[台劇]好久不煲的台劇…

話實，一路都對台灣劇集興趣不大，真係集集追的已講緊恐龍年代的《包青天》、《倚天屠龍記》、《梅花三弄》那些，再數下去就是《還珠格格》…這是兩岸合作的，都算是台劇吧？近年興起的偶像劇，只看過《流星蝦丸》，仲要係第一輯兼無追晒，大熱的《花樣少男少女》？死囉，我都係呢水先知吳尊係乜水 ﹗…

然而，世事無絕對只有真情趣，果個博友提過的靚仔， 果間小小的vcd店，果個極度搶眼的封面，令我如著魔的不停煲賀某人的劇…

賀生啲相有啲角度似赤西仁，有啲似藤原龍也(Orz)，可能我未睇慣佢個樣掛…

話說，中招的就係呢套：

 

都說，煲劇有三樣野我係無免疫力的：古裝、歷史和古惑…咁你知點解我無啦啦會買套碟番屋企睇啦﹗

這套《惡男宅急電》現 在煲了一半，都估到架啦，話明偶像劇又會黑道得去邊，但求劇情不要太婆媽(這是我對台劇的一貫印象)輕輕鬆鬆幾粒鐘就好了。其實個故仔好簡單：就是黑幫少 主坐完監後改過自身，開了間速遞店，收留了一堆問題少男少女做店員，一齊成長既熱血物語，黑幫嘛？得閒有少少囉，阿主角要做好人和有你有我有情有山有水有地嘛…說實在，叫個偶像去扮古惑仔都幾大膽的說…。唔知點解，我會諗住《My Boss My Hero》的說…

又係我無聊大發現時候，睇唔睇到賀生個紋身係去到後頸位？但好明顯佢唔係集集有畫啲印水公仔(這也當然既…一畫幾粒鐘架大佬﹗)，穿崩了…有時伸懶腰…腰位又無了…oh，可能這是聰明人才看的的，又或，開了打交mode才會現身的智能紋身…

我估個編劇很迷《無間道》，琴日睇的一集居然有臥底死掉…死後被恢復身份，仲葬在台版「浩園」…天呀…還有，那些幫派名可唔可以型啲？「惡男幫」、「大腳幫」的…好無氣勢啊﹗ umum，啲打鬥有少少兒戲…umum…

等我睇番先補詳細後感呀吓。

然後，到某大大的中招必然推介之一《惡魔在身邊》，這個在你管睇了一集：

原來楊丞琳爆紅的《曖昧》就係來自呢套劇既(超後知後覺)，只睇了一集，感覺係極卡通囉，因為一封情書而被威脅做下人？比我就理佢啦…不過唔理佢又邊有戲做？賀生做惡霸少爺，成日對住人邊笑邊毒舌，幾有趣。煲完《惡男》後煲一煲先。

唯一意見，點解賀生個角色咁鬼道明寺？(謎之聲：不就是大家都改編日本少女漫畫…)連髮型都要似…但人家菠蘿頭時用hairband(雖然我唔覺得型)，但阿賀生用髮夾既？(這是更唔型…已去到超級唔型耶…)好礙眼囉，唔可以gel起的嗎？

根據某大大既中招路線圖，之後要煲賀生新作《換換愛》：

未睇，但知是《惡魔在身邊》原班人馬上陣，賀生再演惡霸少爺，唔睇劇情(都係咁上下架啦)齋睇相，咁係型囉﹗gel番靚個頭，啲髮夾budget留比楊丞琳吧。最令人震奮的是得十幾集，應該唔會好似《惡男》咁拖戲拖到我睇睇吓瞓著吧？

同上，煲完補看後感。睇完呢幾套，怕且我期待已久的長瀨智也先生新作《歌姬》都播完了，嗰時先回歸日劇囉。呵呵…

讚美賀生完畢(有讚過嗎？)，開番正常mode做野先。
**************************************
延伸閱讀+我的發癲煲劇記：
(+賀某人一條龍煲劇後記)
2007 年度煲劇回顧  
[台劇]惡魔在身邊vs換換愛
(好無聊的買埋甚麼寫真書…哈哈哈)急凍得來又好食？