也談Facebook

交朋結友網，曾經很紅的Friendster有開account但不熱衷，到現在都不太明白佢做乜，「朋友」來來去去都係嗰三個﹗這一水很紅的 Facebook本質相近，但加了很多周邊application就…出事，玩到一日不click如隔三周。幸好，開戶個多月，過了上癮高峰期，回復正常了。

分史達也好，飛士卜也好，於我而言最大吸引力就係搵番失散了的同學仔舊工友。一路有聯絡的友人，有email咪即管invite一下，無亦不可，反正在飛士卜以外的世界也有聯系，仲要係更直接的說。

我這個人衰懶，gathering總係等人攪而唔肯自己來，曾經日見夜見的同窗慢慢在生命中fade out。面對面，我怕大家相對無雜言，所以在人海相遇我都係無勇氣相認的。而飛士卜正好解我愁雲，從母校的group到見到舊友，打個message按一 按send，大不了對方ignore自己啫，起碼無兜口兜面咁瘀，在網上被動的本人突然主動囉…呵呵。最近相遇番個F.1時很玩得來(是她感染本人欣賞巨基的說…唔)，談起舊事，對方又真係記得啲細節喎…嘩…超開心囉…

隨了學校group，公司、組織、信仰甚至係一個信念(如反對中大校巴收車費)都可以組成一個group，有興趣就加入吧。如是者，你搵到我我搵到你，可add的朋友越來越多…我見過一位朋友朝早才開戶，夜晚已add了百幾個朋友…orz…

說到add朋友，本人倒是有點堅持，和當年icq/msn一樣，要真正認識那人才add，就算是網友，最起碼我知佢係乜水，大家有交談溝通過(那怕只是博上的留言)才算是「認識」吧？說實在友情呢家野唔係用來炫耀既，百幾二百個朋友又點？哈，我都是繼續貴精不貴多好了(被我add了的係咪係榮幸呢？呵呵 呵)。

add來add去之餘，你的朋友(和你)對你或對其他人做了甚麼事都會列在news feed度，老實說，我覺得有啲似監視，又有點似偷窺，發現人家send禮物給大堆人偏沒自己…會胡思亂想…唔通我唔係你朋友咩？

至於那些application，初時覺有趣，現在開始覺得煩。

Post message(已發展到可以post圖、畫公仔和video，正頭好似blog留言咁…)、送禮物、約玩遊戲、養寵物、談自己喜歡的書/電影/音樂、睇股價、puzzle、看大家相似度…周邊applications多如繁星，甚至開始有啲「煩」，同樣係post message功能的wall我add了兩個，send飲品的又有兩個，跟住send禮物的又有幾個…嘩，可唔可以合併埋一齊呀？個page長到暈，收要 manage(最起碼覆人家留言…寫blog後遺症…有留言要覆…)自己個page極煩，這也是我熱情開始減退的原因了…

基本上，有invitation時都會add來試，有趣的就留，無聊的就delete。唯獨有一個我不喜歡，add了沒執行--就是add top friend。不知怎的，總覺得像是將朋友分化了，你是高層次啲既…阿某某是無咁close既…當然，知心密友和點頭之交是絕對有分別，不過大家知就算， 放上枱面總覺怪怪的，畫公仔唔使畫出腸je？

同時，飛士卜係老闆check員工有無偷懶既好地方，你做乜動作佢都會list出呢，仲寫明時間…斷正﹗而且好多人會用真名仲貼相，在博世界還可以化名避人耳目，在飛士卜真係一目了然乜都睇晒…好危險的說…好些人在 information一欄連公司名都寫埋…真係唔怕被check嗎？

我怕架…哈哈，所以玩少咗囉﹗

另外的幾篇：
飛卜新世代．你like我都like…
飛士卜恐怖
社交空間絮絮唸
我們的青春小鳥~ICQ
我們的青春小鳥~xanga