飛士卜恐怖

對，開始覺得這玩意恐怖…

在博海，有面還是無面見人由自己話事，然而到這些網上社群，人人都可以揭自己舊事。有想過從此斷絕卜海，不過這只是斬腳趾避沙蟲吧，就算沒帳戶，要貼的人照樣可貼，反倒是自己欲知無從。

看見友人貼今日去飲，聽日去畢業禮，後日去燒野食的相…我不禁在想，其實「相中人」有沒有被通知會貼上飛士卜既呢？定係貼的人覺得「你都開咗account架啦，怕乜被post出呢？」…聚會上高高興興，只要有人舉相機大家總來者不拒的影個夠，只是係唔係人人都喜歡拎出公海和全世界分享呢？起碼我唔係，其實，我有點介意…

要保護自己的私隱越來越難，舊照片…算我多心想多好了。現在式的，尤其是工作上的，我真真真不想見光，也許是前司訓練，任何可給客戶reach到的途徑不要show公司名，要show的話就不要暴露真我，免得影響公司形象。見好些友人將公事上相片post上去(幸好無我個樣…)，又開group又談天說地的，我又多心的想，要是有客戶閒逛看到(天下間應該有很多無聊人如我會周圍八掛看的吧？)不太好吧？當然，將飛士卜當作marketing tool例外啦。

只是，我想呢個我力保的城池終會被攻破…

還有，有人可以告訴我如何close了home的news feed和拒絕request？我不喜裝人沖涼，而人家交了甚麼朋友、做了甚麼、送了甚麼給朋友…都唔關我事，報告埋俾我知做乜？裝人沖涼會生眼挑針的說…我想知朋友舉動的話會自己找來看，ok﹗還有那些request，每日在轟我的email，卒之，將contact email轉回去一個較少用的，無眼C乾淨盲。

我不想將自己的事派街般share，但不知不覺可能有人在代勞，而佢地未必係出於惡意…係咪恐怖先﹗

舊文
社交空間絮絮唸
飛卜新世代．你like我都like…

也談Facebook

Big Brother Facebook: Does Anyone Care?

朋友，如果你因為看到這篇文而感到不爽，對不起了﹗
****************************************************
題外話，這是一個港島選民的牢騷。

由於琴日一朝早出咗去考試，考試途中當然關手機囉，事後接到媽媽電話，說有個人打了四次我家號碼找我，oh，她問了句：「是公事嗎？」，無理由架，我司度有我家電話的相信只有hr囉。我估，九成九係叫我去投票。

唔係親身接，唔知，只係估je。

之前區議會選舉，我就接了幾個xx會的電話叫我投xx聯的候選人。一日一個，好似食藥咁。實在，我已每天不停被候選人的宣傳單張攻擊我的信箱，好在他們不會攪email宣傳…現下email不行就攻電話…救命呀…

區議會還好，我那個選區只有兩個選候人。補選就大件事了，八個﹗﹗﹗再加上我家一家都係選民，全部單張一式幾份的塞進來…每天開信箱總會跌一大堆單張，掉又唔係唯有儲埋佢拎去回收吧。好煩，可唔可以有啲環保啲既宣傳方法？最重要的投票通知書我反而搵唔到，卒之要問番家母先知去邊個票站投票…orz

幸好，一切都完結了。在出年立法會選舉前，我可以有一刻清靜了。