧?﹗)…

諗吓諗吓轉去無記收費台可能無咁嬲…《志痕飯局》有時都幾好笑喎…

驕陽電影主頁

18 則留言:

  1. 有時高層走得太前,我會有少少牝雞司晨既感覺

    24th Nov 2008 01:15 AM

    回覆刪除
    回覆
    1. 嘩,牝雞司晨這個很深…我要查一查先知係乜…受教了…
      高層走得太前…令我受不住…衝去轉台…
      24th Nov 2008 13:27 PM

      刪除
  2. 博主,真的很久沒來,來跟你問個好。
    其實也不用那麼激氣,不想看轉轉台,不會日日都是播他的。

    24th Nov 2008 02:07 AM

    回覆刪除
    回覆
    1. 你好呀…
      唔係激氣既…不過真係好難頂…高調得咁肉酸…囧…
      24th Nov 2008 13:28 PM

      刪除
  3. cut了有線好耐,佢地既近況真係唔知點了!不過睇妳所寫既..如果真係咁,條友都幾攪笑下啵!想做名人全城既人都識你?好心啦!有實力比人睇既(演技/唱歌/表演之類),冇彷唷,但如果出黍只係為左增加曝光率就會適得其反...我地咪當佢小紐咁睇,當娛慶節目出黍笑下囉,唔好咁激氣^^
    話時話,無記個收費電視千祈唔好join... 價錢成$1XX 但幾乎乜都唔岩睇!!我平時開電視e加只係開now去睇佢d 電影台,足球台和discovery頻道,比無記個收費電視真係差天同地...唔想後悔既話,奉勸一句...唔好裝!!裝左有乜投訴真係自作自受(仲要一簽簽年半!!想cut都cut唔到!!)

    24th Nov 2008 03:50 AM

    回覆刪除
    回覆
    1. 我都在認真考慮cut咗佢,因為我真係無乜時間睇電視,次次睇親都見到小明哥個樣…真係囧…我想睇娛樂新聞呀,唔係嬌記新聞啊﹗媽呀…
      而家有記少咗好多野睇,娛樂新聞台越做越唔好睇,娛樂台啲自制節目又懶係lifestyle咁(whereas我感受唔到佢地既style…)…我多數睇足球台(但少咗好多波睇喎…)和電影台囉…
      我諗與其個個月二百幾sub收費電視,買個高清盒睇高清台算鬼數…費事煩…
      24th Nov 2008 13:31 PM

      刪除
    2. but... 高清台又好,收費電視都好,都要有好野岩自己睇先值既^^

      24th Nov 2008 19:49 PM

      刪除
    3. 而家J2台幾多野睇…很不錯的說…(雖然這是很遲的回覆…)

      刪除
  4. 李小球16/9/13 21:29

    講開《奪標》......佢句宣傳slogan「手無三聲 棍無兩響」好難明......仲有roadshow成日都播埋呢套片的宣傳記者會,好煩呀

    24th Nov 2008 10:21 AM

    回覆刪除
    回覆
    1. 棍無兩響我好似明! 解釋一係大概類似"一擊必殺"(唔駛打第二下)的意思, 解釋二係近似"武無第二"的意思.... (XD 咁解釋都算係明嗎?!)
      某程度來說.......roadshow 開左唔少電視的先河! 正常電視無可能咁播呢!
      24th Nov 2008 11:56 AM

      刪除
    2. Re: 李小球

      好玄喎…
      roadshow又係超級無敵滾筒悶死你式宣傳法粉絲來的…唔悶死人都唔心息…
      24th Nov 2008 13:32 PM

      刪除
    3. Re: yan

      博士你真博學啊﹗小妹深深拜服耶﹗
      roadshow唔開聲都還好,合埋眼瞓覺我睇佢唔到,我搭車又聽mp3…乜都聽唔到乜都睇唔到好舒服…
      其實roadshow啲節目質素都好out吓…次次都係硬銷…和嬌記啲電影宣傳一樣好反效果吓…
      24th Nov 2008 13:33 PM

      刪除

  5. 咁小明哥都係幫手宣傳,但志雲大師是做埋幕前一份,我覺得後者是惡頂一些了。

    24th Nov 2008 19:26 PM

    回覆刪除
    回覆
    1. 回頭看,兩個高層都不在其位了?

      刪除

  6. 博主你好 ^o^ 路過有感... 留字幾隻...
    ~ 陳生單純旁白o既都仲頂得住... (幸好家中沒能看"致暈"大師 @.@!!)
    ~ 認同除生o既出現叫人受不住... (小女子會有立即轉台 或 關電視的反射動作出現 #.#!!)
    ~ 及非常收反宣傳的功效... (小女子已被訓練成任何嬌記影畫, 一律不會付銀兩去看. $.$!!)
    ~ 早前續約時都同佢地o既CS談及佢地o既老板... 是如何的熱愛展示自己 (當然o係自己個台啦!! x.x!!)
    ~ 要不是家有長者要看32台, 應該會停用"畸佬"啦... (不過早上4,5點o既黑白粵語長片又真係幾好睇o既 >.

    25th Nov 2008 01:02 AM

    回覆刪除
    回覆

    1. re:路過的CD-Rom
      你好呀,謝謝留言了﹗
      其實我對至暈大師唔太反感,反正我避得開佢既節目時段,睇第二啲咪見唔到佢個靚仔樣囉…小明哥避唔到呀﹗佢無孔不入的宣傳大法,我明明睇12台播日劇,中間啲廣告時段不停見到佢個樣飛出嚟講新戲…真係乜都唔想睇,剩係想熄電視走人﹗
      收費電視呢,之前無記那個有人上來我家sell,佢係用《至暈飯局》來做賣點囉﹗我即刻關門走人啦…呢個賣點…好sell得嗎?﹗囧…
      26th Nov 2008 17:33 PM

      刪除
  7. 好難話小明哥係台前定台後人,因為佢以前跟本係台前,佢咁高調,係高調得起,話晒佢本來係台前。
    佢係果種成日覺得自己懷才不遇既人,對以前亞記(無記佢有無服務過?不知)係有怨言,係佢被訪問時可以睇出,可以話佢好有自信,亦可以話串
    有時覺得,佢部戲咁啱同洪金寶少年行撞期,不如一齊宣傳仲熱鬧,哈哈,仲可以即場徐小明同洪金寶黎場對打仲好睇。

    28th Nov 2008 13:44 PM

    回覆刪除
    回覆
    1. 其實阿小明哥做幕前定幕後我都無乜意見,只係佢既曝光率超級高,而佢既言行、style又不屬我buy的一類,既然道不同不相為謀,佢係咁出現,我就係咁唔睇…同埋我會認真考慮唔續約囉…
      實在我唔多知小明哥以前拍/唱過電視劇…係睇呢水好興的懷舊演唱會先知咋…
      都說,我受不住…唯有唔睇…唔想睇到眼火爆…
      29th Nov 2008 19:41 PM

      刪除

要講幾句嗎?﹗XD