[台劇]《惡魔在身邊》vs《換換愛》

後知後覺的我，最近才失驚無神迷上台劇(嚴格來說只限某男藝人的劇)，之前煲完《惡魔在身邊》，現在煲了大半《換換愛》。看完，其實對台劇沒怎麼改觀，談不上甚麼後感，反而想談別的。

話說《換換愛》是《惡魔在身邊》原班人馬再上陣的新作，明明不是續篇，但人物性格和關係、感情線、故事大橋相似度竟然可以高達百份之99.99999999999，即是說，只係人名和家庭背景唔同咗，刻意延續前作風格搶收視用意明顯，實在佩服劇組挑戰先入為主的勇氣…

這個都算是自我複製的最高境界，道行比《大奧》或《刑事偵緝檔案》自我分裂更高，話晒後兩者好歹安在同一個系列之內的續集；《惡》和《換》卻是同一條橋同一班人rerun多次，不其然會諗，喜歡《惡》的人需唔需要睇另一套細胞分裂(又唔可以叫copycat吧？)的孖生兄弟呢？想翻睇不如直接睇《惡》？

如我自己睇《神鵰俠侶》的case，先入為主下喜歡上第一個看的版本(我選的不是公認的經典版本，不禁覺得自己很有性格…呵)，感情分大晒，看後來的會不順眼。雖然，本人是《惡》和《換》兩劇連住看，沒有一眾《惡》迷的先入為主感情分(我甚至覺得江猛啲衫好核突…雖然我知是跟原著造型的…明顯我係中某男藝人毒，而不是中此劇的毒)，不過觀乎網友的反應是可以apply前述的「《神鵰俠侶》後遺症」，對後來者，不禁諸多挑剔。

若然分開來看，《換》劇情雖然有點老土但其實都不賴的，起碼在主角性格描述上篇幅多了，似是想為劇集加番點點現實色彩，特別是惡少何解會成為惡少，原來會牽扯到他哥和他媽，即是佢老爸的另一個女人…噢，縱是夢幻愛情劇但劇情又好像合理化多了。個人最欣賞的是眾主角的造型型好多…，獨立睇都不失其可觀性。但一拼上前作，登時覺得後者有心乘前者之勢變本加厲搶收視，照dub的框架，好像失卻了點誠意，獨立睇會覺得有趣的點子(如楊丞琳永遠被惡整)，第一次睇會覺得意，第二次睇就無新意，不禁想問：「又係呢啲呀？」；更令(本)人難受的是，不知何解要加插極多男角側面耍帥鏡頭，拜託，我知佢地型，但唔使吓吓整個側面定鏡提醒我的，很煩。

不是說照dub不可以，若能青出於藍勝於藍當然無問題，只係開了個不錯的頭，後段卻變尋親記和絕症之我要活下去，還以為自己睇緊《一公升眼淚》，好像是角色感情線無野可寫，為篇幅而左塞右塞劇情進去…。雖然《惡》劇都是同一招不停有新角色進出插科打諢，不過那柴娃娃式大團圓結局比較討喜吧。

無聊題外話，有人可以告訴我妍書的造型，為何到中段突然由微曲的長髮變咗爆炸頭？話實本來已唔多頂得順這位Judy小姐講對白的語氣，再加上狂野爆炸頭，很難受耶…

後知後覺完，收拾心情溫書去了。

後話：我連這本甚麼寫真書也買下了…巧京京啊﹗
急凍得來又好食？
一條龍後記：2007 年度煲劇回顧   
***************************************************
無聊閱讀：

原來《惡魔在身邊》進攻祖國時…更名《我的淘氣王子》
《惡魔在身邊》熱播 楊丞琳半裸拍床戲<-- 這篇的笑點是…明明半裸的是賀軍翔…點解標題會寫了楊丞琳？好色啊…