演唱會的十萬個為甚麼？

對於香港的演唱會，本人有很多疑問的說…

點解演唱會主題曲一定要係快歌？

點解我俾錢呢聽歌手唱歌佢反而遞支咪叫觀眾萬人大合唱？咁我係咪要收番歌手錢？

點解明明有隊band喺度但又播mmo？

點解啲音樂聲大聲到我聽唔到歌手唱乜？

點解和音會大聲過歌手把聲？

點解明明係歌手自己歌但都記唔熟歌詞？

點解我睇碟反而覺聽和睇得仲清楚過現場睇？even我睇400蚊貴飛？

點解要換幾十百套衫？

點解換衫唔換快啲要整鬼咁多間場片段來播？我是來看演唱會不是睇片的耶？

點解男男女女平時衣著正常，開show時一定要性感？

點解明知會變廁所位都要有嘉賓？

點解一定要有encore？

點解明明係正式rundown又要扮encore？

點解唔可以準時開場？點解一定要遲起碼三個字？點解完又反而準時十一點半完呢？

點解開四面台個歌手都唔周圍走動吓，成日背住一邊的觀眾？

點解明知唔match演唱會主題都要加啲和整體氣氛9唔搭8的熱門歌？

點解一定要有握手位？

點解唔係跳開舞要走去跳舞？

點解明知唱歌唔掂唔練吓歌而走去練跳舞？

點解我明明來睇表演歌唱但變咗表演咪咀？又點解咪咀都唔咪得pro啲？寧比我知莫比我見耶？

點解一定要有好多舞台機關？

點解一定要有好多dancer？點解啲dancer我硬覺得跳得好過個歌手？又靚仔/女過啲歌手？

點解場外賣的cd又唔係特別版又無簽名但比cd店貴成廿幾三十蚊？

點解紅館既演唱會硬係無場刊？硬係無rundown？連會唱啲乜歌我都唔知？

點解一定要派pong pong捧？但呢兩支野bong多兩pong好快就無氣？

點解？點解？點解？

另一篇：
我最喜歡的演唱會