情迷converse鞋

這是本人提早入手的新年新鞋~本人鼠年最旺的紅色﹗(我在風和日麗了…哈哈…)

女生都愛穿高跟鞋，本人卻熱愛converse，熱愛到要禁制不准隨便亂買，這對本年的one & only one，可是本人睇足一年才出手的說…loud到不行又切合本人來年幸運色…呵呵

這個是上年的入手~以意粉隊奪得失落廿四年的世界盃冠軍兼殺掉本人一直看不爽的法蘭西隊而入的紅白綠鞋…雖然這不是國旗系列，但本人已將其列為意粉國特別版了﹗呵呵…(17/2/12後按：可惜這對在某次大風雨之中死掉了﹗嗚呀…)

雖然本人都覺穿上高跟鞋後雙腳線條很美…只是從生理角度而言，本人的怪腳可受不了時下流行的尖頭鞋，穿上不到一小時就痛到行都行唔到，高踭的唔得，平底又係痛到傻。於是返工鞋本人只能選少少踭的圓頭款，真吹脹，平底唔得，尖頭唔得，高踭又唔得，一對唔會著爛/痛腳，看上去又美的返工鞋實在是可遇不可求。前司年代，除了出大場面老細都不要求formal dressing，奉旨著converse(因為二打六的我們要擔擔抬抬嘛…)，感覺真的很爽。

話實本人是F.5才迷上converse的說，以前新年新鞋只會入賴茄或愛搭的士， 其實本人都頗喜歡愛搭的士，貪佢simple but artistic。只是本人家族是大腳族，長長腳掌配上上述牌子波鞋的感覺…活像航空母艦上腳，如何配襯都覺十分奇怪。直到某天同學腳上的converse，登時叮一聲的…「係你啦﹗」咪話，著上後對腳視覺上好像無咁大腳八，由船腳變成slim腳。

本人呢款係 終極懶人，最怕襯衫襯鞋，所選的衣物最好易襯易配，即是好像雜誌那些10件衫著1個月的配搭，明明著來著去都係嗰啲，但左配右搭讓人感覺好似天天新款。這 就是本人熱愛著con的原因，無論是著裙著褲都不用為隻腳煩惱，求其拎起一對著上腳就可以出街。唔使煩顏色之餘，又唔怕著痛腳，實在太一流。

返工鞋本人可是不太熱衷搜購，求其有兩三對替換就算(其實本人喜歡著boot多啲…終於都等到而家天氣稍為凍一點了…)。con呢，數數原來現在在家中有十一對存貨…orz…低筒、高筒、高高筒(即係筒到上小腿的)、Jack Purcell、縛帶、魔術貼、淨色、pattern、皮、布都齊…耐不耐，本人會搬晒佢地出來影個合照(哈哈)，蓋因現司工作要執正一點，一星期只能便服三兩天，著來著去都係那幾對，其餘的就留在鞋櫃裡封塵囉…。

一個銀有兩面，con鞋美美的外表背後，其平又易蝕的鞋底對腳掌其實不太好的，本人就試過太熱愛一對con，誓死著到最後一刻才放棄它，走在街上行行吓感到腳底濕濕地…望一望…嘩…原來鞋底蝕到穿了個洞…從鞋底望到自己隻襪…好在無踩到釘，要不隻腳一定大件事…

女生熱愛的高跟鞋本人竟然看不上眼…究竟係本人品味獨特還是…哈哈…

不知何解，開首的紅色珠片con讓我想起哥哥呢個封面…

唔知有無人夠膽著呢款火紅晚裝，同時穿上紅色珠片con…哈哈…
****************************************************.

雖然本人平時都常影些無聊野，但轉了手機以後好像嚴重多了…左圖的barbie，是老銅某日式百貨門口的window display，本人見到咁靚忍不住拎機出來影影影…前前後後不知受到多少行經人士的「白眼」…嗚…我又唔係影你地…

其實重點是我喜歡相機有加日子的功能…(12/3/13後按：咦，文中呢個barbie條紅裙都拍得住呢個咁令喎﹗)