送舊迎新~07年末絮語

一年將盡，又是送舊迎新的時候囉…

不知是一時間不適應氣溫劇降，還是煲完戲諗太多野，還是感概快老一歲…就是唔肯迎接周公子的邀請…唉…

睡不著，就來打文囉﹗

• 不知緣何firefox突然開唔到，逼住開番IE打文，但IE又load得極慢，最終還是決定boot機。回想起來，本人之所以轉投firefox要多得鮮奶博…話說本人想學人改css粉飾吓門面，search search吓就去到一個blog界名人教學篇，文中佢介紹firefox一個preview css的功能，如是者我可以在左邊window改，右邊即時睇到個博有乜改動…嘩，好神奇的說﹗就係咁本人就脫離IE行列了，唔覺唔覺就一年了~
• 在鮮奶開檔差不多兩年，很高興結識到一班志同道合(…特別是八和食…)的博友…
• 又係鮮奶，本人的八婆仔絮絮唸得以出現在書、報章之上，受寵若驚，多晒﹗
• 世事無絕對，只有真情趣，曾誓言旦旦說韓、台劇老土，今年煲完台劇又睇韓劇。人生就係咁，真係無絕對的說。雖然睇完兩地作品，本人最愛依然是日劇。(15/2/12後按：真係never say never呀，呢水我正中招泡菜國令仔招添啦…)
• 大除夕要返工，無時間煲劇，那末07年最後煲晒的電視劇和電影均是韓國出品…都說世事無絕對…本人就是這樣喜歡凡事留一線，日後好相見，常覺得凡事做得太盡最後反令自己陷困局。
• 所以我只會說我敬愛某天后…難保某天我會愛上佢某隻歌…
• 剛煲完基哥的《王的男人》，著眼點最初是基哥的女生造型…。戲子做戲，引出宮廷暴君惡行、奸官鬥爭、後宮爭寵等戲外戲…頗精彩的說…最初著眼的東西，反而不重要了。
• 氣溫反常，去到大除夕才來個寒冷氣溫警報，要好好保護地球先生才行了。否則「寒冷」氣溫恐怕永遠不會來…
• 希望來年工作一切順利，老實說有點怕，恐怕自己做不好/來…
• 希望來年可以去個旅行，太久沒去了﹗
• 12月30日，梅姐離開不經不覺四年，時間真過得太快…
• 這一年尋回一些兒時友人，也失去一些。也許人生就是這樣，每個階段有不同的人在身邊來來往往，強求不來，就只有珍惜眼前的吧。
• 多謝為本人慶生的友人們。是我K精形象太深吧？K足一天…哈哈
• 前兩天和中學同學食飯，當中識得最耐那個是從幼稚園低班就認識(我那年代仲叫低班囉…哈哈)﹗雖然那家比隡克的食物失水準得可以，人來人往之後大家仍能圍在一起吹吹水食食野，還是值得慶賀。
• 08看的首個演唱會將會是張震嶽，第一次看他的LIVE也是第一次去Star Hall，很期待~
• 08第一場想看的電影是《Elizabeth: The Golden Age》，現下正在讀電影原著小說，對故事了解多了，原來係咁既一回事，又係很期待~
• 08第一張想買的唱片應該是張敬hins的精選，當年雙失時聽到他的《my way》的感動至今難忘，非常高興睇到佢今日好歌有好報~
• 最後貪心的加多句：希望明年真如so紋身師傅所言，樣樣掂﹗呵呵~

Have a fruitful 2008 ahead~

(大件事了…打完文仲唔覺眼瞓…之後可要返工的說…嗚)