2017/03/08

[韓劇]突然懷舊…唔覺意睇到《原來是美男》


本來諗住去沖涼,點知行出房前聽到首熟悉的"I will promise you, W#@%@#$@#%@#"(唔記得晒啲韓文唱咩啦),嘩﹗好耐無醒起的張某碩…我想話…真係突然懷舊…我睇的時候是2012年,套劇本身係2009年,但竟然有神奇的周星星電影功效(睇得太多身體已有記憶,一睇就知邊集仲要知邊個位有笑位,未到已經笑定先…)竟然出現了。

琴日那集尾段美男回鄉祭父,之後那集到笑到我死的俾豬追呀﹗仲有彷如隔世到一個點的"著名的眼線"

彈琴是charm的…。

張某人的劇去到呢套,《二叔公》都叫勉強啦…之後的就…不要再說了.jpg。

此某人令我無啦啦落坑去接觸泡菜世界,是很值得紀念的(然後做了很多瘋癲行為)。雖然還是覺得壽司世界比較好。

同埋某人的發展…實在有啲可惜。到底佢真係巧令仔,啲戲又得。um…

any肥,我想感概吓啫。

我返去煲《四重奏》和《直虎》了(表白小秘書)








11 則留言:

  1. 之前viu十二點幾有播佢同IU一套青春劇,而家八點半檔都係佢做男主角,見到佢不斷被人爬過頭,我都要諗一輪先記得佢叫咩名,感覺真唏噓。

    回覆刪除
    回覆
    1. 自己講完彷如隔世真係想唱咀:記不起,當天怎麼可以著迷…

      iu那套《漂亮男人》我都係看不下去,其實我最buy佢《貝多芬病毒》和《洪吉童》,男配的佢閃耀好多…umum

      刪除
  2. 那個年代到韓國到處都是張某碩的廣告牌,現在已經回不去了

    昨天和朋友的日本女朋友聊天,她說她不知道高橋一生是誰……好傷心……怎麼可能!!!

    回覆刪除
    回覆
    1. 轉得太快啦,李鍾碩dd都好似好耐世紀的事,啲人氣男演員一水水好快就一round

      竟然唔知高橋一生是誰﹗我估係唔記得名…但睇樣會知是誰吧?佢話晒引起日本OL連環謀殺事件喎﹗

      刪除
    2. 極同意, 韓國的男藝人的今期流行實在轉得快, 因為我主要是等本港電視台播配音版, 有時紅完紅罷我才開始看到套劇...XD

      刪除
    3. 我比我電話save果啲an an相佢睇架 XDDDD 可能冇著衫唔認得卦 XDDD

      刪除
  3. To Brownie: 張根碩在viu的8:30pm時段也有一套古裝劇播映中......關於扒頭, 男演員比女演員演藝生命長青, 或許遲些又再當紅也說不定. 相反女演員, 有幾多個吉田羊呢?

    To Wendy: 想請教你有否打蛇隨棍上探問那位日本女朋友她比較熟知的日本演員是誰呢(滿滿的好奇心...)

    回覆刪除
    回覆
    1. 我星期六見到她再問 XDDD

      刪除
    2. 泡深國有個兵役的限制,30歲前好快推你出嚟,紅咗搶完錢又推後一個…
      服役或者可以諗吓之後條路點行,女林大人同《秘密花園》個男主(我一定寫錯佢個名的﹗哈哈)出番嚟又係一條好漢啦…

      另:小秘書啲劇…又好似唔算太大路…我諗都係認得樣講唔出名啫吓話?

      刪除
    3. To Wendy: 等你啊, 很想知道本土人的人氣之選~~

      刪除
    4. Saman Man:

      我問左喇!!!佢話鍾意三浦春馬!我話:下!搞錯呀!三浦春馬咪同高橋一生一齊做女城主直虎架囉!我仲比左張佢地兩個嘅劇照佢指比佢睇呢個係春馬呢個係一生。佢話堅唔識,冇睇 sosad

      佢仲鍾意坂口健太郎。我:哦!我都有睇tarareba!佢:我都係!我:終於有共同興趣了⋯⋯

      仲有suda dd、砂糖健都OK

      女就鍾意gakki,架純都好kawaii

      然後我恍然大悟,呢個係generation gap唻。我唔醒起我朋友同佢女朋友都係90後仲讀緊大學⋯⋯而我已經係三十路嘅中女⋯⋯sosad

      調查完畢。總結係小秘書嘅market嘅年齡層應該係大啲的 sosad

      刪除

要講幾句嗎?﹗XD